كبييييييييييييييييييييييير يا يوســــــــــــــــــــــــــف

[ذيب جمران]

قصيدة كتبتها في ( شاعر الأمة ) .. بعد الحلقة الغريبة .

تقبلوها...

كبير يا يوسف وقدرك مثل ميقافك كبير
================ بالله .. لا يشحنك تفريط العرب وافراطها

إن شفت خير ابشر بخير .. إن شفت شرّ ابشر بخير
================= كم هجمةٍ حسنا مخططها وتم احباطها

وليا وصل حد التلاعب بالامانه والضمير
================= ماننزل لمسرح دنائتها وقبح اوساطها

من فجّر الذمه بكلمة زور ومجامل أمير
=============== = ما ينفعه يوم القيامة ضحكها وهياطها

من عاد يوفي في الإدارة دام خاينها المدير
================ خلاص ملينا من ارياها وكثر خراطها

حسبك من الدعوى شرف .. وأنته شريف وهو حقير
================= تفدى مواطيك الخبول اللي تعدّ نقاطها

والله ما زدنا بك الا حب ( يالبحر الغزير )
================ يوم انها حدت مشارطها وشاط شياطها

خبير يا يوسف ولا تبغى شهادة من خبير
=============== كهرب قصيدتك الاخيرة شب فيهم واطها

نجمك سطع بين النجوم وصرت بالشهره جدير
============== فكرك حوى ذرب العلوم وصاغها واحاطها

خلك على دربك وحنا معك للخط الاخير
================ قدام لا تستكمل الساعة جميع اشراطها

وسلامتكم