سلطان المنصوري وزبن القاضي

[عبد الله الحليفي]

زبن القاضي
يامرحبا ترحيبة ٍ سيسانها صلـب الحديـد
امجـوده ومثبتـه بالبنـي والسيسانيـه

اكيد ياسلطان وقت ٍ فات مايمكـن يعيـد
لو تجمعون اهل القرى والحضر والبدوانيه


سلطان المنصوري
دام البقاء ياللي ترحب بالقريب وبالبعيـد
انته من عتيبة وانا واحد مـن العتبانيـة

قام الزمن يحصد ذوي ثعلي ويفعل مايريد
والناس تفرح لو يثور الملـح والدخانيـة


زبن القاضي
اغليك ياسلطان ولياشفت وجهك يوم عيد
النصر في وجه العتيبي من على الجدانيه

لاتجهل ان الموت ياسلطان في حبل الوريد
لو ماتموت الناس يمديكم مـع العربانيـه


سلطان المنصوري
انته تقدرني وانا اقدرك يالسيف الحديد
والغالية في سوقها يرجح بها الميزانية

ماعاد باقي غير يوم وحرب يطرون الشديد
اما بعلم الطيب ولا بالعلوم الثانية


زبن القاضي
الله يفعل يالعتيبـي مايشـاه ومايريـد
وترى الذهب يابن الثبيتي مايجي مجانيه

العلم واضح وانت تفهم مانت رجال ٍ بليد
ديرة ثبيت السيل مالك ملك في عسفانيه


سلطان المنصوري
البارحة جتني رسالة مع مناديب البريد
بغيت اقطعها لكني قلت يارحمانية

السيل ديرتنا وشيمتنا تقل هل من مزيد
وان دبر الله لاطرحك يالطير ابو جنحانية


زبن القاضي
البارح الجندي عصاء عيا يطيع امـر العقيـد
واليـوم جـازاه العميـد الظهـر فالميدانيـه

انا ادري ان السيل دارك من على وقت الرشيد
وان خيلت تزبـن اطـول ضلـع فالضلعانيـه


سلطان المنصوري
نويت اجامل مع حمد حشمتك ياعبدالحميد
اخاف تحدى حبة البندق عن النيشانية

ان خيلت ولا امطرت ماهمنا الليل البريد
عندي عباة(ن) يابن ثعلي تدفي البردانية


زبن القاضي
قبل لاشوف حسابكم فالبنك احسب الكم رصيد
مار الرصيد اللي لقيتـه ماخلـص الديانيـه

البرد سمي برد مار العلـم فاليـوم الشديـد
اللي يخـل ام الصغـار تضيـع الورعانيـه


سلطان المنصوري
المشكلة لاصار جاري لايبات ولايهيد
وجوب اقصه بالاثر ياذيب ياسرحانية

الاولة ثارت عيل .. والثانية في ام العبيد
ان جات بالمركاز ولا من على الذرعانية

[مرزوق حمدان العتيبي]

...
.
صح لسان زبن
وصح لسان سلطان ...
محاورة كبار .... والله لايهينك ياعبد الله ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الشمالي الغربي]

زبن القاضي وسلطان المنصوري

محاورة كبار .. فتل ونقض



صحة السنتكم ولاهنتوا


خالص الشكر لك يالحليفي على النقل

[زبن القاضي]

ابو فهد


سلمت يمينك

[رجـم النـايـف المطيري]

صح لسان الشاعرين
وتحياتي لكم
وشكرا

[غازي غالب]

صح لسان الشاعرين ..

ولاهنت ياعبدالله ..

تحياااااتي لك

التوقيع

انته مزاجك خواً بالراس = وانا مزاجي يبا الهمجه

[سلطان الخديدي]

لا هنت يا عبدالله

وصح السان الثبيتي سلطان ملاااايين

وصح السان زبن ملااايين

[فـــايز الثبيتي]

بسم الله الرحمن الرحيم
لعلها تكون اول مشاركه لي في المنتدى وفاتحة خير للمشاركات انشاء الله

اما عن المحاوره فهي بلا شك محاورة كبار

وصح السان العتبان

تحياتي فــــايز الثبيتي

[صقر البهيته]

صح السنتكم وبيض الله اوجيهكم


اخوكم شجاع الثبيتي