ماتحسون مرات بضيقة بالصدر مدتها دقايق وبعدها تروح!!

[احمد المقاطي]

بسم الله الرحمن الرحيم

السلام عليكم ورحمة الله وبركاته

يمكن بعضكم يحس بضيقة دقايق وبعدها تروح عنه

ويمكن بعضكم يسال منين جت هالضيقة وليش استمرت دقايق وراحت

ادري ان البعض يبي يعرف سبب هالضيقة المفاجئ

اخواني00 الشيطان يزين لكم المعصية بالشكل اللي تحبه النفوس لكن يوم تركبون الطائرة ويقول الطيار في خلل فني بالطائرة راح تحسون انكم كل هالفترة كنتم غافلين وتتذكرون المعصية اللي زينها الشيطان وتتحسرون وتقولون ياليت مافعلناها, تكرهون المعصية اللي حبيتوها ليش؟ لانكم عرفتوا حقيقة المعصية اللي كنتوا غافلين عنها وتضيق فيكم الدنيا بسبة هالمعصية

اخواني الضيقة اللي مدتها دقايق وتروح اصلها الحقيقي معصية عملتوها وهذي اثارها يمكن تكونون شايفين شي محرم او مسوين عمل حرام لان كل معصية تصاحبها ضيقة, وكل طاعة تصاحبها سعادة وجربوا لكن لو الانسان عصى ربه واسغفر كثير ماراح يحس ان شاء الله في هذه الضيقة لانه ندم عليها ولا استمر

تدرون لما تقعدون على فلم او مسلسل شنو راح تحسون بعد فترة؟ بضيقة تجيكم فجأة وتستغربون من هالضيقة المفاجأه اللي سببها الحقيقي معصية من فلم او مسلسل وغيرة وغيرة من المعاصي وتطلع اثارها بعد فترة على الانسان وتشوفون الانسان حاس بضيقة ومايدري شنو سبب هالضيقة, مايدري ان هالضيقة سببها الحقيقي معصية من فلم او مسلسل او معصية عملها ويمكن شخص يسال المسلسلات والافلام يسببون ضيقة؟ اجل منين جت الضيقات الا من الافلام والمسلسلات اللي اربع وعشرين ساعة شغاله بالتلفاز وين تبون يروح اثر هالافلام والمسلسلات ؟ اكيد اثرها على الانسان اللي يتابعها

اخواني اعملوا طاعات لله راح تحسون انكم مرتاحين في بيتكم وفي عملكم وفي نومكم وفي كل شي اذا راح ينام من يغمض عيونه يحس انه نام بسرعة وهو مرتاح

واللي يعمل معصية بعد فترة راح يحس بضيقة ولا يحس بالراحه بالبيت او في مكان العمل او عند النوم يقوم يتقلب ساعات لين تجيه غفوة وهذا كله من سبب المعصية

هذا شي من الله عز وجل جعل بالمعصية ضيقة, وجعل بالطاعة سعادة

اخواني عسى ربي يبعد عنا الضيقة والهم والحزن وصدقوني ان اللي طائع ربه حياته كلها سعادة وراحة بعكس اللي عايش بالمعاصي مايقعد يومين على بعضهم الا وهو متضايق او ماله خلق او نفسيته تعبانه يمكن يحس براحه يوم وباقي الاسبوع ضيقة وهم لكن المطيع حياته في استمرار راحه واخذوها من مجرب

اكرر يااخواني المعصية يصاحبها ضيقة, والطاعة يصاحبها سعادة

والسلام عليكم ورحمة الله وبركاته

[متعب العصيمي]

{ومن أعرض عن ذكري فإن له معيشة ضنكاً ونحشره يوم القيامة أعمى}

احمد المقاطي جزاك الله خير , والله يبعد عن كل حرام وما قرب أليه من قول وعمل..

ولك جزيل الشكر وفائق ألأحترام..

[زياد المغيري]

احمد المقاطي

سبحان الله

قبل المغررب تجيني ضيقه في صدري وتضيق بي الوسيعه

وبعد مااصلي المغرب الحمد لله احس براحه نفسيه

"الا بذكر الله تطمئن القلووب"

اذا همك كبر الجبال "تذكر ارحنا بها يابلااال"

الله يجزاك خيررر ويجعلها في موازين حسناتك

تقبل مروري

ويعطيك العافيه على موضوعك الطيب

[منصوورالعصيمي]

[size=4]جزاك الله خير

والله لو اني مراقب ثبت المووضووع[/size]

[فهد النفيعي]

جزاك الله خير يا لذيب لاهنت موضوع يستحق التثبيت

[سعيد الزهراني]

جزاك الله خير الجزاء

[ابوبجاد الرويس]

مشكور اخوي احمد المقاطي

وجزاك الله خير

[احمد المقاطي]

اللة يعافيكم وجزاكم اللة الف خير على المرور الكريم
اللة لا يحرمنا منكم
تحياااتي

[مدسم الشوارب]

جزاك الله خير يا احمد المقاطي لاهنت

[أبو جواد]

الحمد لله رب العالمين والصلاة والسلام على الهادي الأمين نبينا محمد وعلى أله وصحبة أجمعين وبعد أشكر من طرح هذا الموضوع الهام وأسأل الله الأ بحرمه الأجر وجميع من تفاعل .
أحبتي من أراد البعد عن الهموم والغموم فعليه ملازمة كتاب الحي القيوم قرأة وتدبر وخشوع وعمل أما عن ضيقة الصدر والهموم فقد سئل الإمام أحمد ين حنبل رحمة الله قال له ولده ياأبتي متى الراحة قال عند أول قدم نضعها في الجنة .
أما الدنيا فلى راحة طبعت على كدرا وأنت تريدها @@@@ صفوا من الأقدار والأكداري
وإذا أردت أن ينشرح صدرك فاصنع في كا أحد وقف بين يديك ماتحب أن يصنعه الله بك إذا وقفت بين يديه ففعل المعروف وبذل الجميل من أسباب إتشراح الصدر وأعظم ما يضيق الصدر هي المعاصي
فلنعمل ولنطبق مانقول لأن القول بلى عمل كمثل القائل

عجوزا تمنت أن تكون صبية ..... وقد نحل الجنبان وأحدودب الظهلر
فصارت إلى العطار تبغي شبابها ..... وهل يصلح العطار ماأفسد الدهر
هذا ماكان لدى أخوكم الفقير إلى عفو ربه أبو جواد فإن كان من صواب فمن الله وحدة وإن كان من خطأ من نفسي والشيطلن والله ورسولة منه بريئان
والسلام عليكم ورحمة الله وبركاته