انا طالبك لا يدرون قومي .... وانا طالك لا تدري عتابه

[الازوري]

يون الازوري من حر مابه =وبعض الناس سا لي ما درابه
وانا ماني بداري كيف صالح=ليا هالحين ما شقق ثيابه
يا راع الشوق لا تتعب يدينك=ترى ما كل دعوه مستجابه
فلا كنك تسير عند بيته=ولا كنك تنادي عند بابه
الا يا اصحابنا لدو علينا=اذا فيكم نبي فينا صحابه
ترى راع الهوى عزي لحاله=يون الليل من هم(ن) لجابه
تسمع لا تشكى في ضروسه=وتسمع لاتحكى حس نابه
يغني لا سمع حس الحمامه=ويقنب لا سمع حس الذيابه
حصل منكم جفا والود منا=وهذا شي لم نحسب حسابه
عطيتونا يا لين انا روينا=ورحتو لين ما شفنا السحابه
يقولون ان محسن في زمانه=عطوه البيض بالسيف ونصابه
واخافه لا يجي ما جا لمحسن=ويفقد من قبل شيبه شبابه
انا طالبك لا يدري عدوي=وانا طالبك لا تدري القرابه
وانا طالبك لا يدرون قومي=وانا طالبك لا تدري عتابه
اذا كانك تقول اتبع فوادي=فنا قبل امس قلبك بالنيابه
نهار إني معك معنى ومغنى=وساعة ما ليالينا تشابه
وهالحينه خذاك الكبر عني=وخليت المصوب في صوابه
غديت اليوم تعطي ما كهرنا=وتاخذ كل شي(ن) ودنا به
بعيد الشوق لو يبطي يعود=وراع الود لو يبكي ربابه
وذيب الليل لو يمسي حرامي=وديك الصبح لو أذّن جنابه
ترى هاذي نهاية ما كتبته=ولا والله مكثر فالكتابه
يا قلب(ن) يستوي لي واستوي له=يا درب(ن) لا يردك لي غيابه

[نايف الحميدي]

الازوري



ابدعت



صح لسااااااانك



قصيده رائعه








اخوك

التوقيع

[ابوبجاد الرويس]

مشكور اخوي ولاهنت

قصيدة رائعه وجزلة

وصح لسانكـ

[أبو زيد]

صح لسانك مليون .....

إبداع وجزالة....

تحياتي

[الشبـــح]

صح لسانك يالازوري

[ناصر الجلاه]

يغـنـي لا سـمـع حـــس الحـمـامـه=ويقـنـب لا سـمـع حـــس الـذيـابـه
حـصـل منـكـم جـفـا والـــود مـنــا=وهــذا شــي لــم نحـسـب حسـابـه
عطيتـونـا يـــا لـيــن انـــا رويـنــا=ورحتـو ليـن مــا شفـنـا السحـابـه
يقـولـون ان محـسـن فــي زمـانـه=عطـوه البيـض بالسيـف ونصـابـه
واخافـه لا يجـي مـا جــا لمحـسـن=ويفـقـد مــن قـبـل شيـبـه شـبـابـه

صح السانك ياصاااالح يالازوري

بيض الله وجهك على ماقلت يالذيب

وبصراحه ودي اشوفك فالمحاوره

وإن شاء الله لي انا وياك لقاااء

لاهنت تقبل مروري

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[أبو نجر النفيعي]

..

الازووووري ..

شاعر كبير .... كتبت فأبدعت ..

صح لساانك مليوووووووووووووووون ..

وننتظر جديدك ..

.

اخوك.

التوقيع

.....

[الازوري]

مليون صحت ابدانكم


ولا هانت روسكم


وشكرا لمروركم


العطر

جل

احترامي

[الفراهيدي]

صح السانك ياصاااالح يالازوري

بيض الله وجهك

التوقيع

AL-frahedi@hotmail.com

[زبن القاضي]

الازوري


لله درك ياشيخ