يالحر جمهورك ماهو بأي جمهور = مايتبع الفنان والا مع الكوره
جمهور عز وبالصعيبات مخبور = والسيل جارف مير غير حدوره
اخلف هقاوي لجنة الخبث والجور = وبان الخلل فيهم وبانت أموره
واليوم عادوا بدور وجابولهم دور = يبون صفعه من اليمين الجسوره
وحنا لها من غير راي ولاشور = بلطمة العايل ويمن(ن) غدوره
تضحك ياتركي وضحكتك ضحك مقهور = يالحيه بحفن التراب مغبوره
ودكتور ما والله وجهك بدكتور = مدهون سيرك والامور مخبوره
حل الظلام بغيبة الحق والنور = الستر طار وعورة الظلم عوره
والحره اللي صوبوها بناضور = بتاصل هدفها دورة بعد دوره
حره تغير معلم لكل طابور = الله خلقها للشدايد صبوره
يوسف بجنبك من بها الطيب مخبور = وقف بوجه السيل واخلف حدوره
يالحر جمهورك ماهو بأي جمهور = مايتبع الفنان والا مع الكوره
« آخـــر الـــمـــشـــاركــــات »
قصيده موجهه للأعضاء والزوار
العرض الشجري