قصيدتي بالفلته من النفعه من قبيلة عتيبه .. تفضلوا ...

[بدرالهبيري]

السلام عليكم ورحمة الله وبركاته ..

اخواني اعضاء منتدى قبيلة عتيبه الهيلا
اقدم لكم هذه القصيده المتواضعه وقد
ذكرت بها فعل من افعال قبيلة النفعه
من عتيبه وافعالهم لاتحصى وهي قصه
معروفه للشيخ محسن ابا الحار رحمه الله
مع الشريف وموقفه مع جاره الحربي الموقف
اللي يبيض الوجه عندما رفض ان يأخذ الشريف
ابل الحربي جاره وقامت بعد ذلك المعركه وهذه
القصه معروفه ..
وانا قلت هذه القصيده لذكر الفعل الطيب اتمنى
ان تنال رضاكم والحق يقال انها قليله بحقكم
ياعتيبه ولكن هذا ماجادت به قريحتي ...

الله يبارك فيك يانسل الاحرار=من خاطر ٍ معكم تزايد سروره
ياللي لكم بالصدر منزل ومقدار =ومعكم يشع القلب بالجوف نوره
ياهل العلوم اللي بها مااقدر اختار=وان جيت اعددها ماهي بمحصوره
انتم هل المعروف حماية الجار=ولـْـكم دروب العز دوم امعبوره
شاهدكم الله يرحمه ذاك ابا الحار=محسن له التاريخ تشهد سطوره
مع جاره الحربي وقف ماقف البار=وامسى مع العربان وافي شبوره
قال البل امسن دونها قحص المهار=ونفوس ربع ٍ للملاقى جسوره
آلاد فليت يوم ان عج الرمك ثار=معهم سلاح ٍ في مناشه خطوره
حما حقوق الجار وارخص بالاعمار=مع ربعه اللي بالزمان امخبوره
نركز للآد نفيع بيضا بالاقطار=ولاخير في نفس ٍ ماهي بالشكوره
ومن لاشكر خلق الله النافع الضار=ماشاكر الله والدروب امعموره

اخيرا ً اتمنى انني لم اطل عليكم
واسف ان كانت القصيده قصيره
او انني لم أ ُجِد التعبير لكن علي
الاجتهاد والباقي على الله ....
واستودعكم الله الذي لاتضيع ودائعه ..
تحياتي وتقديري .. بدرعيد ..

آخر تعديل بدرالهبيري يوم 01-Sep-2007 في 02:23 AM.

[عايض بن زوير]

صح لسانكـ يالهبيري

؛؛؛؛

؛؛؛

؛؛
؛
مقاطي الحجاز

[مرزوق حمدان العتيبي]

..
..
.
صح لسانك يابدر وبيض الله وجهك ..
ولاعليك ولا على ربعك زود ....
وصدق من قال المعروف فالحربي مايضيع ...
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[النافذ]

صح السانك يابو عيد

على القصيده الرائعه

[شوردي العتيبي]

صح لسانك وطاب فالك يابدر الهبيري الحربي

رائعه وجزله من شاعر جزل

والنعم فيك وفي ربعك حرب

والفلتة يستاهلون المدح فرسان وشجعان

وبيض الله وجهك

تحيااااااتي لك

[نفيع العتيبي]

صح لسااااااااانك

بدر الهبيري ونعم فيك وفي قبيلتك حرب.
وان شاءالله تكون مثل حجرف الذويبي او صياف الحربي(رحمه الله) شاعر الخليج

وصرااااااحه مدري وش اقوووووول
ماقوول الا عسى ربي يطووووووول عمرك ويثبتك على دينك
ويزيدك مواااااهب


تحيااااتي لك

نفيـــــــــــــع العتيبي

[مخلف الهقاوي]

اخوي بدر الهبيري

بيض الله وجهك وماعليكم زود ياحرب

صح لسااااانك ومثل ماقال اخوي مرزوق

(المعروف فالحربي مايضيع)

احتراماتي

آخر تعديل مخلف الهقاوي يوم 03-Sep-2007 في 10:01 PM.

[راجح النفيعي]

بدرالهبيري

صح لساك يا الغالي وما عليك زود

ونعم فيك وفي قبيلة حرب .. أبيات طيبه وجزله

الله لا يهينك يا الغالي وبيض الله وجهك

ويشرفني ان اضع بيتك

آلاد فليـت يـوم ان عـج الرمـك ثـار
معهـم سـلاح ٍ فـي مناشـه خـطـوره

في توقيعي

[محلل أدبي]

.


صح لسانك واعتلا شانك يالحربي ,, قصيده من شاعر بلا شك ,, ونعم فيك وبالفلته وبالنفعه والعتبان وجميع القبايل ,,

.

محلل أدبي

[رجا بن فهيد الهاجري]

صح الله لسانك