محاورة جرت بيني وبين الرجم النايف المطيري ..

[الشبـــح]

مساء الخير ..
حبيت ان انقل لكم هذه المحاورة التي جرت بيني وبين الشاعر رجم النايف المطيري .. في منتدى مطير ..

الشبح /

الا ياالرجم بعد انا حضرنا في محل مطير =اببدى فالسلام اللـي عساكـم تستحقونـه
انا خابره يوم انه مع العربان راح مغيـر =يـدوّر للغنايـم والغنايـم عنـه مدفونـه

الرجم النايف /

حضرتو ياعتيبه والعلـوم يجـي لهـا تدويـر=لكن ويـن السـلام اللـي عجزتـو لاتقولونـه
تمركزنا على العارض واخذنا النير واهل النير =صكوك الارض طول وعرض للمطران مرهونه

الشبح /

انا ماقلت يارجـم المطيـري يامسـا الخيـر !! =وحنـا ماعلانـا لــو عسـاكـم ماتـردونـه
ترى أدنى ربعي أعتيبه على المطران يصير امير =وكـم ديـره خذيناهـا عليهـا القـوم مغبونـه

الرجم النايف/

مسانا خير يالروقي لاشك انتم مساكم غير =تبا تمشّي كلامك والعرب عيـو يمشونـه
هذا انته جيتنا واليوم شوف العزر والتعزير =اباأحدّك على العوشز واسلّط فوقك جنونه

الشبح /

مساك اللي ليا حطك مابين القار والجنزير =سمعنا صيحتك يلي جداه أيحومر أعيونـه
انا اعرف الخبل لامه شبع مايعرف التقدير = وانا خابر قليب اللي علينا تضحك أسنونـه

الرجم النايف /

موظف جمرك المينا مركب لك {دبي تصدير} =ونيتن كل من يركـب عليـه يعـد طبلونـه
وانا اعرف الجزا نفس العمل مايقبل التغييـر =على وزن الكلام اللـي تحطونـه تشيلونـه

الشبح /

علامك ياولد ميمون ماشفتك مسكت السير =دوادي والدوادي مارضتها فيك ميمونـه
انا ماني رفيق اللي علينا ينفخون الكيـر =أنا خابرك واللي معك يابن الناس ملسونه