 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
18-Aug-2007, 01:18 AM
|
رقم المشاركة : 1 | |||||
|
ذبحة ابن مهرس شيخ الشدادين من الحرث
السالفه ذي راواها دخيل الله بن عديس بن عايض الحميدي الله يرحمه من كبار النباعين من العصمه وهو رجل مشهور ومن ابرز ملاك الهجن في زمانه بل انه من اكبر ملاك الهجن الاصيله وقد توارثها عن اجداده
ويقول ان غزوا للشدادين من الحرث غزو يريدون العصمه وكان عقيد القوم ابن مهرس وكان يلقب (بابو كبود ) حيث انه اذا صحت الروايات كان اذا قتل احد اعدائه شق بطنه وأكل كبده ويقال ان شعر راسه طويل جدا بيحث انه اذا غزا (خلع ) اي انزل ملابسه الى وسطه ثم قض شعر رأسه واحتزم بحزام البندق من فوق شعره مما يعطيه منظر يبعث الرعب في القلوب وحسب روايه الشيخ دخيل الله بن عديس ان ابن مهرس اسمه محمد وهو ليس متأكد لانه يقول (يورالي ان اسمه محمد ) بس الاكيد ان لقبه( ابو كبود) يقول ابن عديس ان الغزوا جوا ويوم طبوا شعيب يقاله الغاوي وكان معهم غيوم وهتان ولاهم على ابل للعصمه وما عندها غير رجال واحد وبندقه ام فتيله يقاله الحرجمه يوم شافو البل وهم يسوقون الهيج علاها ويقول انهم فوق ثلاثين رجال فيهم اربعه خياله والباقين اهل هجن بغا يرميهم الحرجمه وعيت تولع الفتيله لان المطر بللها كفوا البل واقفوا عليها وفزع الرجال يصيح للعصمه وكانوا على الجفر ( طبعا الكلام ذا في ركبه )صاح الصايح وتناخوا العرب وفزعوا اللي على رجله واللي على ذلول قال واحد يقاله جزاء من السحور الليل يبي غطاكم ولنتم بقدرين تقصون القوم لانهم لحد الآن ما يدرون هم بقوم ولا حرث مير اخذو القدور وشبوا النار فيها وقصوا القوم على ضاح النار وبالفعل اخذوا مشورته وسرا ليلهم وهم يقصون والرياجيل كل ما خبت النار زادوها حطب والرش معهم قصوهم وليوم وجهوا للحارثيه يوم وصلوا مثلثه وهي جبل يفصل ديار عتيبه عن الحرث عن البقوم لذلك سميت مثلثه فهي تكف العتبان جنوب غربي وشمال غربي وتكف الحرث جنوب شرقي وتكف البقوم شمال شرقي يوم وصلوا مثلثه وطبوا ديار الحرث استامنوا ولاحظو العصمه ان الجيش قام يطش وهومنول ملتم دروا ان القوم استامنوا وبيمرحون وكان مع فزعة العصمه ثلاثه من النباعين من العصمه وهم عديس بن عايض الحميدي واخوه جريس ومطلق بن عجلان من العجالين من النباعين وكان عديس وجريس مشهورين بسرعة الجري ومازال احفادهم يتميزون بهذه الصفه يوم توكدوا العصمه ان القوم نووا يمرحون وبان لهم ذلك من الجره يوم تفرقت وقصرت عن المركاض ويتقدم عديس واخوه جريس على الفزعه وكانوا مشهورين بسرعة الجري كما اسلفنا ويلحقهم مطلق بن عجلان يوم بدوا مع هاك البرقه وللقوم ممرحين ويقول الحزه علانا ما عاد الا الصبح قال عديس انا بلف علاهم وانطحهم من قدم وانت يا جريس تعال من يمين وانت يا مطلق من يسار يوم دار عليهم عديس والخيل تشم ريحة الرجال وهي تجفل يقول عديس والله انها يوم جفلت وللرياجل ثنين منهم واحد ابو شوشه يوم توسقوا ظهور الخيل يقول وانا اميز بينهم وليوم برق في عيني ابو شوشه وعرفت انه عقيدهم وانا امدها علاه وان اخليه هو وياها ولهو طايح والقوم ترهج وحنا نثور ونصيح يمين يا اهل الخيل يساريا اهل الخيل يمين يا اهل الخيل يسار يا اهل الخيل يقول نبي نوهمهم انا واجد وخياله يقول مطلق والله اني اتوحي في واحد منهم يقول البنادق اللي ترمي ثلاث ولا فزعة العصمه لاحقتنا وبقعا تقوم وربي يطش شعبهم وحنا ندبك علاهم واذبح واربح لين ضيعناهم وكل واحد منهم يعطي له ديره يقول عديس وحنا نعود نتسابق على الرجال الطايح اللي ذبحته وانا آخذ الفرسه وجريس ياخذ الحزام والبندق ومطلق يكف الهجن ثنتين وحنا ننطح باقي العصمه ولمعهم اثنعش من الجيش وحصان مع الحرجمه والحرجمه من الشجاعين يقول والله انه تالي على الحصان عند اباعره اللي بغوا يروحون ابها الحرث عاد يقول يوم حنا معودين قالي واحد من الحمادات عديس تعرف الرجال اللي ذبحته منهو قلت والله معرفه بس والله انه عقيد القوم قال صدقت هو عقيدهم وامير الشدادين ابو كبود (أبن مهرس ) |
|||||
|
|
|
|
|
|
|
|
|
|
18-Aug-2007, 01:35 AM
|
رقم المشاركة : 2 | |||||
|
قصه رائعه ولا هنت ياأبو بتال على ايرادها لنا
ومحمد احتمال يكون اخو مقبول وبيض الله وجهك |
|||||
|
|
|
|
|
|
|
|
|
|
|
19-Aug-2007, 02:21 AM
|
رقم المشاركة : 3 | |||||
|
سلطان روق
الشايب اللي حكا القصه ما اكد ان اسمه محمد آخر تعديل محمد المغيري يوم 19-Aug-2007 في 02:23 AM.
|
|||||
|
|
|
|
|
|
|
|
|
|
|
19-Aug-2007, 02:26 AM
|
رقم المشاركة : 4 | |||||
|
سلطان روق
ووجهك ابيض يالغالي محمد المغيري ملاحظه جيده تدل على ذكاء مفرط |
|||||
|
|
|
|
|
|
|
|
|
|
|
03-Oct-2007, 03:19 AM
|
رقم المشاركة : 5 | |||||
|
هذه احدى فعول قطمان المحازم
ما منعهم المطر والليل من انهم يلحقون القوم ويذبحون منهم اللي ذبحوا ويكسبون خيلهم وجيشهم ويردون اباعرهم واحب ان ابين للاخ (محمد المغيري) رغم اني اشك كثيرا انه من القبيله اللي نسب نفسه لها واقوله ان القصه ذي من النوادر فلن تجد قصص كثيره تحكي عن قبيله لحقو القوم في الليل الاسود والمطر يمطر وردوا حلالهم والصبح ما طلع لتتضح الصوره وسبب اعادة الموضوع الى الواجهه ارجوا من الاخوه الاعضاءمراجعة موضوع ( ماهي الدرمه ) وموضوع ( تعقيب على بعض فرسان العصمه وشيوخهم ) قسم فرسان وامراء آخر تعديل ابو بتال يوم 03-Oct-2007 في 03:28 AM.
|
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
