حفل الشيخ صنيتان الضيط لقبيلة حرب بمناسبة تنازل الحروب عن العتبان

[الركن]

مبدى عتيبه على قبيلة حرب
حصل قبل عدة ايام نزاع في على احدى الأراضي بين الروقه من عتيبه وقبيلة حرب في الحجاز وهم جماعة ابن مبيريك وحصل النزاع بين كلا الطرفين وخصام حتى وصل الى الأشتباك بالأيدي وقام احد رجال المورقه من ذوي عطيه باطلاق النار على اثنين من الحروب واصابتهم وقدر الله انها تكون اصابه بسيطه في الأرجل وقام رجال الروقه بالتنسيق مع قبيلة حرب واتصل بهم الشيخ صنيتان الضيط الذي سعى بالمبدا في هذا الموضوع وتكفل بأنهائه بكل الطرق ثم قام الضيط بالأتصال بالشيخ طه بن مبيريك محافظ رابغ وشيخ حرب فالحجاز ، وتم قبول وجاهة عتيبه , ذهب رجال عتيبه على رأسهم الشيخ صنيتان الضيط وعدداً من كبار الروقه ومن حظر من رجال عتيبه المحسوبين واستقبلوهم حرب في احسن استقبال كما هو المعهود من كرماء حرب وهم اهل الجود وتم التفاوض بأسم الضيط وابن مبيريك وبعد كثير من النقاش والمحاولات والوجاهه تم التنازل من الشيخ عابد الحربي ابو الشخص المصاب وعن رجلهم الثاني دون اي مقابل وقام الشيخ صنيتان الضيط وشكر عابد على التنازل وشكر محافظ رابغ على مابذله من جهد وشكر جميع من حظر وسعى في الصلح وقال بعد هذا كله نحن نريد ان نكرمكم على جميلكم ودعاهم إلى حفل يقام على شرفهم في منزله بجده بمناسبة الصلح وحدد موعد الحفل الجمعه ليلة السبت الموافق15/ 5 /1428
وفي الموعد المحدد كان منزل الشيخ صنيتان الضيط في جده على موعد مع رجال حرب وأميرهم ومع شيوخ عتيبه فالحجاز ومع كبار القبيله من تجار وكبار الشخصيات وضباط من كلا القبيلتين ثم اتو قبيلة حرب وعند دخولهم منزل الشيخ صنيتان اخذوا يحدون وتقدم مايقارب السبعين رجلاً من حرب يتقدمهم الشيخ طه بن مبيريك محافظ رابغ
وهم يرددون :

الأوله سلام ياهل الجود ياعزوت عتيبه
ليا دعيتونا نجيكم فالوعد ماهي غريبه
أنتم سوات السيف في وقت اللاوازم نعتزيبه
نعمين ياهل العرف من برقا وروووووووق

،،،،،

والثانيه حنا الحروب النا مع العربان هيبه
ميقافنا معروف في وقت المواقيف الصعيبه
عدونا يخصع لنا بالطيب والا بالغصيبه
وانتم وحنا صف واحد لآدخل قضب الحلووووووق

ثم قامو يرددون هذه الحدا امام عتيبه يتقدمهم الشيخ بندر بن نايف ابن حميد والشيخ صنيتان الضيط (صاحب الحفل) والشيخ معجب بن محيا وكبار رجال القبيله وعلى رأسهم تركي بن ملافخ مدير احوال منطقة مكه المكرمه ومتعب بن سلطان بن عمر والعميد متقاعد سجدي القسامي والعقيد متقاعد زبن بن دبيان الغبيوي وذعار المورقي من كبار المورقه والعمده عاتق المقاطي .
ثم جاء الرد من عتيبه رغم ان الحداه كانت مفاجئه

الاوله يامرحبا ترحيب وافي نبديبه
ياهل الوفا والطيب من عصر الجدود الي عريبه
جيتو على سبل الرحب حسب القوانين الصليبه
يامرحبا ترحيبة جزله ولافيها دروووووق

،،،

حنا عتيبه فالمواقيف البعيده والقريبه
ميقافنا وقت اللقا مايلحقه شك وريبه
أفعالنا تعرف وتذكر بالمواقف الصعيبه
اسمع كلام واضح يمشي على كل الطروووووق
(الحداء شارك فيه الشاعر عبدالله القثامي والشاعر سعدون الزراقي وعبدالرحمن الثبيتي)

ثم رحب الشيخ صنيتان الضيط بضيوفه وتقدم الشيخ بندر بن حميد ورحب بأبن مبيريك ومن معه من حرب ثم تقدمو الضيوف في مجلس الضيط وجاءت قصيده لأحد المورقه

ثم جاءت القصيده (المعده) فالحفل للشاعر الكبير شاعر المحاوره والنظم عبدالله القثامي

