لكي تتأكدوا أن ملفي يجامل تركي اسمعوا هذه المحاوره!!!!!

[ابو فايح]

الكتاب باين من عنوانه وهي أحد محاورات ملفي المورقي هذا الشاعر العلم القوي في ابياته ومعانيه هذا الشاعر الذي يعد من أفضل شعراء عتيبه ولكن في الآونه الاخيره ظهر من يقلل في شاعرية ملفي المورقي والسبب محاوراته مع تركي 2000 ولكن ليعلم الجميع أن ملفي شاعر من الطراز الأول ولا يأتي تركي قطره من شاعرية ملفي المورقي ولكن مع تركي 2000 تطغى على محاوراته البرود والمجامله والسبب يعود للعلاقه التي تربط بينهما ولا أبالغ أن قلت أن ملفي المورقي أفضل من شعراء مطير جميعا باستثناء الشاعر سوار الذهب ولكي تتأكدوا من صحة كلامي انظروا الى ابداع ملفي وقوته رغم قوته الشاعر المقابل في هذه المحاوره بين الشاعر الكبير زيد العضاله والشاعر الكبير ملفي المورقي مع العلم أن الحفل كان عند قبيلة مطير هذه الصيفيه.

ملفي:

الليل يازيد العضاله لاتهوجس بالجلوس= ازهم مطير وزد الصفين والمخرج ملي
000000000000000000000= 00000000000000000000000

زيد:

0000000000000000000=00000000000000000000000
0000000000000000000 =00000000000000000000000

ملفي:

000000000000000000 = تبغى الحقيقه فالملاقى نذبحه ذبح الطلي
حنا موردة القنا حنا مقلعت الضروس=ما همنا علوى ولا حضرة بريه وعبدلي

زيد:

ما اذمكم والرعب منا دايما فيك مغروس= كم شيخ قوم كل ما جانا نلقيه الخلي
اليوم في ظل أهل الوقفات وبليس محبوس =وانته منول كل ما تنزل فديره ترحلي

ملفي:

لاتحسب انك مثل وصف الموت قضاب النفوس= الناس تعرف يالعضاله منزلك من منزلي
لو انها يازيد حرب كنها حرب البسوس= طوعت سيف ابن الوليد وسيف ابن طالب علي

زيد:

أنا حنيتك في قديمات الليالي حني قوس = كم من هنوف هلت الدمعه يا ويلي يا هلي
واليوم لو منته بحكم اخوان نوره ومحروس= والله لعرضكم المضمامه واطلاكم طلي

ملفي:

الناس تدري يالعضاله عن قصيد العيطموس= اللي تغني به جهينه من وراء الوجه وبلي
لولا ولولا اللي تقوله كان تلحس حد موس=والحره السوداء من المطران نفلاها فلي

زيد:

صحيح نوره يوم غنت يوم دقتها الهجوس= يوم اعتزت بالعبدلي والهم عنها ينجلي
لو الفعايل يالعتيبي تشتريها بالفلوس = شريتها واصبحت بين الناس ما جالك حلي

ملفي:

العبدليه ويش هو منطوقها يابو التيوس= تدعي عليكم بالزلامي لين قلقلكم قلي
ابك الورق يبقا خضر ما يدخله دوده وسوس=لولا هذا ما شفت مجلاس الفقير مع الغني

زيد:

ترا السوالف كلها عند الريجيل الجلوس=حضر قضات الحق لين تعد إلك وتعد إلي
علم الحيا ياللي تدور له يجيك ابه العسوس = لكن بالله يا محطات العتيبي قفلي

(في البيت اعلاه زيد يبا الفكه رغم انه في حلته)
ملفي:

النا لبوس يالعضاله طاهره والكم لبوس= ما نلبس الثوب القصير ولا لبسنا المسبلي
تبغا تخلص عقب ما حركت راكدت الهجوس= لكن بالله يا محطات ارسلي واسترسلي

زيد:

وحنا كذلك ديننا الاسلام ماهوب المجوس= والناس تعرف من هو العالي ومن الاسفلي
احسب حساب اللي تقوله لي يارضاع الديوس= الحمل كله في ظهر حاشيك ماهو لجملي

ملفي:

كل الاوادم يعرفون الطاهرين من النجوس= 000000000000000000000000
انته علومك يابن سلمي كنها ضرب البقوس = وانا علومي كنها صوط العذاب المنزلي

زيد:

الله واعلم وش حصل فالمعركه ياهل الجموس= يوم انعثر بالشيخ في هاك المكان وحولي
انته علومك كنها دغداغت البنت النعوس =وانا علومي زهلتن بين الطحال مع الكلي

ملفي:

الميد محوال الامير اللي مع السكه يهوس=واصبح على رجلاه مقفن فالطريق ومقبلي
يازيد منت املس لكن علومك الليله ملوس= وابا اتغاضا عنك من حلمي ومن قل جهلي

