سلامي على الهيلا -------

[خالد اوصاهب]

السلام عليكم ورحمة الله وبركاته
مسا الخير ---- زيارة واطلال عقب البطا
اقرب شاعر يتفضل

سلامي عدد ماتطلع الشمس وتغيب=على اللي لهم في وسط قلبي موده
ليا ضاق صدري قلت كسابة الطيب=وقالوا هلابك واطيب الهرج بده

[غازي غالب]

وعليكم السلام .. وياهلا ومرحبا ..

هلا مرحبا مليوون لأهل المواجيب = تجي للصحيب اللي كــ اخونا نعده
مدامك تجر الصوت فوق المراقيب = ترانا نزورك بين مده ومده

التوقيع

انته مزاجك خواً بالراس = وانا مزاجي يبا الهمجه

[خالد اوصاهب]

يدوم البقا ياللي تزف التراحيب=وعطني علوم المنتدى المستجده
انا لي زمن مازرت بعض الاصاحيب=عساهم بخير ودارهم مستمده

[غازي غالب]

علومه بغا يرسل عليك المناديب = وقالوا بإنك نازل ٍ وسط جده
لكن اسر ليلك قدم لا يعوي الذيب = ليا من عوى مافيه ذيب ٍ يضده

[طلال الثبيتي]

هلا وغلا ياخالد حياك الله ..


ومن طول الغيبات جاب الغنايم ..

والله اني فرحت يوم شفت اسمك .. يامرحبااا يامرحبااا ..

وصح لساااااااانك ..

وصح لسااان قبلان ..

ومتابع لكم يامبدعين والصف محايد

[غازي غالب]

حياك الله ياطلال .. وصح بدنك ..


والصف لاتقول محايد ازعل عليك ... امسك صف ضيفنا ياطلال .. حق وواجب ..


لاهنت على المرور ..