الجذع وين تروح منّي

[علي فلاح العضياني]

يا صاحبي يالجذع تعال ابا اصبّحك بالخير=بالله قلّي مع الايام وين تروح منّي
ترى مدامك عميل مطير ابا احطّك مع مطير=وان رحت معهم لعلك من مراحك ما تثنّي

التوقيع

(( رأس الحكمه مخافة الله ))

[العـوفي]

ترى مدامك عميل مطير ابا احطّك مع مطير
وان رحت معهم لعلك من مراحك ما تثنّـي

ترى مدامك عميل مطير ابا احطّك مع مطير
وان رحت معهم لعلك من مراحك ما تثنّـي

هههههههه

انا اشهد ان ماله مفر

وصح لسانك يالمبدع ولسان الجذع مقدماً

وعسى ما ينقز عليك احد وانا في صفك

آخر تعديل العـوفي يوم 12-Jun-2007 في 06:17 AM.

[كبتن عتيبه]

الله الله



مبروك خلصت من الامتحان


يالفالح




واصل واصل

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[الجـذع]

صح لسانك يالفالح واسمحلنا على التأخير

استلم لاهنت

يامرحبا ياشاعر(ن) نعرفك تحسن التدبير=مير البلا تخالف في شروط الكادر الفنّي
وان روحْت يم مطير زدنا فالنشاما خير=ولا انته ماتثمن كلمتك وتروح متعنّي

[الجـذع]

ما شاء الله انتهت الاختبارات

وانا اول من طرى عليك ،، الله المستعان

شاعر كبير والله يجملنا معاك

[علي فلاح العضياني]

الدرب ما فيه غير انته وانا لا تعكس السير=مدام شعرك هذا لا تبتلشني روح عنّي
اللي سواتك حلامه مالها فالكون تفسير=لكن ليتك تعلّم قبل يالشاعر تغنّي

[علي فلاح العضياني]

هذا من غلاك عندي


الله يسلمك



والدعوى كلها مزوح



وسلامتك

[الجـذع]

انته تغني مير بعض احيان تخطي التعبير=تبلش مع العربان وتقول يالله تامنّي
اللي سواتك ما يدري وش اللي من حوله يصير=تحسب ان اللعب حكم ،، وفالأخر ،، يتضح صنّي

آخر تعديل الجـذع يوم 12-Jun-2007 في 09:12 AM.

[الجـذع]

الله يزيد الغلا

محدن يحب الكره

والدعوى سعة صدر وامزوح تجي وتروح