شاعر المليون وعتيبه

[نواف البرقاوي]

السلام عليكم ورحمة الله وبركاته

انا ادري ان المواضيع بالنسبه لشاعر المليون كثرت لكن كتبت
هالموضوع بسب الحميه لقبيلتي عتيبه وشعرائها فعتيبه تعتبر
من اكثر القبائل اهتمام بالشعر قديما وحديثا وشعرائها يعتبرون
من الصف الاول فالشعر بالنسبه لعتيبه يعتبر القلب النابض
يقول الشاعر جابر الغبيوي من قصيده له:
الشعر جسم وحنا في قلبه عروق
كل حرف روقي وكل طاروق برقاء


وقول الشاعر الكبير حبيب العازمي في محاوره له:

بدون مجامله والله يلولا ثم للا العتبان
ليصير الشعر مثل الهندي الي يقلب نعاله

وشعراء عتيبه في شاعر المليون ماقصروا ويعطيهم العافيه لكن اللي نبيه
هو ماتبقى منهم هو الشاعر / يوسف العصيمي فيجب ان نشد الهمه للتصويت ومضاعفته
ويكون عن طريق الرسائل افضل لان بعض الاخوان من القبائل الاخرى صوتوا عن طريق
الهاتف ومافاد شي ايام المنافسه بين يوسف العصيمي وابن ساقان وابن سرور
وعتيبه وفت عن طريق الرسائل وفازت

وارجع واقول باذن الله شاعر المليون عتيبي بفضل الله ثم بالتصويت

والسلام ورحمة الله وبركاته