فهد العجمي اقرب واستلم

[فارس الباديه]

	بما انك يا فهد طلبت اللعب معي اكثر من مره استلم .. وانا متفائل فيك خير ولكي تسفيد وكلنا اول كنا نتعلم مثلك ماصرنا شعار من الباب والطاقه ... سم يالغالي

يا سلامي سلامٍ مثل وبل السحاب = من هجوسٍ تغني فالعلوم الجزال
جيت اوفي دروسي يا عميل الذياب = وانت طالب مثالي يا عريب الخوال

[فهد العجمي]

مرحبا من هجوسن بالمعاني ماخاب
............................................من هجوسن يغني فالعلوم الطوال

يا فارس اخذ السؤال يارجل الصعاب
............................................لا تجاوبني وانت ما سمعت السؤال

[فارس الباديه]

مرحبا من هجوسي والمعاني كتاب = من هجوسن (ت)غني فالعلوم الطوال
قوم جيب الاجابه يا رجال الصعاب = لا تجاوبني وانت ما سمعت السؤال

	الملاحظات : 1 ) الهجوس مؤنثه ولا ينفع تقول ماخاب لان ماخاب تطلق على المذكر . 2 ) كما ذكرت (هجوسن) فالصحيح هو (هجوسن تغني) وليس يغني. 3 ) الشطر الثالث عند مرفوض لان وزنه تعبان جدا ... غن شطرك الاول في البيت الثاني على اللحن وغنه مره ثانيه بعد التعديل ولا حظ الفرق في السلاسه. 4 ) بيتك الاول كان موزون تمام ولكن مشكلته في التذكير والتانيث والشطر الثاني في البيت الثاني وافي .. بغض النظر عن المعنى بما انك في البدايه .. تحياتي وستلم ..

البقا يالمرحب عد حب التراب = وإلك فنجال بنٍ من خشوم الدلال
مانتظرنا نشيدك ولا جبنا جواب = مير هات السوالف يا كريم السبال

[فلاح الهاجري]

المشاركة الأصلية كتبت بواسطة فارس الباديه

مرحبا من هجوسي والمعاني كتاب = من هجوسن (ت)غني فالعلوم الطوال
قوم جيب الاجابه يا رجال الصعاب = لا تجاوبني وانت ما سمعت السؤال

البقا يالمرحب عد حب التراب = وإلك فنجال بنٍ من خشوم الدلال
مانتظرنا نشيدك ولا جبنا جواب = مير هات السوالف يا كريم السبال

وشلون تعلم الناس وشلون يوزنون بيوتهم معا احترامي لك وانت بيوتك ماهي موزونه

[فارس الباديه]

يالهاجري تنحا ولا تدخل ومحد طلب رايك روح شوف ملاعبي مع الشعراء الكبار بالمنتدى بعدين تعال تكلم

[فلاح الهاجري]

المشاركة الأصلية كتبت بواسطة فارس الباديه

يالهاجري تنحا ولا تدخل ومحد طلب رايك روح شوف ملاعبي مع الشعراء الكبار بالمنتدى بعدين تعال تكلم

ياخوك ليش العصبيه قلت شي ملاعبك مع الشعار الكبار الكبير الله

[فهد العجمي]

يربع هدو شوي فديت اعمارك

[ابن كرشــــم]

البيوووت موزونه اخووي فااارس وارجو من الهااجري توضيح الكسررر
اذا كان فيه كسر اصلا

[فهد العجمي]

وسعوا الخواطر يا بروم الشباب
....................................مير سوق الفنجال ياولد الحلال

السوالف كلها مكتوبه بــالكتاب
...................................بعضها مدفونه وبعضها فالجوال

ترى حتى تمشي كذا بعضها مدفونه وبعضها بالجوال

ولك يا الذيب

[فارس الباديه]

وسعوا فالخواطر يا بروم الشباب = مير سوق فنجالك يا وليد الحلال
السوالف كثيره في مجال الصواب = (هذا البيت ما ينفع (مكسور))

	الملا حظات : 1) البيت الاول والافضل فقط بعض اضافة حرف الفاء اتزن البيت . 2) كان مكسور يوم تقول (الفنجال ياولد الحلال) وتم ضبطه . 3) اولا (الكتاب) ساريه ..(قلتها قبلك) والساريه لا تعودها في الابيات .. والبيت به كسر وتم ظبطه . 4) البيت الرابع صعب تعديله لانه كله كسور . ** غن الابيات بعد التعديل جدها اكثر سلاسه واستفيد من الاخطاء وترك لسانك يغني البيت بمرونه بدون ثقل في النطق . تحياتي يالغالي واستلم

انت جيب السوالف لاتجيب الركاب = وابشر انّ دلالي في مكان الرجال
وابشر انّ السوالف مثل جم الشراب = يوم بعض السوالف وزنها بالكيال