 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
26-Apr-2007, 02:49 PM
|
رقم المشاركة : 1 | |||||
|
إذا عندك مقف طريف او غريب سجله
السلام عليكم
بودي في هذه المشاركة ان نسجل مواقفنا الطريف او الغريبة او المحرجة بكل عفوية وبدون تكلف وكانا نسولف من المواقف الطريفة في يوم من الأيام كنت في احد ألأسواق الكبيرة وهو كارفور وكان يومها زحمة يعني كل المحاسبين عندهم زحمة اللا محاسب ما كان عنده احد ورحت بعربيتي عنده ويوم وقفت عنده اكتشفت انه خاص بذوي الأحتياجات الخاصة اشرت له بيدي يعني ممكن احاسب هنا اشر بيده يعني تعال وبعد ما بديت احط الأغراض على السير اشر بيد يقول لي ترا مافيه شبكة وكأنه يكلم ابكم وقتها اكتشفت انه يحسبني ابكم قلت في بالي العب الدور ياولد وش دراه اني ماني ابكم اشرت بيدي يعني عندي كاش وبعدها بقليل دق الجوال حقي طالع في وقال ابكم ومعك جوال قلت انا ماكنت اقصد اني اضحك عليك يوم اشرت لك فالبداية لكنك فهمت غلط ويوم شفتك تحسبني ابكم قلت خلني امشيها عليه ضحك وقال بس بصراحة ملعوبة لو ما الجوال وسلامتكم |
|||||
|
|
|
|
|
|
|
|
|
|
26-Apr-2007, 05:55 PM
|
رقم المشاركة : 2 | |||||
|
اسمع
مساكم الله بالخير..
على طاري الأبكم واحد من الجماعة فالدوادمي... يموت فالضبان.. وفيه ضب مصيبة وراء خيمة بدوي شايب بكيلو.. ولازم يمر على ذا الشايب لاراح للضب..والشايب عنده تغريز.. ودايماً يمر من عند الشايب يمشي طابلون الموتر علشان ما يغرز.. وييغبر على الشايب..ويجفل البل والغنم.. والشايب يلعن ويطالب.. وكل يوم على ذي الحاله..وأزرى يصيد الضب.. ومره جاء وغرز عند الشايب.. وماصدق الشايب أنه يمسكه.. وجاك الشايب بالمشعاب..ومعه صبيه السوداني.. يقول جابك الله ياالحصني...  خوينا قال.. أأأأ مأ أأأو أي...( سوى نفسه أطرم ) قال السوداني: ياعمي الزول أبكم.. قال الشايب جعلك بالذهاب اللي يذهبك..دبلت تسبودنا...ويطالب..  خوينا قام يرفع يدينه للسماء يدعي..أأأأمممأ... المهم قام الصبي والشايب..يحفرون للموتر..  وخوينا متكي تحت طلحه يطالع فيهم..وشوي يأشر بيدينه..!!  يبى ماء..وجابله الزول ماء.. ثم وقف على روسهم ويشر أحفر منا وبرح منا بيدينه.. وكل ماقاله الشايب أحفر..رفع خوينا يدينه للسماء يدعي..  المهم.. ويحفرون الشايب والزول ويحفرون لين أظهروا الموتر.. ويجيك خوينا ويركب موتره.. وشغل.. ثم قال((( بيض الله وجهيكم ماقصرتوا..أتعبانكم معنا )))  ويحط رجله.. والشايب..  والزول..: وسلامتكم.. طولنا عليكم.. تقبلوا مروري..: أخوكم..: عتـــ بلجيك ـــيبة |
|||||
|
|
|
|
|
|
|
|
|
|
|
27-Apr-2007, 12:47 AM
|
رقم المشاركة : 3 | |||||
|
السلام عليكم
من المواقف المحرجه التي حصلت لي وانا في الثانوية احد الزملاء سحب الكرسي من تحتي وطحت قلت له مردودة لك انشاء الله والله ما اخليها تروح وفي يوم من الآيام وانا ماشي علي رجلي في سوق الطائف ولا اشوف الا هذا خويي ابو الزمل يمشي قدامي وبشويش اختل الين قربت منه واعطيه ذاك الكف علي العلبا ويوم التفت والاماهو خويي دورني في ذيك اللحظة ما تلقاني وامسك الرجال وهو يطالع فيّ منبهر واعلّمه القصة واعتذر منه قال والله يا خوي اني شفت الشرار تطاير من عيوني لكن روح الله يسامحك |
|||||
|
|
|
|
|
|
|
|
|
|
|
27-Apr-2007, 01:11 AM
|
رقم المشاركة : 4 | |||||
|
الله يقطع سوالفك يا بلجيك هذا والله اللي ضحك على الشايب وصبيه
|
|||||
|
|
|
|
|
|
|
|
|
|
|
27-Apr-2007, 03:14 AM
|
رقم المشاركة : 5 | |||||
|
يازينها من سوالف
والله ان كني جالس معكم واسمع سوالفكم |
|||||
|
|
|
|
|
|
|
|
|
|
|
27-Apr-2007, 06:52 AM
|
رقم المشاركة : 6 | |||||
|
اخا هوازن ترا المنتيات مثل مجالس الرجال وخاصة اذا كان منتدي قبيلتك وكل اللي فيه ربعك
|
|||||
|
|
|
|
|
|
|
|
|
|
|
27-Apr-2007, 11:05 AM
|
رقم المشاركة : 7 | |||||
|
صدقت يابو راكان
انا سبق وشاركت في بعض المنتديات مثل هالمنتدى مالقيت وهذي ماهي عنصرية يمكن شعور الواحد ان كل اللي فيه مثل ما قلت من ربعك يخليه يشعر ان هالمنتدى احسن منتدى |
|||||
|
|
|
|
|
|
|
|
|
|
|
27-Apr-2007, 02:25 PM
|
رقم المشاركة : 8 | |||||
|
موقف طريف اخا هوازن وتصرف جيد اهنيك على سرعت البديهه
|
|||||
|
|
|
|
|
|
|
|
|
|
|
28-Apr-2007, 12:28 AM
|
رقم المشاركة : 10 | |||||
|
مشكور يارفيق الدرب
اتحفنا بموقف اكيد عندك موقف طريف او غريب او محرج حتى لو لغيرك |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
