كان ركان في اخر ايامه مسافر مع احد شبان قبيلته ولما كانو في الطريق مرو على بيت قال ركان لخويه وشرايك نرتاح عند اهل البيت وافق خويه واقصدو البيت لما وصلو مالقو في البيت غير بنت قال ركان لخويه::: البنت بتجلسني وبتامرك تسوي القهوه وقال الشاب لا بتحسبني انا الشيخ وبتجلسني واتفقو انه محد يتكلم... بعد مادخلو البيت طالعت البنت ركان والشاب وفكرة شوي وبعدها قالت لاركان خذ الفاس واحطب وسو القهوه لمعزبك ضحك ركان واشر لخويه وقام حطب وسو القهوه وقهوى خويه ولما خلص راح وجلس على النار وطالع البنت وانشد يقول.................
يازين يالي في ذراعك نقاريش
الحكم حكم الله وحكمك على الراس
انشيتني حشاش سيد الحواشيش
وان شيتني حطاب قرب لي الفـــاس
وانشيتني خيال اروي الماعطيش
واثني وراهم يوم الارياق يبـــــــاس
الفرخ لايغويق مع صفة الريش
طير الحباري يريش العين قرنـــــاس
وبعد ماخلص من القصيده قالت البنت انشد بالله مانت ركان بن حثلين قال: ماشفتي غير اخذة البنت تعتذر من ركان واخبرها بانه كان ماتفق مع خويه على هذا الشي
انشاء الله اتحوز على رضاكم ......... اخوكم مسري هجاد الليل
« آخـــر الـــمـــشـــاركــــات »
12-Jul-2003, 02:13 AM
قصة من قصص ركان بن حثلين...........
العرض الشجري