شبح جده !!

[ماجد النايف]

السلام عليكم ورحمة الله وبركاته

هذي قصيدة اتمنى ان تعجبكم ولا يحتاج اقول القصه

لان القصيدة تحكي عن نفسها

الا يا ليتني ما جيت جده = ولا سيرت في جده دقايق
عرض لي واحدٍ يا زين خده = سواة الورد في وسط الحدايق
وعينه عين حرٍ وقت هده = تناول صيدته من دون عايق
وشعره ناعمٍ من عقب كده = على المجمول لايق غصب لايق
عن عيوني قليل الفود لده =وقلبي ولعت وسطه حرايق
الا يا لعنبو جده وعده = تركني للعنا والمر ذايق
على بنزٍ تلهب مستعده = عليها سايقٍ بالحيل رايق
وتله جعلها للعطب يده = وقفا به وانا دمعي غرايق
وانا فوق العراوي جيت احده = لقيته عاجزٍ ما هوب طايق
وطلبت الله على دربي يرده =واناظر فيه دام الصدر ضايق
وتمنيت ان جدي خي جده =وانا اللي كنت فوق البنز سايق

[/poem]