من أمريكا أبكتني هذه القصيده الباكيه

[غازي الفيصل]

حقيقه ارسل لي أحد زملائي في امريكا هذه القصيده على ايميلي متأثرا بوفاة أحد اقربائه والذي بحكم دراسته وبعده لم يستطع الحضور ولم بجد التعبير الذي يليق بفقيده وقال أن الشاعر نايف صقر عندما رثى والده كأنه كتب هذه القصيده نيابة عني راثيا كل من يعتبر فقيده لاهله وفد استعرت هذه القصيده لاقول ما في داخلي وكأن القصيده لي فقصيدة الشاعر نايف صقر ستبقى وهذه الباكيه والمبكيه
الى أمد بعيد حديث الركبان فقلت له احسن الله عزاك وصح لسانك ولسان نايف صقر

color=#00008B][overline][]يامن كلامه في تبارك والانعام =بلسم عزا والناس مايعجزونك
ماياسعك حرف ٍ تكلم والارقام =في خانة ٍمن حاشيه في متونك
يالحي يالقيوم يالكامل التام =يامدبر اكوانك ولا رب كونك
ورّيتني في مايرى النايم إن نام =حلم ٍ يقين وشان ماشفت شونك
وقع بنفسي غير عن كل الاحلام =شي ٍ يحدك ماتبي اللي يبونك
كنت ..فسفر وأشغلت باله بالأعلام =والحق له .. ياماتلطف حنونك
تجزيه رحماتك على وصل الارحام =سعيد..في زمرة رضاك وشجونك
وياربي اسقه كاس جناتك شمام=من روح ريحانك ومن زيزفونك
ومن الرضى ومن الفضا..ريح وأعلام=في كوكب ٍ سبح واناب لسكونك
ويارب من ياقوت فردوسك خيام =تبني على حور ٍ رعتهن عيونك
وأعرج بروحه مع تسابيح الاجرام =من مسجدك في سدرتك في حصونك
يارب اخذت احبابك ارواح واجسام =وهم ..يلهجون اسماك ويسبحونك
واخترتلك من قوم ٍ خيار وكرام =شيخ ٍ كريم ويتقيك ويصونك
البارحه بدر السما فالسما تام =واليوم يارب الفلاوات عونك
شروى صقر ماهو جليس ٍ لنمام =ياللي توحى له على هون هونك
كانك تبيلك فاللغط والغضب فام =ناضر صقر وعداك مايضهدونك
وكانك تبي فالساعه الحرجه حزام=من نار عينه ياسعدك وياعونك
لو إن كفاراتي اعتاق واطعام =حجيت للي كبروا يتبعونك
ناس ٍ بدون اسما وكنيات وآسام=ماودهم في ما انقضى يوجعونك
لو للبكا مبنى هدمناه بأكمام =سالت ..ياحزني عن تتابع مزونك
ميتمك مبكى والرياجيل الايتام =ويرثي لحالي صحبة ٍيصحبونك
وعقب ادفنوك ابطى على قبرك قتام = دعوات ..كن غبارهم يلتقونك
يوم اختصار الناس في يوم الايام =والأنبياء والناس ماينفعونك
عليك واسانا حمايل وحكام =وشيّعك من كانو محامل متونك
من عزوة ٍ تزهاك وعيال ٍ حشام =ومن طيبين مع السنين يعزونك
ماعيدو شمر ولا قصروا يام =ما انت تعرفهم ..كيف ويبايحونك
وعوجك وسمحاتك على محمل الشام = قد شلتها والناس مايجحدونك
ورايتك بيضا في مقامات وخصام =وفي كل ماعقّدت فيها ردونك
ماكنت حساد ولا كنت تهام =ياسيرة ٍ ركبانها .. يحمدونك
كلك حسن لو كان ماجدك هشام =وكلك محاسن من ثمرك لغصونك
وموطن ٍ نفسك على خمس الاسلام =وكلك ..كثير الا غنمك وديونك
للطيب في وجهك تباشير وأختام =من شق نابك لين طاحت سنونك
للبن حرّاق وللنار شعّأم = وتندى صيانيك الكرام وصحونك
ليديك حزاة الصخا سبعة انعام =وسبعه وراك وسبعة انعام دونك
لا اقبلت فقبالك شجاعه ومقدام =ولا اقسمت خان الله كذوب ٍ يخونك
كن لك سلم لا تعليت عزام = وصعب ٍ على الرديان لا يصعدونك
في مجتمعك وفي حمولتك سهام =ورفاد ..يبهج مدك للي يجونك
وان جوك تقريهم فناجيل وإيدام =وتفعل وتستاهل ..ويستاهلونك
دلابحتك وربعك الخاص والعام =وعتيبه اللي فالوطن يحسبونك
على الغياب .. ودارك تحس بهيام =وتودعك .. واحبابك يودعونك
هذي هي الايام واحوال الايام =جمعه عليك .. وجمعة ٍ لي بدونك
وكانك على الدنيا تنشّد ياغشام =فص بصله ماعاد تسوى بدونك
وإن كان تسألني عن اخوان واعمام = على عهدك إمابكو .. يضحكونك
ونوقك عشر واللي تريمني اريام =سودا ً ..ترجاني وانا كيف اكونك
من قال قبلي ماتعزيك الانعام =ابكن طيفي في منازل ظنونك
عليك نوقاتك على اوقاتك حيام =عقب ارتونك مثل من ياردونك
يارب بث ابليس ..فـذن ادم اوهام =ومن يومها ذريته يسألونك
عن ماتبدد في خلودك وما دادم =وعن ماتلاشى تحت ماك وركونك
وارسلت كتبك وانبيائك على اقوام =وامرك نفذ مابين كافك ونونك
ويافلبي انهديت من برد الانسام =وشلون ..لو ماكان ربك فعونك/overline][/color]]