الليل ياشعار من وده يقوم&عندي قضية تستحق النقاشي

[بندر المرشدي]

مساء الخير للجميع

الليل ياشعار من وده يقوم=عندي قضية تستحق النقاشي
وانا بلشت بشاشة كلها رقوم=ماعاد اشوف الطيب من الخشاشي

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[مرزوق حمدان العتيبي]

وانا بلشت بشاشـة كلهـا رقـوم
ماعاد اشوف الطيب من الخشاشي
...

الله الله عليك يالتحدي صح لسانك
وننتظر الشاعر المقابل
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[بندر المرشدي]

مرزوق العتيبي

صح بدنك ومرورك شرف لي لا هنت

[راع العلطا]

ارسلتلك مني قرارٍ ومرسوم=قرار ينفي كل مرشي وراشي
فيما ذكرت اقول منته بمليوم= عليك بالعلياا وكب العكاشي

[مرزوق حمدان العتيبي]

فيما ذكرت اقول منته بمليوم
عليك بالعلياا وكب العكاشـي



الله الله
صح كلك ياراع العلطا

[راع العلطا]

مرزوق العتيبي



صح بدنك مدد بلا عدد


مشكور على مرورك لاهنت

[بندر المرشدي]

صح لسانك ياراع العلطا واستلم.........

خابرك قرم ومن طحاطيح وقروم=ترسل وسارقنا يعب الخياشي
عز الله اني قبلها كنت ياقوم=ماني بتاجر لاكن الحال ماشي

[راع العلطا]

جتنا من الشاعر سواليف واعلوم = ولا هو بحق انه يجيك ارتعاشي
وقتك هذا للقطو والتبع والــــبوم = والحر يفهق مالقاله اعراشي

[بندر المرشدي]

بيتٍ بليا ساس يارجل مهدوم=قد قاله اللي فاللقاء مايخاشي
ترا جملنا للحمل كايد عزوم=واليا هدر ترغي جميع الحواشي

[راع العلطا]

عادات ربعي فاللقاء الخصم مهزوم = افعالهم تطفي لواهيب جاشي
لازمن علي اقوم وارد باسلوم =عزي لكم يامحترين المعاشي