قصيدة الشاعر عبدالله بن مقبل ((في حفل العصمه))

[الفيصل6703]

هذه القصيده القاها الشاعر ((عبدالله بن مقبل العصيمي))في حفل قبيلة العصمه الذي أقامه الشيخ ابا العلا شيخ القبيلة يوم الثلاثاء الموافق 22/8/1428هـ ( بقرية طحي ) لتقديم الدعم المالي للجنة ملتقى قبيلة عتيبه ( الهيلا ) لمزايين الابل .

واملي أن تكون على مستوى ذائقتكم ،،،

	من هاجسٍ مانيب أقول أنه يسـوي المستحيـل=لكن ما يكتـب مـن الابيـات غيـر جزالهـا تنشي المثائل في الضماير مثل ما ينشي المخيل=وليا رعـد رعادهـا هلـت صـدوق خيالهـا اللي طلب مني قصيده ماطلـب غيـر الجزيـل=اتعب على الفكره واركبها على البحـر الطويـل وليا اكتمل مضمونهـا قامـت تبـث ارسالهـا =حضرت في الموعد ومن يقصر عن الواجب ذليل فـي حفلـة نحسـب لهـا بايامهـا وليالهـا =الحفله اللي في طحي وشرق من وادي عصيـل اللي بنوها أخوان جـوزا وارسلـوا مرسالهـا =في دار قطمان المحازم من سنـام ليـا جليـل اللابـه اللـي مـن عوايدهـا تعـز حلالهـا =أقـدم الترحيـب فـي حلـة مزبنـة الدخيـل يا مرحبا باسم الشيوخ اللـي يضـل ضلالهـا =ترحيبةٍ بالعود الازرق مفعمـه وبريـح هيـل اقولهـا وابـا العـلا شيـخ القبيلـه قالـهـا =العزوة اللي فـي المواقـف لاتحيـد ولا تميـل دايم علـى العليـا تسابـق والسعـد يبرالهـا =متوارثين الطيب والمعـروف جيـلٍ بعـد جيـل نبني صروح المرجلـة والطيبـه نرقـى لهـا =لو المكارم في مـدار سهيـل جاورنـا سهيـل منزالنـا لـو النجـوم تشـد عـن منزالـهـا =ماهيب بدعه نبتدعها بيـن يـوم وبيـن ليـل لا والله الاّ بالفعـول اللـي نعـرف ابطالـهـا =من جدنا عاصم ولد منصـور كسـاب الجميـل والمجد يبنى والعلـوم الغانمـه نسعـى لهـا =فخر تسلسل من هوازن مانبـي غيـره بديـل قرنة عتيبه والعـرب تفخـر بطيـب رجالهـا =قلته وانـا شاعـر ولا ورد كـلام بـلا دليـل وكلمه بلا برهان شرهتها علـى اللـي قالهـا =حزنا المكارم وان ذكرنـا ماذكرنـا الاّ القليـل منها الثـلاث البيـض دولاب الدهـر مازالهـا =ومنها الشجاعه والكرم والعرف والشعر الاصيل والصدق والنخـوه وعـد المرجلـه واشكالهـا =ومنها ولانـا للملـوك وللوطـن والله وكيـل بيعـه وعهـدٍ تـخّـره جـدانـا لاجيالـهـا =والجار يحشم والدخيل ينام فـي ضـلٍ ضليـل تحمـاه هيبتنـا وعنـه الكـايـده نشتالـهـا =ولا نقبل العيلـه مـن العايـل وحنـا مانعيـل وليـا بلينـا نعـتـزي ويحلـهـا حلالـهـا =نرد المنايا باشهب البـارود والسيـف الصقيـل يـوم القبايـل شاهـدٍ تاريخـهـا لافعالـهـا =مراجـع التاريـخ ماتخـدم جبـان ولا بخيـل اللي تهـاب أخصامهـا واللـي تشـح بمالهـا =وتبقى السلوم اللي ورثناهـا وعنهـا مانحيـل نفخر بها يوم العرب تفخـر بـروس أموالهـا =المفلس اللي من كنوز المرجله مالـه حصيـل من لا رصد كنز المراجـل حالتـه يرثـى لهـا وأخير منها كلهـا التوحيـد والديـن الفضيـل ونـاسٍ تضيـع دينهـا فـال الله ولا فالـهـا