قصيـدتي:الرجــال الهم مقــامات...۞بٌَِنْ نْجًِْـِِّـِِّـِِّـِِّـِِّمً۞

[*النجـــــم*]

جاني رســالة منك يا ولْـد الأجــواد.....فيها جوابك وأنت عـــارف بما فيــه

واللــه جعل بالناس سـادات وأسـياد.....وكلٍ عطــاه من العقـل ما يكفيـه

ترى الذى يمشي على درب الأجداد.....دم الجــدود اللي غذاهـم يغذيــه

وترى الرجــال الهم مقــامات بالبـاد.....وبيــت المعــزة ما تهـــدم مبانيــه

إقــر المتــون وبالحواشـي والإسناد.....تلقى الخبر لن كنت ياذيب غــاويه

ترى العرب ما طبعهم طبع الأكراد.....والحــر تفهــم بالأشــارة هقــــاويـه

خـلك على حشــمة ودلــة وبــــراد.....لو شفت مسلم في غلط لا تعاديه

لا تفرق الصفيــن خلك على حيــاد.....ترى الكـلام الزين من حـــظ مهديه

خــل العلوم ســهود للناس وأمهــاد.....علــمٍ يجيبـــونه وعلـــمٍ توديــــه

العلــم لو وصـل لقدحــات الأزنــاد.....لو جـا لها بالفعــــــل تبـدي مواريـه

وإن كان قائـــد للسرايــا والأفــراد.....منت بلاقـــي حولنـــا من تجـــازيه

وإن كان ودك تأخــذ العلــم بعنـــاد.....أنا اترفـــع عن مجـــاراة باغيــــــه

الزيــن يبقى والزبـــد يغـــدي أبداد.....ولا أنته وكيل الناس باللي تسويه

خــلك دوا لعقــول وقلـوب وأكبــاد.....بالطيب والمعروف تقـــــدر تداويــه

وامــا أنــا ما جيــت بشـــب وقـــاد.....ولاني من اللي ساعر الضؤ يعميه

بعـز نفسـي وأترك الشــعر لا عـاد.....شــيء يهيـن الوجـه والله ما ابيه

الهــرج ما يجلب بطولات وأمجـاد.....حـده سـموع الأذن وشـــفاه راعيــه

والحـــك يدمي ناعم الجـلد لو زاد.....ولحـدٍ خبر عاقل يبي شيء يؤذيـــه

وإن كان علم الشيخ يرجع للأولاد.....منت بلاقـــي بالبشــــر من يقــديــه

أنا ترى ماني على الشــين منقــاد.....ولانــي سـواة اللي تلقـاه بيـديــه

هذا جوابي بنشـره فوق الأشــهاد.....الزيــن أنا باخــذه والشــين برميـه

ومني وصيـه للنشـاما والأحفـــاد.....راسك لغيـر اللـــــه حــذرا توطيـــه

ويا خيبتــة اللي في ليـاليه ما فـاد.....ذكرٍ(ن)حميد ومغفــرة عند باريـــه

والمعــذرة من كل عاقـل ونقــاد.....إن كـــان جــا بالعلـم غلطـات بمحيـه

آخر تعديل *النجـــــم* يوم 21-Aug-2007 في 01:38 PM.

[مخلف الهقاوي]

النجـــــم

مبدع مبدع

متابع لك وانا اخوك

صح لساااانك..

جزاله غير مستغربه

احتراماتي لك

[*النجـــــم*]

لاهنت مخلف الهقاوي

متابعتك شرف لي

وثناؤك شهادة أعتز بها

لك مني

كل تقدير وإحترام

تحيـــــــــــــــــــــــــــــــاتي,,,,,,