ياراعي الطايره شرق وغربني

[فيصل المرٍشدي]

ياسعود مقناصكم ماهوب مطربني@وطيــوركم كلها مانيب ناقلها
انا هجوسي لابو نايف تشاغبني @وازريت ياسعود بن خربوش اجادلها
كثر المجامل يابن خربوش متعبني @ خـــبرتك تنعاف حابلها ونابلها
صقاركم في مقانيصه معذبني @كــنه يدور للارنب في مداحلها
لاشاف له جرة ٍ حول كما الحبني@وصقارة الناس فاشلته وفاشلها
لو ينشد الطير قال انه مخربني @ وبرق الحباري من المفلا يجفلها
وليا نشدته يادوب انه يخاطبني@وهضاب الاوراس فوق الراس شايلها
وان كان خالد سواتي يونس الغبني@ روحي عن اللي بها تكتب تنازلها
اللاش في خوته ماهوب غاصبني@ واهل الجمايل نبادلها جمايلها
واللي فابن عون عبدالله محببني @يوم المخوه قضب طايل نفايلها
هداج تيما فضا جمه مغايبني @وارسوس الارياف يابسة ٍ بلايلها
ياراعي الطايرة شرق وغربني @عن دار قومٍ خبيثات ٍ دغايلها
من ضلع اجا مع رواق الجو قربني @للديرة اللي حليف الجود نازلها
عبدالله اللي ليا جيته يشببني @طب الكبود العليلة عن غلايلها
ياشيخ بين لنا بيت الشعر مبنيفي@ روضة ٍ لبست الزينة خمايلها
ودي بنجد العذيه مير يجذبني @ يم ايسر الشرق مرباعٍ يعادلها
نبته تشاكيل تطربني وترهبني@ مالوم انا الخس فيها يوم احللها
سيله يجوح النفود ويطرح المبني@ طيحة كهف كن ميكاييل كايلها
ماظن احد فيه ياصالح يكذبني@ اطناب نبته تلامس في تمايلها
ابحورالأشعار كاسبته وكاسبني@ تعطيه دره وتعطيني هياكلها
لو هو بالأشعار ياصالح يكاتبني@ شفت العجب من تعابير ٍ يسجلها
غلاه من محزمي للراس شاربني@ مابي ولا جارحه ماهوب داهلها




عبدالرحمن بن نماي العطاوي

آخر تعديل فيصل المرٍشدي يوم 16-Sep-2007 في 08:53 PM.