التمثال // للشاعر حامد زيد العتيبي - الهيـــــــــــــلا *** منتدى قبيلة عتيبة

motlak · 15-Jun-2003, 02:27 PM

[poet font="Arial,4,black,normal,normal" bkcolor="skyblue" bkimage="backgrounds/11.gif" border="outset,3,burlywood" type=3 line=350% align=center use=sp length=0 char="" num="0,black" filter=""]
عفا الله عن خطا غدر الخناجر والضلوع iiابطال
بسامح واتركك تحت الظلام الحالك iiلحالك
دخيلك وفر دموعك ترى هدر الدموع اذلال
وترى ما فيه احد يصبر مثل صبري iiبغربالك
انا عيب علي أنقض كلامي والرجال iiافعال
واذا قلت اقطع احبالك تراني بقطع iiحبالك
عشان اكسب هدب عينك تجرعت العذاب iiاشكال
وليتك ترأف بحالي علشان ارأف iiبحالك
مسوي في حياتي شي ما يذكر ولا iiينقال
حشا حتى العدو وهو العدو ما يعمل اعمالك
تمسيني على الهم وتصبحني على iiالغربال
تقلطني فناجيلك وتقصر عني iiدلالك
تحملت التعب لجلك وانا حملي يهد iiجبال
رحلت من العذاب وما وقفت الا على iiجالك
علامك كل ما جيك متواضع جيتني تختال؟
معاك اليا متي بصبر وصبري معك iiيحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى iiلك
أنا محدن بجابرني أساير معك iiهالمنوال
ترى لاني تبيع لك ولا ني باصغر iiعيالك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى iiلك
أنا جيت بظما عاشق تعب يطرد سراب iiاللال
أنا جيت استفز رضاك من فرقاك والجا iiلك
أنا ما همت بك عاقل أنا كنت اعشقك iiبخبال
أنا ما كنت احبك حي أنا كنت اعشقك iiهالك
تخيل من كثر ما اخاف تلقى للزعل iiمدخال
أخاف اخطي على طيفك وادوس برجلي iiظلالك
تبعتك والعرب تتبع رعود البارق iiالهمال
وانا شفت المطر يتبعك في حلك iiوترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك iiواقبالك
أبي قلبك يحس انه فقد بمحبته iiرجال
ملكته من هدب عين وخسرت رضاه iiباهمالك
صحيح ان الفراق اقسى ولكن الوصال iiمحال
أنا صعبن علي أرضي غرورك واضعف iiقبالك
بعد ما حققت عيني فبعدك للرقاد iiامال
أعود للسهر؟ -- يا خوي فال الله ولا iiفالك!
ببدل نظرتك فيني واجي لك كل يوم iiبحال
بكون اقرب من ثيابك عليك ولا تهيا iiلك
بالمك وانثرك واجمعك وارجع وانثرك iiباهمال
بخونك وازعلك وارضيك وازعل منك وارضى iiلك
أبرسم بالثرى وجهك وابدفن صورتك برمال
أبشكي للعرب فرقاك واضحك عند iiعذالك
أبهديك الوصال فراق واهديك الفراق وصال
بسوي مثل ما شوفك تسوي وافعل iiافعالك
عشان تعرف من فينا الزعول ومن وسيع iiالبال
أبيك تذوق فنجالي وانا بذوق iiفنجالك
نصيحة واحتفظ فيها قصر معك الزمن أو iiطال
أبي تسمع كلامي زين وتحطه على بالك
اذا حبك هبال اطفال لك عندي هبال iiاطفال
ولا --- وابشر بعد بهبال حب ما هو iiبهبالك
واذا قصدك تهين اسمي عشان تشمت iiالعذال
ترى لا انته ولا غيرك --- ولا عشرة من اشكالك

[/poet]

الحر الأشقر · 18-Jun-2003, 11:15 AM

لا هنت ومشكور على إختيار القصيدة الجزلة
وكما إعتدناك جزل وتحب الجزل
والله لا يهينك

ابو وعيل · 19-Jun-2003, 03:42 AM

اختيار رائع لشاعر متميز

لاهنت اخوي motlak

تحياتي

((الدلبحي)) · 19-Jun-2003, 06:28 PM

motlak
اخوي يعطيك العافيه على القصيده الرائعه والجميله وسلمت يمناك وصح السان الشاعر حامد زيد
اخوي الشاعر حامد زيد ماهوب اعتيبي
عازمي من عوازم الكويت
تقبل تحياتي