زيد:

هذاك عامل لاتنومس بالعوامل ياخلوس = اكفل لدقنك قدم خلق الله وانا لك بأكفلي
انته علومك كل ابوها حرش والسانك لسوس= مار اجنبي به ياهجوسه ساعتينن واشملي

ملفي:

ياللي عيونك فالمناظر طايره مثل الكبوس=العلم ثابت بالادله والمكان مسجلي
تركي يقول من الحكم من لايدوس الراي دوس= يطيح نجمه يالعضاله من سماه المعتلي

زيد:

ادخل على الله لاتضويلي علوم أهل الطعوس= ياشاعر قلبه على حيد الريه متدلدلي
اسمع علوم الشاعر اللي نيرته دايم قبوس=الشاعر اللي دايم ناقص لايمكن يكملي

انتهى

اريد آراكم في هذه المحاوره وفي ملفي بالذات وان كان تريدون ان اتي لكم بالموال لنايف العزيزي مع ملفي لا مانع لدي رغم انها لم تكن كهذا الطاروق والسبب الفرق الكبير بين نايف العزيزي وملفي.

التوقيع

عالم تويتر abofayeh@

آخر تعديل ابو فايح يوم 30-Jul-2007 في 07:44 AM.

[عامر بن صعصعه]

حنا موردة القنا حنا مقلعت الضروس = ما همنا علوى ولا حضرة بريه وعبدلي

عـز الله انه شاعر ابـو وافـي ،، و دايم وهو يلجم الـمطـرااان بردوده


ومشكووور على هذي المحاورة القووويـه ..( بس ليش نص الكلام محذوف ..؟ )

ولاهنت اخوي ابو فايح و مواضيعـك دائماً رائعـه وتـستوقفنـي لقرائتهـا


تقبل تحيات اخوك : عامر بن صعصعه ( الــسبـــ 503 ـــــيعــي )

[صعوط المجانيين]

ياخي ملفي أنا منول أسمعله بس من يوم ماطلع تركي وبدا يجامله ماعاد أسمعله ولا والله أنه مصيبه بالمحاوره؟؟؟

وين راح تاريخك يابو وافي هذي أخرتها؟ تركي يقول من الحكم .....................؟؟؟؟

ملفي خرب كل الي بناه من أسنين وياليته يرجع مثل أول ولحد يقولك هذى مستواه أو أنتهى لا والله ماأنتهى بس أذبحته المجاملات؟؟

[عامر بن صعصعه]

اشكرك مرّه ثانيـه على الموضـــوع

محاوره قوووووووووووووووووووووووووووووووووووووووووووو يـه

وابـو وافـي ابـدع فـيهـا

آخر تعديل عامر بن صعصعه يوم 30-Jul-2007 في 08:23 AM.

[الـــقـــرم]

ابـو فــايـح ..

مـحـاوره نـاااار وقـويــه و كـلهـا الـعضيلـه من ابو وافـي على ان الحـلّـه حلتـه


بس لو ان مـلفـي مـفتكـن من هـالشـطـر :

((( تركي يقول من الحكم من لايدوس الراي دوس )))


مـجـامـلـه مـــا لـهـا أي دااااااااااااااااعــي وتـرفـع الـضـغـط .

لاعاد واللي يرفـع الضغط زيــاده تـلقـا تــرّوووك حينهــا مـنـتـفـخـن راســه


محاوره قويــه بس ارجع واقول المجامله الزايده واللي مهي في محلها مالها اي داعي

ولا لا يبو فايـــح


مودتــي ومشكووور على الموضـــــــــــــــــــــــــــوع ..

[سلطان الجـذع]

تركي يقول من الحكم من لايدوس الراي دوس
هههههههه يالربع المقصود هنا تركي بن حميد

يوم يقول
من لايدوس الراي من قبل ماديس **عليه داسوه العيال القرومي


ابو فايح شكور على النقل محاوره قمه صراحه

وبين شاعرين غنيين عن التعريف ..

من افضل شعراء المحاوره الان ..

آخر تعديل سلطان الجـذع يوم 30-Jul-2007 في 10:27 AM.

[ابو فايح]

المشاركة الأصلية كتبت بواسطة عامر بن صعصعه

حنا موردة القنا حنا مقلعت الضروس = ما همنا علوى ولا حضرة بريه وعبدلي

عـز الله انه شاعر ابـو وافـي ،، و دايم وهو يلجم الـمطـرااان بردوده


ومشكووور على هذي المحاورة القووويـه ..( بس ليش نص الكلام محذوف ..؟ )

ولاهنت اخوي ابو فايح و مواضيعـك دائماً رائعـه وتـستوقفنـي لقرائتهـا


تقبل تحيات اخوك : عامر بن صعصعه ( الــسبـــ 503 ـــــيعــي )

اول شي يشرفني انك تقرأ مواضيعي ثاني شي المحذوف السسب ليس مني ولكن من المكتب الذي سجل الشريط لان هذا القاف جاء على نهاية الشريط ومع التبديا الى الوجه الاخر طارت الطيور بأرزاقها.

