بصراحه هذه أفضل قصيده قريتها وتستاهل أنها تكتب بحروف من ذهب لأنها جسدت شخصيت الرجل البدوي الأصيل ومن جاهه ثانيه جسد شخصيت من كان همه الوحيد هو جمع المال وبين الفرق بينهما و أعتمد علي ذكر حكم و أمثال غايه في البلاغه والجمال.
القصيده للشاعر الأمير/ محمد بن أحمد السديري.
( ماراح أطول عليكم أخليكم مع القصيده ) و أتمنا التعليق عليها( و أنا أنصحكم بقراءت ديوانه بعنوان ( ما قبل الأخير )الطبعه الخامسه1417هـ-1996م ) بصراحه ديوان ناجح
إن صار زود المال بيدين الأنذال=حنا من المعروف تندا يدينا
وإن كانهم شرهو علي طيب الأفعال=حنا وردنا جمامها و أرتوينا
وإن فكرو للجود يمشون رحال= حنا قبل يمشون يمه خطينا
ياما لبسنا للشرف كل سربال=وعلي البسيطه للفضيله مشينا
في دوحة العربان لنا مجد و ضلال=وحنا علي در المكارم غذينا
لو نجمع اللي فات منا من المال=إن كان شيدنا القصور وبنينا
نعطي ولا نتبع عطانا بالأقوال=ونبذل ونسكت كننا ماعطينا
وإن باعو الشيمه بدينار وريال=حنا دخلنا سوقها و أشترينا
نطلع لها لوهي علي روس الأقذال=لوهو عسيرٍ دربها مانثنينا
بأفعالنا نرسم دروب للأجيال=إلى نساها غيرنا ما نسينا
أسود سادات تسجل للأشبال=فضايل شمنا لها واهتدينا
بيضٍ نسجلهن جديدات وسمال=حفايظٍ لاحفادنا اللأحقينا
نصبر علي الشدات لوشيلنا مال=لوسال دم ادفوفنا ما شكينا
نخاف يلقى سدنا كل ختال=ويبني هزيلات المعاني علينا
الليل ياخالد علي والدك طال=وهنيت ناس بالكرا نايمينا
ياعز راسي شفت ما خبث البال=شئٍ يهوّل شيب الجاهلينا
شئٍ من أسبابه يشيب بالأطفال=فطر خشوم مهجرعات الحنينا
ادير قالات عريضات واطوال=قالات خلّن المخفىّ يبينا
منهن رزين العقل بالوقت يهتال=بوقتٍ عبوس فطّن الغافلينا
وقتٍ من أسبابه شكا كل ريبال=نصبر ونسكت كننا غايبينا
الناس بالأيام راحل ونزّال=وتفجعهم الدنيا وهم دالهينا
وحيات ربٍ نزّل أيات الأنفال=عالم خفايا نية الحاقدينا
ما أترك طريق العدل في كل الأحوال=لو يرحل المريخ للفرقدينا
« آخـــر الـــمـــشـــاركــــات »
13-Mar-2007, 01:43 PM
إقراء أفضل قصيده علي الإطلاق
العرض العادي
