بن عون العتيبي وبن جدلان الاكلبي وبن عباد السلولي مثلث برمودا الشعر الشعبي.....

[السلولي]

السلام عليكم ورحمه الله وبركاته


قرات قصيده رائعه للشاعر العملاق عبدالله بن نايف بن عون العتيبي وجاراتها من قبل الشاعر سعد بن جدلان الاكلبي ومجاراه الشاعر محمد بن ناصر بن عباد السلولي لها....

وحبيت ان انقلها لكم .....

أترككم مع ما قالوه من قصائد من العيار الثقيل التي لا يجيدها إلا من هم على شاكلتهم

من أطواد الشعر الشامخة التي تشرأب لقصائدهم الأعناق و تنحني لحروفهم الهامات

و تقبلوا تحياتي .







عبدالله بن عون العتيبي

شعتني علوم الصيف وارقلت للمسناد=ولاعاد يعذل واحد طافح شبله
آبي عبلة ضافي عليها كما السجاد=ديار يرود عدودها من يحب ابله
ولاعاد لي من يوم سال الشفا مقعاد=عتيبي وداري فوق ونحيتي قبله
مادامه وكد لي سيل وادي قليب عناد=انا ويش يحرمني شفا نجد والعبله
ابتبع هوى وضحا تحط البيد سناد=لها غير زين طبوعها خدة قبله
ليا سمعت الحادي نده ندهة الميراد=تقود اول الزعجول لول وتقرب له
ابيها ترفع فوق عن ساخن الانفاد=وتجي في فياح كل مصلاح يطرب له
انا في الديار الطامنه في تعب وجهاد= على كثر مرعاها مداخيلها خبله
عساها يساقيها المطر ديرة الاجواد=ولابيها لون ثمامها ينقلب ربله

سعد بن جدلان الاكلبي

شعتني قصيدة شاعر عذ ّب القصاد = ماحد يستلذ السالفه لين تنسب له
علومك يا بو نايف قراح ٍ على الأكباد = لكن تجرح قلوب ٍ مع الوضح منهبله
مواليف وضح ٍ كنها وضحى بن عبّاد = لا شافها راعي الدبش طيرت شبله
تواغض مع الريضان كنها خيام أسياد = لونها بعيد ٍ بادي الرجم تقرب له
أو حمّى مغاتير ٍ مقاديمها شراد = هريب السحاب اللي تواليه منسبله
قبلها ليا من المناره سناها زاد = قبل الاشهب المرشوش لا فضوا اصطبله
عنقا مارق ٍ نسنوسها سدوها منقاد = مع طول خدتها خراطيمها سبله
شناح ٍ طفوح شبلها دايم ٍ خدّاد = لونها مع ذود ابن عمي خذيت ابله
لا ضاقت براعيها الوسيعه بكل بلاد = يحوّم و كبده من هل المدن مندبله
لا منه نطحها عصر و لا هجد مهجاد = ليا شافته قامت ترازم ترحب له
هذي تنطحه تبغى تقبّله جد عماد = وهذي تنهب شماغه و هذيك تلعب له
و الله ما يهني من حكم عاصمة بغداد = اللي له مزامير الفخر تضرب الطبله

محمد بن ناصر بن عباد السلولي

جذبني صدى صوت ٍ تلاحت به الأطواد = يتعّب هواة الشعر بعده و من قبله
صدى صوت عرّافٍ لشعر الأدب روّاد = منابع عيون الشعر و الكلمه الذبله
تلاحوا على وضح ٍ عليها العيون حداد = ولوف ٍ على صوت الموده تراقب له
دقاق العنوق اللي خراطيمها ورّاد = على حب راعيها شغوف ٍ و منجبله
تقدم لها بن عون في وصفها نشّاد = و شعا الأكلبي و الأكلبي تلني حبله
و انا قبل صوته ماشي ٍفي الطريق حياد = على ما تقول الناس كل ٍ على هبله
و بعد زعزع الوضحى فلا عاد لي صدّاد = سلولي و قلبي طاري الوضح يرغب له
ابتعب واحاول لو لحقني عنا و انكاد =على منهج ًٍ ما كل قاف ٍ يناسب له
و انا في هواها مغرم ٍ هايم ٍ منقاد = لو اكثر علي اللوم في حبها الابله
اوقع لها بالعشر واشهّد الأشهاد = انه لاعب ٍ بي حبها لعبة السبله

تحياتي لكم
السلولي

[ابن براز]

صــ‘ًـح لســ‘ًـآنـ‘ًـك اخــ‘ًــوٍوٍوٍي الســ‘ًـلـ‘ًـوٍلـ‘ًـي وٍلآهنــ‘ًــت

[@المهاجر@]

بيض الله وجهك على هذا النقل الرائع للشعار الكبار.