قصـة وقصيـدة / الشاعر / فراج بن ريفـه القرقـاح مـع الذيـب ....!
هذه قصة الفارس / فراج بن ريفه القرقاح
وهو من قحطان من عبيده من قبيله الفهر من فخذ القراقحه
وقد حدث بينه وبين ربعه قتال .... وذلك عندما خاواه الذيب في طرقته وآمن من الذيب وامن الذيب منه ... وعندما عرف ان الذيب احب خوته ولم يقترب من ذلوله ... قام ابن ريفه بأطعام الذيب خلال طرقته حتى وصل الي ديار بني عمه وهي قد ذكرت في القصيده الا وهي ( طريب )
وعندما وصل جعل الذيب في غار قريب من مساكنهم لكي يتسني لابن ريفه بأكرامه .. وعندما رآوه جماعته فرحوا به لانه كان محبوباً عندهم غير انه كان فارساً لايشق له غبار
وعندما استعلموه ( وهذه عاده عندما يأتي المسافر من ديره ان يخبرهم بعلمه ) والمثل يقول ( ملح الرجال علومها )
وعندما أخبرهم بعلمه قال لهم معي خوي في ذاك الغار ولاتكرموني حتى تكرمونه .فقالوا له الله يحييك ويحييه قلطه علينا ليه تخليه في الغار فقال ضيفي اللي معي هو ( الذيب سرحان ) فقالوا له ماذا تقول قال لهم هذا ماتسمعونه فلما ادركوا انه صادق فيما قال قال له احدهم .هل فقدت عقلك . حنا نذبح الذيب لاياكل حلالنا وانت جايبه معك وتبينا نكرمه ونذبح له بعد والله اني لااروح أذبحه الحين وانت تشوف . فقال ابن ريفه هذا خوي ولاأحد منكم يتعرض له بسؤ فوالله اني لاذبحه . فقام احدهم وذهب الي الذيب وقتله . فسمع ابن ريفه عواه وادرك ان احدهم قد قتله . فدار القتال بينه وبينهم وقتل من قتل من جماعته ونجي بنفسه وتجلوى ( اي رحل بدون رجعه ) منهم وقال هذه القصيده التي ستقراؤنها كاملةً علماً بان اكثر الشعراء قد نسبها اليه ومنهم ( مخلد الذيابي العتيبي ) وغناها الفنان سمير الوادي منسوبةً للذيابي وهي الاغنيه التي تواكب مهرجان سباق الجنادريه قديماً كما تذكرون
قال أبن ريفه بدى فـي المرقـب العالـي=بأعلـي المراقيـب تـومـي بــه هبايبـهـا
ما يدهله كون صافـي الريـش والوالـي=ولا الـولـع يــوم يفـنـك فــي عجايـبـهـا
هيضنـي الرجـم وأنـا مــن اول سـالـي=لهـم علـى القلـب ديـران شطـيـت بـهـا
يـا مرقـب جـاك مـن الأمـطـار همـالـي=نصوب صيـف مـن المنشـي يهـل بهـا
لـهـم علـيـه أشــدوق الـثـفـن لا سـالــي=وعطفـة طريـب لـيـا زافــت جوانبـهـا
لـمـا غــدا الفـيـض كـنـه زرع عمـالـي=سيـلـه مـــن الـقــدم للبـطـنـان ناهـبـهـا
كــم مــرةٍ قــد نـزلـنـا عـشـبـه الـمـالـي=ببيـوت لامـن وزى المجـرم يلـوذ بـهـا
نـبـنــي بــيــوت بــعــراف وجـهـالــي=وأن جاء النذر من حفيف ما نرث هبها
بـعـوال مفـلـح وهـــم حـمـايـة الـتـالـي=يبـمـصـقـلات عـطـيـبــات ضـرايـبـهــا
صبيـان قومـي تـحـل المنـجـم الخـالـي=كـسـابــه الــمــدح حـمـايــة ركـايـبـهــا
ربعـي عبيـدة وأنـا مـن حربهـم جـالـي=هل صبحه في الضحى تشعى كسايبهـا
وأنشد عبيـدة هـل الطـالات مـن حالـي=وأنـشـد الاجانـيـب يــوم إنــا نقـاربـهـا
