هـــذي نــصـــيــحــة

[للعقلاء]

ثار العجاج وصار فالـــجو تـكــــتيم
تــكــتــيم ظـلمه مابــها برق وخيال

وعلى الحــقيقه والنـظر صار تعتيم
تـيــّار يـجــرف كل عـاقل وجـــهال

تجمع ملايــين على غـير تقــــيـــيم
وشلون يجــمع مال ويصرف المال

لاصار للـــدولي وفـــنـــجال ودحيم
أباعــر ٍ شــوده ويضرب بها أمثال

تعـــطى القــبــيله عز وتزود تعظيم
يــرقـى بـها بــندر وعبدالله جـبــال

تحولوا رعــيان عـــفر ومــــجاهيم
ماعنـدهم نـوهــات شيـخان وأبطال

عز الـقــبيله في حضارة وتـعــــليم
وتمسكــن بالـشرع وإرشـاد ضلال

والوقفــه اللي تــرفع الظلم والضيم
عن اليــتـــيم ومن عليـه الدهر مال

وعن الجـــهاله صحوة تقـعد الـنيـم
من سورة العـمران وآيــات الأنـفال

أدوار تـمثــيل ٍ بـمـوجب مــــراسيم
خدعـة وتـنـشر في صـحافه وجـوال

يـلعبكم القــناص وأنــــتم كما الريم
خلــّى صعب مرعوب وسعود خـيـال

غلي الشعير وغلي رودس وبرسيم
راع الحلال اليــوم ما حــاله بـــحـال

في ســورة الأعراف وآيات حا ميم
عبرة لكــم ياقــوم في ماض الأجيال

قــبل العـــقوبه غـيـروا فالـــمـفاهيم
تسابقوا فالــصالــــحات من الأعمال

هـذي نصــيحة يالرجال الشــغـامـيم
ومن الحكم مايرفــض النـصح رجال

ويـقال من عقـب النــذر تـوخذ هتيم
وصلوا على المختار والصحب والآل
_
_