مصـافحـة / يـوسف العصـيمي

[عـايض النفيـعي]

بسم الله الرحمـن الرحــيم
أخـواني أخـواتي السلام عليكم ورحمـة الله وبركـاته

وأسعد الله جميع أوقاتكم بكـل خير ...

فالبدايه أتمنى أن تكــون مشاركتي الاولى ومصـآفحتي لكم أن تكـون بحجـم ذائقتكم

يشرّفني ويسعـدني أن تكـون أن أكون بينكم في هذا الصرح

أنـا فالحقيقه سعـيد أن تكون مشاركتي الاولـى المتواضعه فـي مـؤازرة ابن القبيله الشاعر / يوسف العصيمي

ولو أنـّه يستحق أكثر وهذا واجب علينا تجـاهه وأقول له الله يوفـقك ويبلّغك المراد ..

مـاودّي أطيل عليكم أترككم مع القصيده وسامحتوني على القصور والتـأخير تمنّيت أنها تكون بوقتها لكن

تفعيل الحساب تو وصل والجايات أكثر .. القصيده قلتها عندمـا هـاضني الحفل الذي أقيم مساء السبت
وذلك في أستراحة الرشد فـ الريـاض .. أتمنـى أن تحـوز على رضـاك

ذبـّاحة الحيل سقف المجـد وعــروشه = متربّعـين علاهـا مـال أحد طـلبه
لطـّامة العيّل اليـا حمـيــة الهــوشـه = الخبل منـّا عقيد القـوم يبحـل به
نـارد على المـوت مثل العـد وطروشـه = الدلـو فـ البير والغـرّاف نـزّل به
الحـرب طبلـه سوات الدّف فـ الكـوشـه = ياحـي هـ الطبل واللي جـا يطبّل به
لـو المنـايا تحتنـا فرش مفـروشـه = أنليـّن أسهـومــها بـ أقدامنـا الصلبـه
كـن الصبـا من يد القصـّاف مرشـوشه = مسـك(ن) وكـادي لـ شافتنـا تجمـّل به
نضرب بكـف تقـضّ بلير مـع بوشـه = كـف ٍ حديد ٍ وكـف الطيب كـبّل به
عدوّنـا يطصفق ويضـيع فالطـوشـه = ويمـوت ميتة حـرج لو هـو مقبّل بـه
أسيـوفنـا مـن خضـاب الدّم منقــوشه = تخضيب عذرا ً تفـّل الراس فـ الحلبـه
عذرا ً تسوق الحـلا لا والله أتحــوشه = وتحـوش قـدّامها العـاشق وتنكـل بـه
واصحيبـنا لـو يهمـّل ضينـه وبـوشه = لـو مـامعه غـير مشـعابه .. يا قـو قلبـه
القـوم عنـده مـاهي لاقيـة ٍ أمعــوشه = عقب أنـّها العـام ضـاريـة ٍ على سلبـه
اللي يصـاحب عتيبـه مـ أحـد ٍ ينـوشـه = واللي يعـادي عتيبـه ويش تفعـل بـه ؟؟
مـاتكـحله بس واللا تنتـف أرمـوشــه = اللا تخـلّي عيـونـه للكـحل علبــه
الراش شوّش وشـاش ووقفـت الشـوشه = وعمـامتـي سلبة ٍ من داب مـنسـلبـه
ممـا رأيته مـساء البـارح يادنـدوشـه = يازين خبـط اللبّـيد وصلبتـي صـلبـه
أسـري وأصـابح رجـوم العـز وحشـوشه = وأضـوي ولا أضـوّي الآيـات منقلبـه
مـن محـفل ٍ منـه كـل الخلق مدهــوشـه = ذكـر الحمـيّا ذكـر عـابد يهـلّل بـه
كـل(ن) مـن أجيوب ثـوبه ينطـل أقروشـه = إلـ شـاعر ٍ كفـو والهيـلا تمـثـّل به
اللي جـلب سلعـة ٍ مـاهي بـ مغشـوشـه = لـو قيل مـاقيل جـلبه مـامثل جلبـه
مـاهي بـ لوّل زبـون يســوم مقروشـه = يوم أن سـوّمهـا لعـّـاب مـن خلــبه
خلبـه زعمهـم كـرافتـّه وطـربـوشـه = فـي ذمـّته قـال ياربّ البشـر قل بـه
ماندفـن الحقـد والصمـلان مفشــوشه = أصدورنـا أوسـع مـن الصمّان مع صلبـه
نقـرى الفلـق والمدنـبش فـكّ دنـبوشـه = لو أن سحـره ظفـاري دق ّ مع حـلبـه
الضـلع وأرقـه يـايوسف تلبـد أوحـوشه = وش عـاد ريـع ٍ ربـض فـي مفرقـه كـلبـه
واللّـي تلـّف الزقـاره بينـهم مــوشـه = عنـدي لهـم عـلم وأنـا اللي مـوكّل بـه
( حـاذور شلفـا شبيب وحـافر أكروشـه ) = أن مـات مـا مات شيخ ٍ عزوتي صلبـه

أخــوكم / عايـض النفيعـي

[قــ الباس ــوي]

هلا الف هلا باخوي عايض النفيعي

بين اهلك وربعك وعزوتك ومجدك

قصيدتك قمــــــة يا عايض
عزالله انك شاعر من جد

ما اقدر اقول الا صح لسانك يا الذيب

تقبل تحيات

اخوك

قــ الباس ــوي

[عـايض النفيـعي]

أخــوي // قــوي البــاس .. الـك البقــى ياطــويل العمــر

لاهنت على مــرورك الكــريم .. وشـهــاده أعتــز فيهـا

وعــسى الله يقدّرني أنــّي أكــون عنـد حسن الظــن

تقبــّل تحيّات وسلام أخــوك // عـايض

[فارس من الفريس]

ورحبا ومسهلا صح لسانك

المصافح لخذينا اللقب شدو الحيل والتصويت دبلات دبلات تكفون يالهيلا

[ابن نميان]

ذبّاحة الحيل سقف المجد وعروشـه
.........................متربّعين علاهـا مـال أحـد طلبـه
لطّامة العيّـل اليـا حميـة الهوشـه
.........................الخبل منّا عقيـد القـوم يبحـل بـه


ونعم والله بـ عايض


صح لسانك جزل ولا تجيب غير الجزله


مودتي

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[نمر العتيبي]

مرحبا فيك بين ربعك وبني عمك وبيض الله وجهك على القصيده الرائعه

ذبّاحة الحيل سقف المجد وعروشـه
متربّعين علاهـا مـال أحـد طلبـه
لطّامة العيّـل اليـا حميـة الهوشـه
الخبل منّا عقيـد القـوم يبحـل بـه

مع اطيب تحياااااتي لك

[الوليد الاسعدي]

صح والف صح للسانك ... قصيده من فولاذ .
هل تسمح فقد اضفتها مع ملاحم هوازن .

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها

[العيافي@الذيابي]

السلام عليكم ورحمة الله وبركاته



صـــــــــــــــــــــــــــــــــــــــــــــــــ ح

لســــــــــــــــــــــــــــــــــــــــانك




ودمتم سالمين

[مشل]

يامرحبا يالنفيعي عدد ما أطاحت يمنا شبيب من الاعداء
وصح اللسانك على القصيدة التي نحتت من صخر

[كيـــ عصيمي ـفي]

بيض الله وجهك يا بن العم وصح الله لسانك

لاعدمناك يالغالي