مـن هـو يقلـط عـلـى فــرش وفنجـالـي=سـعـدأبـن عــمــه لـيـاجـاتـه مـكـاربـهـا
لـمــا غــــدا بــيــن نــقــاض وفـتـالــ=يوصـفـوا ألاجانـيـب واذتــه بطلايـبـهـا
عديتهـم ثـم نسفـت أبهـم علـى الجـالـي=ينسـف الدلـي للمعـدي صــوب جاذبـهـا
فـأن كـان ربعـي نسونـي مانـي بغـالـي=بـاعـيـش فـــي ديـــرةٍ قـفــر جوانـبـهـا
عسـى هـل الشيـن مـا يبقـى لهـم تـالـي=وهــل سـلـوك الــردي يــارب تذهبـهـا
والـــي رفــيــع ولـلـشـطـات حـمـالــي=أرفــع نـواصـيـه يـــا ربـــي وقطـبـهـا
أنـا مـن الخبـرة الـلـي شـورهـم عـالـي=وامــا هــل البـخـل بـامـر الله نجنـبـهـا
يا راكب من على اللـي مشيهـا ارمالـي=مـأمـونــة يــرفــع الــهــلان غـاربـهــا
تزهى السفايف وتزهى الخرج وحبالي=ومجـرب لا سـري فـي الليـل صالبـهـا
حـي الطويلـة وحـي اللـي شراهـا لــي=مــن واحـــد جـابـهـا لـلـسـوق جالـبـهـا
شريتها في الدهر يـوم ارخـص الغالـي=بمـيـة وعشـريـن مــا يـمـهـل يغايـبـهـا
حـديـدهـا وأذكــــر الله كــنــه ريــالــي=كــن الحيـايـا تـطـوى فـــي مقاضـبـهـا
بـنــة غـراهــا زبــــاد عــنــد دلالــــي=يوالا طـمـوح هــواء الغـربـي يلاعبـهـا
لـي بـنـدق ماصنعـهـا الصـانـع التـالـي=مــن دقـــة الـمــرك نـحــال خشايـبـهـا
عطـو الطويلـه عريـب الجـد والخـالـي=وابـن الــردي لا تخلـونـه يــزول بـهـا
بـيـدي قــرار تـكـف الجـمـع لانـهـالـي=يطـويـلــةٍ نــاحــل مــقـــدم خـشـايـبـهـا
وأضـرب بهـا الوعـل لمـنـه تهـيـا لــي=أبـــو حـنـيـة كـبـيـر الـــراس شايـبـهـا
لا ثــار بـارودهـا الــي الـعـود مـتـالـي=مـنـهــا الـريـايــا مـقـطـعــة نـشـايـبـهـا
ضـربـت عـشـر بـهـا والـفـي مـامـالـي=يوالحـاديـه روحـــت تـثـلـغ مضـاربـهـا
واقـف مـع لابتـي اومـنـع بـهـا التـالـي=لا هــاب ولــد الــردي مـعـاد يزهـبـهـا
الـيـا لفـونـا مـــن المـقـنـاص زعـالــي=أحــد مــدح بنـدقـه وأحــد يـعـذر بـهــا
بشـرتـهـم بالعـشـامـن عـقــب مقـيـالـي=والقـايـدة مــن مــرد الـكـوع ضـاربـهـا
واسرح بها فـي السحـر مانيـب كسالـي=وكــم جـمـلـةٍ فـرقــت مـنـهـا ربايـبـهـا
يــا الله وأنــا طالـبـك حمـراهـو بـالــي=حمـراء مــن الجـيـش طـفـاح جنايبـهـا
لا روح الجيـش حاديـة اشهـب الـلالـي=ليـهـي تــروح وسـيـع صــدر راكـبـهـا
الـلـي عـلـى كـورهـا ولـــي بالحـبـالـي=واللـي عـلـى عيـزهـا والـلـي بغاربـهـا
لاروحـت مـع تخاتيـخ الـخـلا الخـالـي=كــن الـذيـابـة تـنـهـش مـــن جوانـبـهـا
فاستـغـفـر الله وحـــده فـوقـنــا عــالــي=حطـيـت فــي حـفــرة رزوا نصايـبـهـا
وســـــــــلامتكم ........
« آخـــر الـــمـــشـــاركــــات »
07-Jun-2007, 02:38 AM
قصـة وقصيـدة / الشاعر / فراج بن ريفـه القرقـاح مـع الذيـب ....!
العرض العادي
