غثرب العد خاص

[محمد العضياني]

السلام عليكم جميعاً

خاص باهلـــــــــــــــــه :

غثـرب العد واللي حالفين اليميــــــن= ارتخا عزمهم واصبح عليهم اثــــــم
لا يطيـح الذلول ويطرح الغافيليـــــن= من مدق الشواويه رعاة الغنــــــــــم

[سفير الدوله]

وعليكم السلام

عسانا من اهله

غثرب العد يوم انا عنه غايبين=لاوردنا تجنبنا رعاة البهم
مار ابا انشدك روس الروس راحوا منين=ليتهم مالهم فوق المطيه وسم

[سلطان الحافي]

الله الله

الله

كلام كبير

صحت السنتكم مليووووووووون

واصلوو يالنشاما

متابعين

[سفير الدوله]

سلطان الحافي

صح بدنك


لا هنت على التواجد والابداع مرورك

[محمد العضياني]

اكيد من اهله

عذراً خرجت ورجعت :

استلم :

اكثر اهل القنا فوق الجبل مرتكيــــن=مار ما عندهم تفويـض رمي السهـــم
علمنا علمكم ما شفتهم فالقطيــــــن=الله اكبر على اللي يحــــرسون الحرم

[محمد العضياني]

سلطان الحافي

ارحب حياك

صح بدنك

مرور السعد ومتابعة غالية من غالي

[سفير الدوله]

لا تحامل عليهم تنقل المارتين=أنتعشاهم الليله كباب ولحم
قول لأنشفت ربعك جو من العايدين=تحسبون الاماره بس طج الختم

آخر تعديل سفير الدوله يوم 04-Jul-2007 في 12:38 AM.

[محمد العضياني]

العصا شقرهــا يا سيد العارفــــــــــين= يجلب الوهن ويناسب لبعض الامـــــم
جـر صوتك وحاول توقـــــــظ النايمين= يسعفون المـــريض ويكسرون الصنـــم

[سفير الدوله]

لوشقرت العصا ما اوميبها كل حين=والتمر مايدور عند راع العجم
والله انه حرام الضرب فالميتين=عانهم مع طلوع ومع نزول السهم

آخر تعديل سفير الدوله يوم 04-Jul-2007 في 01:51 AM.

[وحي العقل]

هنا المعنى
هنا النقض
هنا الفتل
هنا الشعر

بأختصار شاعرين مبدعين وتناولا قضيه جيده