الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: أغيثوا غزة عاجلاً (آخر رد :بندر الجهني)       :: الطبيب النقيب العضياني يحصل على الماجستير (آخر رد :ابو فيصل العطاوي)       :: ابن قشعان مدير شرطة المذنب يتقلد رتبة عميد (آخر رد :ابو فيصل العطاوي)       :: يوم القدايم محتميته عتابه الشاعر بدر القوس المرشدي (آخر رد :الرااقي)       :: لمسات نفسية في الخشوع في الصلاة د طارق الحبيب (آخر رد :ابو ساره)       :: الحب في حياة النبي صلى الله عليه وسلم مع أ.د طارق الحبيب (آخر رد :ابو ساره)       :: الالتزام في آية للدكتو محمد الغليظ (آخر رد :ابو ساره)       :: اصح لنفسك وقضية الغفلة للدكتو محمد الغليظ (آخر رد :ابو ساره)       :: طفاسة الرجال للدكتور محمد الغليظ (آخر رد :ابو ساره)       :: على طريق الله التوبة مصطفى حسني (آخر رد :ابو ساره)      

إضافة رد
 
أدوات الموضوع انواع عرض الموضوع
قديم 30-Aug-2007, 12:31 PM رقم المشاركة : 1
معلومات العضو
بن عويد
ضيف
إحصائية العضو




التوقيت



افتراضي الشاعر المرحوم <عبد المعين بن ثعلي العضياني >

بسم الله الرحمن الرحيم
أخواني الأعضاء
أخواني القراء
أقدم لكم نبذه عن الشاعر هو عبدالمعين بن عقل الثعلي العضياني
وله قصائد كثيرة منها الغزل والنصائح والتوجد والوصف وكان قوي المعنى وهذه احدى القصايد الغزليه وهي من اروع القصائد في الشعر الشعبي


ويقول
ياهل الونيت اللي مشى صبح عجلان = قدام نور الصبح يسمك عموده
تكفون بالله ريضوا لي على شان = اكتب لكم خط عطوني ردوده
وليا قضيتوا يا طويلين الايمان = شبوا عليه وزودوا في وقوده
وان كان مريتوا على نزل مشعان = سلم على مشعان ياللي تروده
وسلم على اللي كن خده ليا بان = تقول لون الورد حمرة خدوده
ورع كريم العرض والعمر ريان = كن الكواكب غطسن في نهوده
والعود تقليد على عود ريحان = ماطق في عرضه ولا هز عوده
وقله يقول ان كان ياصاف الالوان =اموقفينك بالثمن ومحدوده
والله لترخص فيك غالية الاثمان = ماهم فيك المال نقصه وزده
انا اشهد انك مركب كان لحصان = ماانتيب للتاجر محسب نقوده
وياليت يوم انا عواني وجيران = حبلي وحبلك بالوصال معقوده
على طريقة حق والحق سلطان = الحق واضح والدلايل شهوده
اباك في فصر على جال بستان = يذريك عن لفح السموم وبروده
.............................................=.... ..........................................
...............................................=.. ..........................................
...............................................=.. ......................................,
والرجاء من لديه التكمله ان يضيفها





