الشاعر الكبير عبد الله بن زويبن الحربي

[محمد الذويبي]

الشاعر عبد الله زويبن الحربي اسما قد لا يكون معروفا للجميع .....

لكن هو شاعر .. واعني بكلمه شاعر .. من اذا قرات مثايله رسخت في الذهن واستفدت منها ..

وليس من يصف كلمتن ويرتبها على القاف .. وقالوا امبراطور الشعر .. وباشه الشعر .. وهات

من الالقاب .. والحقيقه هو راثع في بطن الشعر .. تسمع قصيده ولا تطلع بناتج..

نرجع لشاعرنا .. صدر له ديوان صوتي .. (( يباع في التسجيلات الاسلاميه )) ومع ذلك يحتوي على قصائد غزليه الديوان تحت اسم ،،، جواهر الشعر ,,,,

والى روائع هذا الشاعر ..





ياراكب اللي يـوم تسمـع وشيشـه
وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة
وتبيـن أنيـابٍ سـوات المناقـيـش
يمرج مع البيـدا إمـراج الخريشـة
إلى أمرجت بين الوحش والنواحيـش
مـن عقـب ماهـي للمنايـا وليشـة
بين الصقـور ومبهمـات النواتيـش
حيت حياة اللـي بتالـي الحشيشـة
عقب الدرك شرب القراح النقاريـش
جمسٍ يربح كـل مـن حـط شيشـة
يتعـب بتعبيتـه طـوال الخراطيـش
إلى وقف يكـوي الكبـود الغشيشـة
وإلى مشى ما يلحقه مومي الريـش
برقٍ من العارض جذبنـي رعيشـه
يـوم يتـلالا بالمـزون المراهيـش
وأثره ما يسقـي الكبـود العطيشـة
يبرق ويرعد مير مدري على ويـش
لا تحتزم باللـي ضلوعـه هشيشـة
اللي ليا سمع النـداء صـد تطنيـش
لا تحتزم بـه لـو تحيـزم بخيشـة
ما يقطع الدِيـان ركـض الأكاديـش
وبيتٍ بليـا سـاس مثـل العريشـة
يطيح لـو لمـع ببويـه و ورنيـش
وجرد السهـال الخاليـات الوحيشـة
اللي تطوى في شجرهـا الحنافيـش
أخير من ضله ،،، وبعض المعيشـة
يعافها الطيب ،، ويفرح بهـا الديـش
وقال المثل : ( مامن ورى طلع بيشة
عيشة ) وراس الضبي ما به عراميش



×××××××××××××××××××××××


يا مـل قلـبٍ هواجيسـه يسجنـه
سج النضا بالمطـارق والمشاعيبـي
هن ودهن كل روضٍ زيـن يرعنـه
وهم ودهم المساء عـن المعازيبـي
يوم انتهاء كل ما بالخـرج والشنـة
تواعدوا بيـت نطـاح المواجيبـي
شيخٍ صدى صوت نجره كل ما دنـه
يقنب بروس النوازي قنبـة الذيبـي
يرخص خروفه ولا يبخل على بنـه
ويشكر ويذكر ليا عدوا هل الطيبـي
تريحـن وأمرحـن يومنهـن جنـه
وأنا الهواجيس تسرحبي وتسريبـي
راحن بقلبي ولا أدري ويـن ودنـه
أخذت في جوهـن غفـوة وتغييبـي
سجيت معهن علـى فلـمٍ يعرضنـه
عن غيب بعض القرايب والأصاحيبي
ابليس لـولاه كـل النـاس بالجنـة
لاكـن يلعبـنـا راع التلاعيـبـي
يا شين بعض الأوادم لو ضحك سنه
يضحك بوجهي ويشذب في عراقيبي
واللي ليا غبت غوجه للطـرد عنـه
وجرد سيوفه عطيبات المضاريبـي
هجرت كل الـدروب اللـي يمرنـه
أخير لي من مجيه ، عنـه تجنيبـي
ولو ما أقتدي في كتاب الله والسنـة
خليت كلٍ على دينـه يصلـي بـي

[هلال الدوادمي]

الله يعطيك العافيه يالذويبي...

لكم هناك قسم الشعر الشعبي ...لكل الشعراء من برا عتيبه

وهذا باين مثل الشمس شعراء قبيلة عتيبه

الله يعطيك العافيه ...

ولاهنت ارجو قراءة المواضيع المثبته ...

قبل كتابة موضوع