ماعلى الدنيا ضميرن مستريح

[بن عبيدان]

ياعتيبة ياعتيبة وينكم=يوم جيناكم وصرنا بينكم
والحقيقة مانشك بدينكم= ماعلى الدنيا ضميرن مستريح

ياعتيبة ولعوها نار= تاكل الاخضر مع اليابس
كل مداخال ولة مظهار=وكل نيشانن ولة كابس

[راع العلطا]

السبيعي جاء وانا ملزوم اقوم * بالنيابه عن مزبنة الفحوم * ويش تبغاء يالسبيعي من علوم * ماعلى الدنيا ضمير ٍ مستريح

يالسبيعي يدكم والحار = القفل بيدي والحابس
اصبر اشويه وتعطى القار = كان شفت الوضع متلابس

[بن عبيدان]

انت شاعر مانذمك يالزعيم=مانقول الا انت تيقا سيم سيم=
وان غلبك الامر فاطلع يافهيم= ماعلى الدنيا ضميرن مستريح

الزمن ياصحابنا لو دار= اكثر العتبان وش لابس
لاتحداء وانت عندي جار= وان قبست النار انا قابس

[راع العلطا]

السبيعي صار هندي يالطيف ** جامع ٍ فنه مع الدم الخفيف ** اخذ ٍ بعض اللغات من المصيف ** ماعلى الدنيا ضمير ٍ مستريح

النقا ملبوسنا بشعار= هب ياوجه ٍ يجي عابس
قول لي يالشاعر البيطار=وش علام القاف متحابس

[بن عبيدان]

السبيعي ماعلية من الكلام= شامخن راسة ويحملة وسام
بالوفاء والطيب والسيف الحسام= ماعلى الدنيا ضميرن مستريح

شبركم من عرضت الاشبار= ماخذيتو زود يادابس
لاوزنت القاف باليقطار=عجزت عتيبة وابن هابس

[راع العلطا]

انت معطيك الوسام ابن طلال ** في صياهدكم ورى هاك الطلال ** احمد الله يالسبيعي فالظلال ** ماعلى الدنيا ظمير ٍ مستريح

خل عنك العجز روح يسار = لاتحدى الناس وتكابس
شبرنا لاطول المشوار = حتى لو قافك يصير ابس

[بن عبيدان]

لو تقابلنا على ذيك النفود= ترجعون اليا وراء ياهل القعود
غيرنا ينقص وحنا الي نزود= ماعلى الدنيا ضميرن مستريح

لقمتك مدفونةٍ يالفار= في القطيف وحلة اسنابس
نحمد الله ماكسبنا العار= يوم بعض الناس بة شابس

تصبح على خير ياراع العلطاء