وهذه قصيدة في النار



يابدير ما ازين شبت العصر للنار
لمالت الفيه وحار الظلالي

هب البراد وسير الجار للجار
وجات السوالف بين غالي وغالي

سوالف (ن) بين النشاما لها كار
لا مشى الفنجال صفر الدلالي

ربعلهم لاشبت العصر مسيار
ذولا بني عمي وذولا خوالي

وانا على اللي اكلفلها بن وبهار
وانت عليك تقوم وتشبها لي

في بيت قصر(ن) يوم في العشي حار
لابد يوم الغيث سمر الليالي

لابد يومن به القصر ينهار
ولا نموت يصبح القصر خالي

وتبقى لمن يبقى على طول الاعمار
وانا نزل غيري وحل ارتحالي

مرت على غيري تراديد ومرار
لاشك مامرت عليه لحالي

يارب اغفر زلتي وانت غفار
بحسن الجلاله ياعظيم الجلالي

يامن شمل عطفه ولطفه هل الغار
ورست بأمره رواسي الجبالي

ماكل ليل(ن) من ليالي بو سرار
ولاقامت الدنيا بسط وعدالي

يوم(ن) لها اقبالن ويوم(ن) لها دبار
وكم فرقت بين غالي وغالي

ولا اقبلت اشرق زهرها بنوار
رجعن يعله كل يوم(ن) خيالي

ياما قطف جنايها من الاثمار
وياما نشا فيها شبابن وزالي

كم عاش فيها من طويلين الاشبار
قواد الهيجا زحــول الرجالي

اليوم مامنهم على الحزم دوار
هذي منازلهم خلين تلالي

حطولهم فيها عقارات ومدار
في داعسه وعظام اهلها طوالي

ولايا بدير لا تمشى على همش الاخبار
تروح فيها بين شيل وشوالي

وليا جفاك الدار غيره من الدار
ولراكب الديره عراضن طوالي

ولاتشتشير ابشار من لامعه شار
والعد لاترده بليا مــدالي

ولو مال منشوق الفضا كله هذار
سولف ومدلها طويل الحبالي

وانا بخبره حايز(ن) كل الافكار
لاهوب لامكسب ولا راس مالي

والناس توخذ بالفوايه والافكار
وكل (ن) ومايفعل على كل حالي

وهذا وصل الله على سيد الاخيار
على نبي مرسلن بالعدالي

اعداد ما مالت هماليل الامطار
وماهبت الحايه جنوب وشمالي






وهذه من قصائده التي تمتاز بالحكمه



يابديـر انـا لـي حسّـة كانيهـا=لاشـك ماتـثّـر عـلـي بعـلـه
اصبـر عليهـا واحتمـي قافيهـا=عـن جابـة فيهـا علـي شكلّـه
وان كان جتني زلّـة مـن ربعـي =زلا ّتهـم ماهيـب عنـدي زلّــه
اخفض لهـم منـي جنـاج الذلـي =لكرامهـم ماهـوب خـوف وذلّـه
وان كان جتني من شجـاع طيّـب= اشتال زلاّت الشجاع رضـى لـه
وانا اعرف الطيب واعرف طبوعـه =الطيب طبعه والـردى ضـد لـه
وان كـان ولّينـه رفيـق صافـي =انا ولـد عمّـه وانـا عـز لـه
وان كان عنده حيلـة فـي حالـي =اخذ حسابـه وانتبـه وافطـن لـه
واقـول يارجـال حـايـد عـنّـي =مالـك ومالـي ياخبيـث المـلـه
واروح في حالي وهو فـي حالـه =وهـذي تراهـا للعفـون جبـلّـه
يعطيك مـن راس اللسـان حـلاوه =حلويـن الالسـن والقلـوب مغلّـه
ولانـي بتبـاع لشـور المقـفـي =ان كان مقفي ليه يـوم اقبـل لـه
يقفي وانا اقفي والديـار وسيعـه =ومن فارق الوجه الغضيب احسن له
خلّـه وانـا عبدالمعيـن يـولـيلا =ناقـص منّـي ولا زود لــه
وان كان جتني من ضعيف خايـب =سترت خلا تـه وانـا ستـرٍ لـه
سترت خـلا تـه لحشمـة غيـره =ما أبى على ربعـي يبايـن خلّـه
ربعي كما الحيد الطويـل النايـف =ارقى براسه وانسـدح فـي ظلـه
قلته وانـا مـن لابـة مشهـوره =عز القبيلـه والعـدو سـم ّ لـه
اليـا بنـوا راي ٍ علـى مقلطهـم =يبنـون بنـي مـاحَـد يفـلّـه
والربعـه اللـي رايهـا يفرقـهـا =لابـد أعـز ّتهـا تـروح اذلّــه
وان كان نقاض الحبـال صميـدع =ليـا نقـض هـذا فــذا يفتـلّـه
ولانيب راعي هرجة فـي مجلـس =ولاأشيل خلق الله علـى خلـق الله
الحـق يالعـراف عـرّاف الخـلا =ماهوب فـي كثـر الكـلام وقلّـه
مـاهـوب للهدات فالمـجـالـس =للـي يعالـج مشكـلـه ويحـلّـه
وانا على خصمـي وسيـع بالـي =آخـذ خصيمـي بالسعـه وامهلّـه
احلم على خصمي بحسن اخلاقـي =وإن كان لي حـق مصيـب أد ّلّـه
امّا طلبت مـن الخصيـم شهـوده =ولا ّ قبلت الـد ّيـن واخلـص بالله
واللا قلطـت بحجتـي وشهـودي =واخذت حقي مـن خصيمـي كلّـه
وأقـول حقـي وآخـذه باثبـاتـي =والحـق سيـف الرجـال تسلّـه
وان كان مالي حق أخاصم نفسـي =واقـول مالـي حـق والحمـد الله
وإن كان جاني من يـدوّر شـوري =اعطيه من شور الهدى نصح لـه
واقـول لاتاكـل حـلال المسـلـم =لكـن خـل الهـوش دون الحّلـه
وان كان جاني من يـدوّر جاهـي =ماأبخل بجاهـي عنـه وامـري لله
وان كان جاني من يبا مـن مالـي =اعطي واعيّي عنـه مـا أستكملّـه
لابد مـن بيـت يبـا يبنـى لـي =يبنيـه غيـري واسكنـه واحلّـه
وان كان لي في هالكلام معـارض =أسيلكـم ياأهـل المـعـارف بالله
انا معـي حـق ٍّ علـى سوالـي =ولا علـي مـن الرجـال ختـلّـه
وختامهـا منّـي صـلاة محـمـد =نبيّنـا الهـادي ابــن عـبـدالله



