----------- أوجــــاع قــلــــــب ------------

[عمرالروقي]

0
0
لكل فعل ردة فعل وهذه الحروف هي ردة فعلي المتزنه والمتزامنه مع الحدث
الذي افضل ان ابقيه طي الكتمان حتى ارى ردة الفعل المعاكسه التي لم تصل
حتى الآن0000000000وارجوا ان ترتقي بكلماتها لذوقكم الرفيع0000000000

إفتح لي الجوال كب القراطيس=سجل كلامن تعب القلب همـه
مما جرا بالأمس جتني هواجيس=وجنان شعري ملبس الرأس عمـه
واعوذ بالله من غثا القول وإبليس=وأبليس خاين ما ’يرى فيه ذمـه
ماهيب ضربة شمس والا وساويس=اوجاع قلبن فجـر العرق دمـه
ماني من اللي يضربون المراويس=ولا ني من اللي يخفي الحق كمـه
من لا بتن تعرف بلبس (الطياليس)=الاد روق مفرقة كل لمـه
منزالها العليا بكسب النواميس=درع وحجا عن ربعهم بالملـه
وبرقـا خفاف الظل ماهم معابيس=همال وسم ن لا أحتدى الضلع طمـه
صغيرهم حلمه مماليك بلقيس=هم الولد هم المناعير همـه
ياما على العدوان فوق المضاريس= فتحت لهم بيبان من بعد غمـه
حازوا تضاريس ن وعسوا تضاريس=بسنان رمح ن سم الأدغال سمـه
إيدينهم بالجود ماهي محابيس=وآآذان تسمع حـق وآآذان صمـه
خـاو الرجال اللي تفج الغطاليس=لا نام ولد الهيس في غرفة أمـه
في لازم ن ماهوب علم الدنافيس= يحتاج رجل ن لا حوى الحمل زمـه
والا الردي هيس ن على ماصله هيس=من يطلب الفزعات من زند خمـه؟
وعلم النقا لا عاد علم البرابيس=من قول شاعر يتعب الدلو جمـه
ياصل على اللي يعكس السير بالريس=خاله من الاغراب والذل عمـه
كانه يبا البرهان ويقارن القيس=أرضه وطا والا ارض الأجواد قمـه
علمه سراب وكل دربه عواكيس= يمشي شمال ودرب الاعراف يمـه
هذي علوم الصدق ماهي كوابيس=من فتل شاعر لا إبتدأ القول تمـه
وصلاة ربي عد هب النسانيس=على النبي اللي هدى خير أمـه

0
0
0
وسلامتكم جميع