المشاركة الأصلية كتبت بواسطة صعوط المجانيين

ياخي ملفي أنا منول أسمعله بس من يوم ماطلع تركي وبدا يجامله ماعاد أسمعله ولا والله أنه مصيبه بالمحاوره؟؟؟

وين راح تاريخك يابو وافي هذي أخرتها؟ تركي يقول من الحكم .....................؟؟؟؟

ملفي خرب كل الي بناه من أسنين وياليته يرجع مثل أول ولحد يقولك هذى مستواه أو أنتهى لا والله ماأنتهى بس أذبحته المجاملات؟؟

آآآآآآآآآآه والله ياتركي ما يجي مثقال ذره مع ملفي لكن ملفي على علاقه قويه معه نتمنى ان يجعلها خارج الميدان.

المشاركة الأصلية كتبت بواسطة الـــقـــرم

ابـو فــايـح ..

مـحـاوره نـاااار وقـويــه و كـلهـا الـعضيلـه من ابو وافـي على ان الحـلّـه حلتـه


بس لو ان مـلفـي مـفتكـن من هـالشـطـر :

((( تركي يقول من الحكم من لايدوس الراي دوس )))


مـجـامـلـه مـــا لـهـا أي دااااااااااااااااعــي وتـرفـع الـضـغـط .

لاعاد واللي يرفـع الضغط زيــاده تـلقـا تــرّوووك حينهــا مـنـتـفـخـن راســه


محاوره قويــه بس ارجع واقول المجامله الزايده واللي مهي في محلها مالها اي داعي

ولا لا يبو فايـــح


مودتــي ومشكووور على الموضـــــــــــــــــــــــــــوع ..

الله يهديك المقصود ابن حميد شيخنا ماهو تركوووووووووووووووه اللي على بالك.وشاكر لك مرورك.

المشاركة الأصلية كتبت بواسطة عامر بن صعصعه

اشكرك مرّه ثانيـه على الموضـــوع

محاوره قوووووووووووووووووووووووووووووووووووووووووووويـه

وابـو وافـي ابـدع فـيهـا

لاهنت مره أخرى. كنت تسأل قبل التعديل وتقول تركي ماله ولا بيت في هذه المحاوره المقصود من هذا الموضوع الرد على كل من شكك في شاعرية ملفي ولكن معهم الحق انه مع تركي ليس كمثله مع بقية الشعراء.

المشاركة الأصلية كتبت بواسطة { سلطان الجذع }

تركي يقول من الحكم من لايدوس الراي دوس
هههههههه يالربع المقصود هنا تركي بن حميد

يوم يقول
من لايدوس الراي من قبل ماديس **عليه داسوه العيال القرومي


ابو فايح شكور على النقل محاوره قمه صراحه

وبين شاعرين غنيين عن التعريف ..

من افضل شعراء المحاوره الان ..

الف شكر اخي سلطان على مرورك وتفسير للبس الذي حصل عند بعض الاخوان وحقيقه صدقت انهم من افضل الشعراء على الساحه الان.

[ابو فايح]

الـــــــــــــــقـــــــــــــــــرم
والله انك صادق ان زيد اكلها والدليل بيت زيد يوم يقول:
علم الحيا ياللي تدور له يجيك ابه العسوس******** لكن بالله يامحطات العتيبي قفلي

فجاء الرد الصاعق من ملفي:
تبغا تخلص عقب ما حركت راكدت الهجوس******* لكن بالله يا محطات ارسلي واسترسلي

آخر تعديل ابو فايح يوم 30-Jul-2007 في 11:47 AM.

[ابن نميان]

الميد محوال الامير اللي مع السكه يهوس
......................واصبح على رجلاه مقفن فالطريق ومقبلي
يازيد منت املس لكن علومك الليله ملوس

.....................وابا اتغاضا عنك من حلمي ومن قل جهلي

^^^^^^^^^
^^^^
^^
^
^
^
^
يـ ا قو البيت هذاه قواه ...!

هذاك عامل لاتنومس بالعوامل ياخلوس
........................اكفل لدقنك قدم خلق الله وانا لك بأكفلي


^^^^^^^
^^^^
^^
^
^
^
^
ياحليلك يازيد أجل عامل...!

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[ذيب اسعدي]

بيض الله وجهك

فعلا محاورة قويه وممتعه وتستحق المتابعه وليت كل المحاورات بهذه القوه

بس الجمهور الان ما يعطي الشعار فرصه يبا كل المحاورات موال


مشكووور اخووي فايح


دمتم بود


،،،،،


أسعدي