جاكم السيل

[تالي الليل]

سلام والتسليم للخلق سنه .. للي ركب خيلة وجر الاعنه
احس للجوال ياناس رنه ..سته لعى سته نضر سالم العين

ياجماعة ذخرت النار والليل ليل .. كلها لجل ابو زيد الهلال وعلي
منتداكم هذا لليله يبي يجيه سيل .. لازم نخيلة حتى لكم يمتلي

[خالد المقاطي]

سلام والفتله براس الزنادي = والليل دوبه يابن الاجواد بادي
العلم رده في كعام المعادي = ستـــــــــــــــــــــــــــــــــه

زيد نارك وفيها نحذفك ياعميل = كل راس(ن) يطول بسفنا جندلي
قالو انه سحاب الصيف مامن حصيل = هات علمك وحذرا دربكم ممحلي

[تالي الليل]

اسلم انا وانت زدت السلامي ..ليتك تجي ياذيب حسب النضامي
لكن انا ادري منت كفو المقامي .... ستـــــــــــــــــــــــــــــــــــــه

كان جيت العربنا جيتهم فوق خيل .. وكل فارس نشيله فوق ثم اسفلي
وخروا فردكم عن درب هذا المسيل.. ودنا واحد مثل القدور يغلي

[خالد المقاطي]

قد .. قالها قبلي من الناس عشره = حنا نقدر !! كل رجل(ن) وقدره
واللي سواتك يالغليم نحشره = ستـــــــــــــــــــــــــــــــــــــــــه

ماتجي للعرب في خيل ياهذليل = والجمل نعرفه ماهو سوات الطلي
ياحوير نعرفك ماتحط وتشيل = من قهرك الجرب تاكله وتهوبلي

[تالي الليل]

منته بحاشر لو كراع الدجاجة .. كسرتك عندي مثل كسر الزجاجة
بالله تخلي عنك هذي السماجة .. سته على ست

العقل عقل سخلة والكبر كبر فيل .. فوق راسك غيوم ماتبا تنجلي
ما نبي نسبكم حشمه لذاك الدليل .. العرب حولكم عنا تبي تسألي

آخر تعديل تالي الليل يوم 10-Jul-2007 في 04:00 AM.

[خالد المقاطي]

واللـــه لسوقك قدم كل العرب سوق = من شان تعرف كيف تهرج بمنطوق
والناس قالو كل مطرود ملحوق = ستـــــــــــــــــــــــــــــــــــــــــه

الشنب مايلد العين لك يابو ذيل = السما صافيه والخبل ينطح شلي
ابك حنا قمعنا القوم ياهالخبيل = انشد السيف تعرف علم متسلسلي

[تالي الليل]

انا لساني يالعتيبي حصاني .. لكنك انته من طوال الاذاني
اللي تجيب الماء عن المودماني .. ستــــــــــــــــــــــــــــ

الشنب نحلق وتموت يابو خليل ... روح صفر على لحنك كما البلبي
وضعكم فيه شبه ياجديد الموديل ..شكلك انته علينا ياولدمرسلي

[غازي غالب]

كل راس(ن) يطول بسفنـا جندلـي
كل راس(ن) يطول بسفنـا جندلـي
كل راس(ن) يطول بسفنـا جندلـي


صح لسانك ياكعام المعادي .. ولاهنت

وصح لسانك ياتالي الليل وحياك الله فالهيلا .. اتمنى ان تفيد وتستفيد ,,


واصلوا متابع لكم ..

التوقيع

انته مزاجك خواً بالراس = وانا مزاجي يبا الهمجه

[خالد المقاطي]

وانا عتيبي من رجال(ن) صمايل = اهل الكرم والجود واهل الفعايل
ياطير بن برمان ويش انت شايل = ستـــــــــــــــــــــــــــــــــــــــــه

تقصر ايداك ياها الاجودي لاتميل = الله اللي خلقني والله اللي ولي
زاد حملك وحملي دوب حبات هيل = الله اللي مسلطنا على العايلي

[تالي الليل]

هذا عتيبي بس مافيه حيلة .. وده مع الشعار ينشر غسيلة
انهض يامرزوق العتيبي وحيلة .. سته

اسمك اليوم لازم نشطبه بالمزيل .. انت فالكر والفر ياولد تجهلي
انت جاهل ولاتعرف تخض الصميل .. وان لقيت الفوارس قمت تتزلزلي