وتقبلو تحياتي <بـــن عــــــويــــــــد>















رد مع اقتباس
قديم 30-Aug-2007, 01:05 PM رقم المشاركة : 2
معلومات العضو
سفيرعتيبه
عضو فعال
إحصائية العضو





التوقيت


سفيرعتيبه غير متواجد حالياً

افتراضي

صح لسان الشاعر الكبير عبدالمعين الثعلي الله يرحمه

وبيض الله ياابن عويد















رد مع اقتباس
قديم 30-Aug-2007, 06:54 PM رقم المشاركة : 3
معلومات العضو
بن عويد
ضيف
إحصائية العضو




التوقيت



افتراضي

مشكور ياسفير عتيبه على المرور















رد مع اقتباس
قديم 30-Aug-2007, 07:19 PM رقم المشاركة : 4
معلومات العضو
البارع
عضو فضي
إحصائية العضو





التوقيت


البارع غير متواجد حالياً

افتراضي

سؤال هل توفي ابن ثعلي















التوقيع
كل القبايل تعترف غصب ومقره
تجي الفرس وان صار في الغزو براقي

اضغط على الصورة لرؤيتها بالحجم الطبيعي
رد مع اقتباس
قديم 30-Aug-2007, 08:01 PM رقم المشاركة : 5
معلومات العضو
بن عويد
ضيف
إحصائية العضو




التوقيت



افتراضي

مشكور على المرور والاجابة نعم توفي قبل حوالي الثلاثين عام















رد مع اقتباس
قديم 31-Aug-2007, 03:09 PM رقم المشاركة : 6
معلومات العضو
فهيد مقعد الرويس
شـــاعــر
الوسام الذهبي 
إحصائية العضو






التوقيت


فهيد مقعد الرويس غير متواجد حالياً

إرسال رسالة عبر مراسل MSN إلى فهيد مقعد الرويس
افتراضي

اقتباس:
المشاركة الأصلية كتبت بواسطة بن عويد مشاهدة المشاركة
مشكور على المرور والاجابة نعم توفي قبل حوالي الثلاثين عام
بن عويد

لاهنت على النقل

اما عبد المعين قبل مايقارب اربع سنين عايش ولم نسمع بوفاته واذا انه توفي الله يرحمه

وليس كما ذكرت ياين عويد ثلاثين عام

ارجوتحري الدقه

تقبل تحياتي















آخر تعديل فهيد مقعد الرويس يوم 31-Aug-2007 في 03:13 PM.
رد مع اقتباس
قديم 31-Aug-2007, 04:48 PM رقم المشاركة : 7
معلومات العضو
البارع
عضو فضي
إحصائية العضو





التوقيت


البارع غير متواجد حالياً

افتراضي

اضنـــــــــــه تشابه فالاسماء لكن ابن ثعلي المعاصر

الى وقت قريب خابره حي ليس كما ذكرصاحب الموضوع















رد مع اقتباس
قديم 29-Sep-2010, 07:17 PM رقم المشاركة : 8
معلومات العضو
يوسف العازمي
عضو ماسي

الصورة الرمزية يوسف العازمي

إحصائية العضو






التوقيت


يوسف العازمي غير متواجد حالياً

افتراضي

الله يرحم الشاعر عبدالمعين الثعلي

ولاهنت يا اخووي (ع) النقل

نطلب المزيد

تقبل مروري















التوقيع
بلادي عشت في ظل الملوك اللي لهم مقام
ســـــلامٍ لـلــســلام و لـلــعــداء بـالــســم دفــاقـــة
بعد وحدك أبو تركي و حطـوا للسـلام انظـام
ماعد يغدي لكل الناس لا شاة ٍ و لا ناقة
رد مع اقتباس
قديم 29-Sep-2010, 09:47 PM رقم المشاركة : 9
معلومات العضو
ابو نادر الحافي
عضو ذهبي

الصورة الرمزية ابو نادر الحافي

إحصائية العضو






التوقيت


ابو نادر الحافي غير متواجد حالياً

افتراضي

صح لسان الشاعر الكبير عبدالمعين الثعلي الله يرحمه

ابن عويد لاهنت الطرح















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »10:47 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2014, Jelsoft Enterprises Ltd
اتصل بنا تسجيل خروج   تصميم: حمد المقاطي