هب النسيم وعانقه عطر الإزهار= وهز الغصون اليانعة واحتواها
وشاشت مراميس الطواري والأفكار= ونالت هواجيس القصايد منها
وفي ماقفي تداعت أبيات الأشعار= ولبستها حلة غلا من غلاها
ثوب الغلا للغاليه طيب وستار= في ألحله اللي يسعد الله مساها
في حلة صنيتان مقدوم الأخيار= شيخ الشيوخ اللي يذري ذراها
الضيط أبو فواز حلال الاوسار= لاكبرة الحاجة بعرفه قضاها
الضيط حر من صناديد وأحرار = نور ونيران يروع سناها
نور انتقدا به على كل الأنوار= ونار على روس الأعادي لضاها
في مجلسه تلقى مناعير وأبرار= يا طيب مكرمها ومكرم نباها
وابن حميد ايجيله المدح مدرار= لن كبرت القالات بندر حماها
اميرنا بندر ليا جيت ابا اختار= تعجز بيوت الشعر من منتهاها
بندر ولد نايف ذرا كل مغوار= لو حدته سود الليال احتداها
ونيابة عنهم عدد نبت الأثمار= في عبلة يلحق ثراها ثراها
يا مرحبا وعداد همال الأمطار= وعداد وابل وبلها من سماها
ومن خاطري ما داعب النود الأشجار= ويا مرحبا حييت يالشيخ طاها
يا مرحبا يا حرب تكرار و إمرار= حرب الرجال اللي قوي دهاها
حرب الرجال اللي لهم في الملا كار= حرب الرجال اللي بعيد مداها
حرب الرجال اللي كما السيف بتار= حرب الرجال اللي عزيز بناها
وحييت يا طه عدد ساير سار= ذخر الزعيم اللي بلاده حماها
قد قالها مليكنا الوالد البار= وأعلن بها بين الملا ما نساها
يقول ابن عمي وللقول مسعار= تبطي ولا ينسى ملكنا ولاها
ويا بن مبيريك الوفي واف الأشبار= طيبك على ما قلت نفسي دعاها
ولو أمدحك ببيات الأشعار واختار= أغلى بيوت الشعر واحكم بناها
ما أوفيت ذكر شاع ما بين الأقطار= هيبة و لا احد من البرايا لقاها
واثني تراحيبي بسم كل غيمار= اعتيبه اللي عالين مستواها
مقدارهم يطغى على كل مقدار= لا ثارة الهيجا ودارة رحاها
شجعان يسقون العدا كاس الامرار= ولو عضها ناب الدهر ما قواها
أهل ألوفا والطيب وكعام الأشرار= لن كبرت القاللات حنا دواها
واليا غش الميدان دخان وغبار= اكبر قبيلة ما تجي في نحاها
أهل الثلاث البيض في كل مضمار= وأهل يمين ما تشح بعطاها
اعتيبه أهل الطيب حكامة الشار= من طيب قالتها عزيز حماها
وفي حلة اللي يكرم الضيف والجار= أدعو معي يحفظ بحفظ الالها
الضيط أبو فواز حلال الاوسار= شيخ الشيوخ اللي يذري ذراها
يا مرحبا عداد ما طاير طار= أقولها واختم كلامي علاها

صور من الحفل


ضيوف حرب وعتيبه في مجلس الضيط


من اليمين الشيخ معجب بن محيا والشيخ طه بن مبيريك والشيخ صنيتان الضيط والشيخ بندر بن حميد


الشيخ صنيتان الضيط والشيخ بندر بن نايف بن (محمد بن هندي)..(داهية عتيبه وأميرها)

تغطية شبكة العضيان

آخر تعديل الركن يوم 07-Jun-2007 في 04:49 PM.

[سعود النفيعي]

الركن لاهنت على الموضوع الرائع ونعم والله بحرب وعتيبه والله يصلح في مابينهم ويوفقهم إلى مايحب ويرضاه ونعم والله بالشيخ صنيتان الضيط ولاهيب غريبه عليه


موودتي

[سالم بن تراحيب]

والنعم بالشيخ صنيتان الضيط.

[ربوع نجد]

هذا والله العلم الغانم اللى يبيض الوجه

[البدر2006]

الركن
لاهنت والله يعطيك العافيه

[المورقي0]

بيض الله وجه ابوفواز

و من حضر من عتيبه وحرب

[دبلوماسي عتيبه]

ابو فواز راعي العلوم الطيبه

ولاهيب غريبه عليه

بيض الله وجهه

ووجه من حضر من بني عمه

[The_Dream]

لا هنت يالركن...ولا هيب غريبه على الشيخ صنيتان الضيط ....

ملاحظة: زبن بن دبيان الغبيوي
عميد ,وليس عقيد

تحياتي وتقديري

آخر تعديل The_Dream يوم 17-Jun-2007 في 02:00 AM.

[محمد الزايدي]

بيض الله وجهك يالركن

[ابن بريم المقاطي]

بيض الله وجهك يا الركن هذا الموضوع بخصوص التنازل


وبيض الله وجيه حرب وهذا ليس غريب عليهم..

تقبل مروري / ابن بريم