ربعي عتيبة كلهم سلاطين

[ابن هضلا]

السلام عليكمورحمة الله وبركاته

أنتشرت قصيدة لشاعر قحطاني من آل روق في جهاز البلوتوث
ويقول القحطاني...
ياشيخ ماوالله على نجد روقين
ياكود حنا كاسبين النفايل
وان قلت روق عتيبه أقول وافين
قل روقه وآقول نعم الفعايل
نزيعتن منا وصاروا معادين
ولاأنكرونا مدحمين الدبايل
ومافيه روقن غير روق القحاطين
أصل العرب وأشجع فخود القبايل
خوينا ياخد مع الحق حقين
وقصيرنا نرفاه لوكان عايل

رد علية الشاعر / محمد بن مسفر آل خليفه العضياني (( بعيد المدى))
ماالوم ابن قحطان لو يحلف الديـن
ولا احدن يلومه لويسـو الهوايـل
ماشاف في ربعه حدن يعجب العين
وراح يتمنى اهل المهـار الاصايـل
ربعه هل الطـولات منهـم قليليـن
ويونس على كبده سـواة الملايـل
ويسمع علوم مرجحيـن الموازيـن
اهـل العلـوم الطايلـة والجمايـل
طمعان فاهل الفعل يـوم المثاريـن
لا صاب قلب اللاش بـرد وجفايـل
يبغى عذاب الخيل حولـه قريبيـن
وده بهـم حسـوة ليـوم النزايـل
في نجد جربهم وكانـوا خطيريـن
ذاق العنا منهـم ولا لـه حصايـل
راع الحصاه اللي ربوعه فريقيـن
اكيـد جمعهـم بمـكـر وتحـايـل
يسمع وصاة اللي يوصـي بثنتيـن
حكمـه سمعهـا فالحكـم والمثايـل
الياعشقت اعشق قمر كامل الزيـن
واسرق جمل لا تسرق الا جزايـل
والا يظنـه نازلـن لـه دكاكـيـن
ويبغى يقضي لـه طعـام وسوايـل
اليوم ينهب جمـع روق الشياهيـن
وبكره ورى برقـا يسـوي حبايـل
ربعـي عتيبـة كلبوهـم سلاطيـن
برقـا وروق مزبنيـن الدخـايـل
عند الرخا طلق الوجيـه وكريميـن
وعند الحرايـب ياخـذون الاوايـل
انشد وتلقى لـك رجـالاً رشيديـن
عن روق وافين الذمم والخصايـل
يحكون لك عن سالفة روق الاسمين
حناالاصـل وانتـم بعدنـا حثايـل
وان كان ياريمان في راسك طحيـن
لاتحسبـن المسـألـه بالسهـايـل
تعال هات اثبات وشهـود عدليـن
لا ترسل الشينات عبـر الرسايـل
كـل الدعـاوي مثبتـه بالقوانيـن
واللـي تريـده مستحيـل النوايـل
ربعي على خشمك كرامـاً بعيديـن
عنـد المراجـع مثبتيـن السلايـل
والنـاس يـارزان ماهـم مجانيـن
كلن يعرف الاصـل غيـر الهبايـل
ان كان ربعك عن سواياك داريـن
راحت مواضيعن عراضـن طوايـل
وان كان ماغير انت وسعيد وحسين
تحلمـوا وابنـوا بـروس النثايـل
عن الحكي مااحدن يرد السفاهيـن
دايـم يجيبـون الخـزا والهزايـل
كلام ابن قحطـان مالـه براهيـن
مغتـزه الشيطـان وقـت القوايـل
والخاتمة صلـوا صـلاة المحبيـن
علـى نبـي الله كريـم الشمايـل

[ذيب الزيادي]

ربعـي عتيبـة كلبوهـم سلاطيـن
برقـا وروق مزبنيـن الدخـايـل
عند الرخا طلق الوجيـه وكريميـن
وعند الحرايـب ياخـذون الاوايـل
انشد وتلقى لـك رجـالاً رشيديـن
عن روق وافين الذمم والخصايـل
يحكون لك عن سالفة روق الاسمين
حناالاصـل وانتـم بعدنـا حثايـل

صح لسانه قصيده جزله من (( بعيد المدى))..
والله يعطيك العافيه ابن هضلا على الموضوع الرائع ولاهنت .

[ابن روووق]

ربعـي عتيبـة كلبوهـم سلاطيـن
برقـا وروق مزبنيـن الدخـايـل


ونعم والله يابني عمي


وصح لسان شاعرنا


وبيض الله وجهك على النقل


أخـــوكــ / ابن روووق الغربي

[ابوبجاد الرويس]

مشكور اخوي

وصح لسان الشاعر

ولاهنت ,,,,,,,,,,,,,,,,,,,

[ابن هضلا]

الله يعطيكم العافيه

ولاهنتوا على امرور

[يوسف الربيعي]

والنعم فيكم يا روس ... أخوكم الربيعي

[ولد الروقه]

ونــعم بعيال برقا وروق

وبيض الله وجه العضياني ولد مزحم

[فارس الباديه]

لا هنت وبيض الله وجهك ونعم بعتيبه وبالقبايل عموم