لاصعب سنين العمر وافر تحياتي //

[مقعد العازمي]

آخر البوح / النوح

عسى أن تحوز على رضاكم

هذي ثلاثين ما حققت غاياتي = لكن انا الوقت فاهم كل الاعيبه
لاصعب سنين العمر وافر تحياتي = كم علمتني شقاً ما كنت داريبه
هي خرجتني وهذي هي شهاداتي = الدين والعلم والصبر ومراقيبه
ومع الرجال الوفا واخلاص نياتي = والصاحب ليا مشى ما اشذب عراقيبه
وعلى علوم الردى ما افتل شناباتي = ولاني حريصٍ على النمات والغيبه
والجهد مبذول في شتى المجالاتي = اسمع من العارفه واقدّر الشيبه
وان سارت ايام عمري عكس مشهاتي = السر مدفون فالصدر ومحاديبه
وان جا الغلط ينحفظ وسط السجلاتي = ما اتوه ما بين تصديقه وتكذيبه
يا ما حفظت الدروس وصغت الابياتي = لا خرمس الليل والهاجس عوا ذيبه
والا انت ياللي معك يا كبر هقواتي = تدري وش الفرق بين الخرج والعيبه
وتشوفني حي فاحسابات الامواتي = وتقول نظره تخيب ونظره مصيبة
ما تدري ان العلوم الها اعتباراتي ؟ = وان اكثر الناس فالشدات ماليبه ؟

[فواز خالد]

الشّاعر

مقعد العازمي



صح الله لسانك ولاهنت على هالابيات الطّيّبه ...

[معلا إبراهيم الأسعدي]

تسلم يا الذيب

التوقيع

[السميــــــري]

...

الأخ الكريم ...
مقعد العازمي صح لسااانك .. وسعدنااا بتوااجدك هنااا ..
قصيدة تشد القارئ ..

وعلى علوم الردى ما افتل شناباتـي
ولاني حريصٍ على النمـات والغيبـه

والجهد مبذول في شتـى المجالاتـي
اسمع مـن العارفـه واقـدّر الشيبـه

وان سارت ايام عمري عكس مشهاتي
السـر مدفـون فالصـدر ومحاديبـه

..
راااائع يابن عاصي ..
صح لسااانك .. والله يعطيك العافية ..
نتمنى ان نرى غيرهااا ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[فهد علي العازمي]

صح لسااااااانـــــك

يا ابو تركـــــــي


بيض الله وجهـــــــك