سلام والشعر له مذهب وله قانون

[صليب الراس]

مساكم الله بالخير

سلام والشعر له مذهب وله قانون=والناس فالوقت ما تخلف قوانينها
كلن على مايحب ويشتهي باللحون=لكن ديني ترى ماهو على دينها

[ولد نجم]

يامرحبا والشعر يعمي بصير العيون=ويشوفه اللي ضرير بصوت شارينها
ياصليب يالله عسى مايقفين الضعون=مدام وقتك هذا كثرو مجانينها

[صليب الراس]

ماضر عيني نظر غيري ولابه طعون=الارض تشهد على هرجك ميادينها
ليت الزمان القديم اليوم ربعه يجون=حتى نسوم البضايع في دكاكينها

[خالد المقاطي]

ماضر عيني نظر غيري ولابه طعون= الارض تشهد على هرجك ميادينهـا
ليت الزمان القديم اليوم ربعه يجون =حتى نسوم البضايع فـي دكاكينهـا

صليب الراس ...


صـــــــح السانك


هذا الكلام .. واللـــه (( وليتهم يعودون ))

وصح الســـــانك اخوي .. ولد نجم

بيــض اللــــه وجيهكم

[ولد نجم]

اللي يشوفك يقول عود ولالك سنون=لاكن تريض ولا تسبق عناوينها
ياصليب يالله عسى قدرك يسد الصحون=وتنتسب صحونك معاني مع تلاحينها

آخر تعديل ولد نجم يوم 11-Jul-2007 في 10:19 PM.

[ولد نجم]

كعام المعادي


صح ابدنك


مير خويي طارن عليه طاري

الله يعين

[ولد نجم]

الصليب ليلك طووويل انت

[صليب الراس]

صح للسانك
كعام
ولاهنت

ولد نجم
شايب هااااااااااه

ماكل من شاب راسه صاب عقله جنون=شايب وغاسل يديني من وراعينها
لا هانت ايامكم راسك عسى مايهون=طيوركم فالسما رفت جناحينها

[ولد نجم]

هههههههههههههه

العمر شايب ,,وعزي العقله اسبيستون=والفاطر الموذيه قيدي برجلينها
ابديرت الشعر جنسيه ونده بدون=دايم رسوم وطوابع شاب مسكينها

آخر تعديل ولد نجم يوم 11-Jul-2007 في 11:29 PM.

[صليب الراس]

صح الله للسانك
ولد نجم
ماقصرت
وداعة الله