الفارس فالح الشهراني: في دقلنا يشبع خفوق الجناحي…ونرهي عشا ذيب تلوت شدوقه

[ابن نجد]

يقال ان هذه قصيدة للشاعر الفارس فالح الوثيق الشهراني مع انني لااعرف عن هذا الشاعر شيئا لكن وجدتها ولشدة جمال هذه القصيدة احبب ان اوردها لان القصيدة جميلة ، يقول شاعرنا فالح الشهراني :

ما اخبلك يا اللي جيتنا بالمراحي
لك مقصدٍ بالمال تبغي تسوقه

المال من دونه عيال الفلاحي
بالمغربي اللي دقاق عنوقه

يوم صاح صياح الضحى واستباحي
وكل جواده في المطارد تشوقه

ركبت قباً مثل قوس الوشاحي
لاسمعت الصايح يجيها طفوقه

امهلت انا حبل الرسن واللواحي
ولحقت ذود شارب من غبوقه

رديتها لين اهتنت بالمضاحي
وحنت على الحيران كل امعشوقه

كله لعين اللي خدوده سماحي
ام القعود اللي لبنها نذوقه

ولعيون غرو مثل ضبي البراحي
سودٍ بلا كحل محاجر رموقه

ربعي هل الجدعا وساع النواحي
ومثيل سيل وارد من عموقه

ترعا بهيبتنا جلال اللقاحي
ويامن بنا غرس تحنا عذوقه

حرابنا من ضيمنا ما استراحي
ورواق بيته ما تخيط فتوقه

حرابنا نسقيه سم ذحاحي
ونوم الخلايق حاربه ما يذوقه

لا ما التهمنا شق جيبه وصاحي
مثل الغرير اللي يديه امحروقه

في دقلنا يشبع خفوق الجناحي
ونرهي عشا ذيب تلوت شدوقه

لاما اختلط ضرب النمش والرماحي
نارد حياض الموت لاحمي سوقه

نرجو ان تكون القصيدة قد اعجبتكم وشكرا لكم
-----------------------------------------------------------------------
زماننا غير زمانهم وحتى نتذكر الاولين
اخوكم ابن نجد