اعوذ بك يارب من فقرٍ ودين

[مخلف الهقاوي]

السلام عليكم

اخواني اعضاء المنتدى اضع بين ايديكم هذه الابيات واتمنى ان تحوز على رضاكم:

اعوذ بك يارب من فقرٍ ودين=فقر دِيْن ودين الافعال الرديّه
واعوذ بك يارب من جور السنين=واعوذ بك من زلةٍ تِحْسَب عليّه
يالله تغفر ماانستر عن كل عين=اغفــر لعبدٍ تايهٍ نفسـه شقيّـه
يلعب به ابليس اللعين ابن اللعين=لين يارد به على حوض الخطيّه
يارب عفــوك يامعين الصابـرين=طالبك رحمـة مااتجاوز والديّه
وطالبك ياناصــر المستضعفـين=يالواحـد المعبــود يارب البريّــه
طالبك حشرٍ بدرب الصالحين=ونفســي تثبّتهـا ليا جات المنيّـه
ليا احفرو قبري واقفو رايحين=اهلــي وخلانـي وربعــي والبقيّـه
مايجملنـــي سوا الحبل المتين=دينــي واخلاقي وماتحصد يديّه

[السميــــــري]

مخلف الهقاوي . .
صح لسانك والله يعطيك العافية ..
على القصيدة ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[ابوبجاد الرويس]

مخلف الهقاوي

لاهنت على القصيدة

وصــــــح لــســـــــانـكــ

[مخلف الهقاوي]

اخواني السميري+ابو بجاد لاهنتو وصحت ابدانكم مشكورين على المرور