ياكثر ناس ٍ تبي تاخذ قضاها = من عام الاول وانا {سيف المعاني} موال

[سيــف المعانـي]

السلام عليكم مسهم بالخير جميعاً .
.
.





.
.

كثرو العالم .. وسكان المدينه
كل شارع ... بالتزاحم مشبعينه
الحِكم { بالبدي } والا {بالمكينه }
والزعل ممنوع ... وافهم يا لبيب

.
.

ياكثر ناس ٍ تبي تاخذ قضاها = من عام الاول وانا {سيف المعاني}
الحين ابه طلقتة مبعد مداها = واللي يبا اللعب يمسك دور ثاني

[فارس الباديه]

	صح لسانك يا سيف المعاني ولا هنت .. يالغالي وننتظر قبيلك وانا في الصف

[رفيع المنزل]

استلم ياسيف المعاني من فضلك وبالله الاتكال

ليه ياسيف المعاني وش علامك=تشكتي وانته على هقوة كلامك
المهم انك عزيز ٍ في مقامك=العتب ممنوع ... وافهم يالبيب

الناس كل ٍ بالاقوال يتباها= والفعل ياسيف هو كل الضماني
نرقى الطويله مثل منهو رقاها =وبالمثل نجزى االخطايا والحساني

آخر تعديل رفيع المنزل يوم 13-Aug-2007 في 10:13 PM.

[سيــف المعانـي]

فارس الباديه


هلا فيك وبمتابعتك
ولك كل الشكر على المرور

[سيــف المعانـي]

ما اشتكي من حقد والا من جهاله
بس اظن العلم غيرك مر باله
يارفيع المنزل افهم ما اعناله
والزعل ممنوع .. وافهم يالبيب

.
.
.

العلم في رجلها والا يداها = ما عاد تفرق كذا والا كذاني
يا سرع الايام يا مقوى رحاها = قا مت تشيل الكويتي واليماني

آخر تعديل سيــف المعانـي يوم 13-Aug-2007 في 11:26 PM.

[رفيع المنزل]

الجهل والحقد ماهن من سلومي=والهدف صبته لو تلف وتحومي
شوف نفسك...مالك بغيرك لزومي=الزعل مممنوع ... وافهم يالبيب

من يعرف الناس مايجحد ثناها=والما من البير يطلع بالسواني
اللي يدور على البلوى لقاها=ياقوم ياقوم ياتال الزماني

[سيــف المعانـي]

يا بعد دار الثريا عن ديارك يالثرى
ما جمعته في مهب الريح هذا ينثرى
كم تبعد يا خطوط الفقر عن خط الثرى
والزعل ممنوع .. وافهم يالبيب

يا عم جمال .. كثرنا حداها = والناس تسمع علينا بالاذاني
كم كلمتةٍ ما يذريكم ذراها = اقرى كتاب اللغه للاصفهاني

[رفيع المنزل]

باني (ن) بيتي على الساس المتين=لو جميع الناس ماهم ساكتين
الهروج هروج... قول الفايتين=والزعل ممنوع... وافهم يالبيب

ان كان عندك سوالف في خباها=معك لسانك وانا معيه لساني
حتى العجم عندنا علم بلغاها=دور على مخرجك يامودماني

آخر تعديل رفيع المنزل يوم 14-Aug-2007 في 01:48 AM.

[سيــف المعانـي]

الله الله


يا عسى ايامك مع اسنينك طوال
يا عريب الساس من عم وخوال
وانت علمك زين وابياتك جزال
والزعل ممنوع .. وافهم يالبيب

انا احمد الله غناوي واتباها = ما جيت اسلف فلاني ولا فلاني
من مد كفها يبا ياخذ ملاها = اللي سمع في والا اللي قراني

[رفيع المنزل]

الاخ سيف اعتذر عن التاخر في الرد حيث اني اظطررت للسفر فجأة وهاقد عدت فتقبل ردي

ماعليكم زود ياهل المكرمات=واشهد ان عندي علومن محكمات
والشعر يحيا ولو راعيه مات=الزعل ممنوع ... وافهم يالبيب

ماني بمحتاج للناس وعطاها=مدام ربي من افضاله عطاني
ياسف كلمتك هذي وش وراها=في هقوتي عندك علوم تخفاني