قصيدة الشاعر فيصل السواط بعد خروجه من المليون

[نواف نايف]

يـا لاهـب الجمـرة علـى الغليـون=مـاعـاد عـيـنـي تـقـبـل الـدخــان
خل الوجع وسـط الحشـا مكنـون=واسـوق فنجالـه مــن الـرسـلان
ويميل من نخـل الحسـا عرجـون=يطعـم حـلا تمـره نظـيـف لـسـان
يميّـز اهـل ( التيـن والزيتـون )=الـتـيـن والـزيـتــون والــرمــان
ولا الحسـودي يعـصـر الليـمـون=عـلـى حـشـاه ويـعـزم الشيـطـان
والوقـت لا صاحـي ولا مجـنـون=والتجـربـه تثـبـت لــك البـرهـان
والنـاس لــو يــدرون مـايـدرون=والبحـر فيـه القـرش والمرجـان
والله يخـلّـي (شـاعـر الملـيـون)=ورّانــي الاصـحــاب والـعــدوان
صارت عيوني عن ثمان عيـون=واحقّ مـا يخفـى ورى الجـدران
عـن البضـاعـه قيـمـة العـربـون=وعــن الكـتـاب يكـفّـي العـنـوان
واثر اختلاف الشكل والمضمـون=مثـل اختـلاف الطـعـم فالريـحـان
كم من جبل شامـخ طلـع كرتـون=وكم من رجـل فـارغ طلـع مليـان
وكم من قريب ابعد من الجابـون=وكم من بعيد اقرب من الشريـان
مــا فـــرّق الأمـيــن والـمـأمـون=مـع انهـم يااهـل العقـول أخـوان
الا لظـا الغيـره وحــرب الـهـون=وراسٍ رمـاه الــزود فالنقـصـان
عـزاي وقفـة سيـفـي المسـنـون=اهــل الحـمـيّـا ربـعــي العـتـبـان
والـيـا بــدا فالـمـاقـف الـدنــدون=وش حاجتي فـي طقّـة الورعـان
شاعر ولي بين السحـاب لحـون=يسجع بها القمري وهـو طربـان
مااقول مثـل الشيـخ ابـن لعبـون=ولاْ احسن امن الرمز ابن جدلان
لـكـنّ كــلٍ فـــي جـمــاه سـنــون=وكـلٍ عـلـى بـحـر الفـكـر ربّــان
ماضرّ ابن حمديس ابـن زيـدون=ولاْ الغـى ولـد سينـا ولـد حـيّـان
يكفي شهاده من صليـب الشـون=مستور ابن تركـي رفيـع الشـان
لحيـه تفـرّق بـيـن لــون ولــون=ماهيـب لحـيـة صاحـبـي غـسّـان
والـحـمـد لله رب هـــذا الــكــون=والشـاهـد الله مـانـي بـخـسـران
اطلقت من سجن الشقا مسجـون=وزرعـت بقلـوب العـرب بستـان
وفرشت فالقمرا سُفـر وصحـون=علـى شـرف حلـم وطمـوحٍ كـان
مارحت ادوّر كيس ابـن طحنـون=ولاّ عـلاقــه مـــعْ بـــنْ نـهـيّـان
والآدمــــي دون الـكـرامــه دون=مايـرفـعـه حــاكــم ولا سـلـطــان
وش قيمـة الإنسـان يـوم يـهـون=ووش قيمة الشاعر بدون انسان
هـاذي حكـايـة شـاعـر الملـيـون=مــن جـمـرة الغـلـيـون لـلـدخـان

تقبلو تحياتي

[طلال الثبيتي]

خروج فيصل خساره لــ شاعر المليوون !!

فهو جزل والدليل هذه الشامخه بين ايديكم ..


ومشكور على النقل !!

[نواف نايف]

المشاركة الأصلية كتبت بواسطة طلال الثبيتي

خروج فيصل خساره لــ شاعر المليوون !!

فهو جزل والدليل هذه الشامخه بين ايديكم ..


ومشكور على النقل !!

اخوي طلال مشكور على تشريفك للصفحه

وفيصل جزل ومبدع

تقبل تحياتي

[نواف نايف]

تقبلو تحياتي

[الحطيم]

وفرشت فالقمرا سُفر وصحـون = على شرف حلم وطمـوحٍ كـان
مارحت ادوّر كيس ابن طحنون = ولاّ علاقـه مـعْ بـنْ نهـيّـان
والآدمـي دون الكـرامـه دون = مايرفعـه حاكـم ولا سلطـان
وش قيمة الإنسان يـوم يهـون = ووش قيمة الشاعر بدون انسان
هاذي حكايـة شاعـر المليـون = مـن جمـرة الغليـون للدخـان

نواف نايف ماقصرت يالغالي

[النافذ]

[ابن معيض]

قمه في الرووووعه والجزاااله

[فيصل القرماني]

فيصل شاعر كبير


وخروجه خساره



شكرا

[كاسر البرقاوي]

هذي القصيده الرائعه اكبر دليل على ان فيصل شاعر جزل وان طلع من المسابقه فهذي ماهي نهاية المطاف


والانسان يتعلم من تجاربه والله يوفقه ويوفق الجميع





يعلم الله يالسواط عنك ماتراخينا............لكن قدرة الله قادره والله عليم

[نواف نايف]

اخوي يوسف المقاطي مشكور عل المرور العطر

تقبل تحياتي