:::: ياقادة الامه بعد شنق صدام ::::

[المشيعلي]

السلااااااام عليكم ورحمة الله وبركاته
الاحبه ...............كل عام وانتم بخير جميعا
صدام.......ستجد ماقدمت عند الله
.
.
.
ولكن
نرثي بك الشجاعه
نرثي بك قوة البأس
.
.
.

ياحمود تكفـى لاتسولـف بصـدام =لاتزيـد قلبـي كيتـن فـوق كيـه
عجزت لانسى فعل عبـاد الاصنـام=بذاك الزعيم اللـي عزومـه قويـه
اللي صباح العيد حوكـم بالاعـدام =ولفوا على راسـه حبالـن رهيـه
قضيتـن هزوبهـا اقطـار الاسـلام =كيف الزعيم يصير كبش الضحيـه
ارض العرب صاروا بها الغرب حكام =صاروا هم الراعي وصرنا الرعيـه
بالعيد هـاذا نفـذوا خطـة العـام =والعيد الاخـر جـاي ميـه بميـه
ياقادة الامـه بعـد شنـق صـدام =ولـو الكوايـا تاخـذ سنيـن نيـه
مافيكم اللي يلحقـه هـرج ويـلام =مادام مع كوفـي نقـاش القضيـه
لياجتكم اوربا ((عليكـم بالاقـلام)) =ثـم اشجبـو واستنكـروا للاذيـه
دام العيون اللي بهـا شوفنـا نيـام =ودام اليديـن الطايـلات محنـيـه
ودام السلاح مثبتـن زنـده لحـام =ومغبـر بمستـودعـات السـريـه
والله ياعلمن صـار مـن عدةايـام =ليطولكـم كـان الليـالـي مـديـه
صدام اخذ دوره وجا الدور ياالشـام =حاكمـك واطـن ماوطابـه خويـه
بالطيب ولا يحـط برقبتـه خطـام =ويقاد غصبـن مثـل قـود المطيـه
العـز بالله ثـم باللـي لنـا حـزام =بـآل السعـود مزبنيـن الونـيـه
لامن ابومتعب ركز خضـر الاعـلام =وعطا الاوامـر للجيـوش العتيـه
نبى نبيع الروح ونـدوس الالغـام =لرض الوطن والدين تهـدى هديـه
ون كان بوش اكبر هدف عنده الخام =حنـا هدفنـا بالجـنـان العـذيـه

للـــشـــاعـــــــــر // محمد عبدالمحسن البدراني الحربي

[مرزوق حمدان العتيبي]

...
.
صح لسان البدارني
ولاهنت يالمشيعلي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[(تركي)]

صح لسان البدراني

[غشام نجد]

بسم الله الرحمن الرحيم

السلام عليكم ورحمة الله وبركاته

الاخ : البدراني

صح الساانك قصيده رائعه ومعبره والله يرحم سيف العروبة حامي بوابة العرب الشرقية صدام احسين المجيد فقيد وخسارة على الامتين العربية الذى قد تموت قوميتها باستشهاد القائد المسلم صدام احسين والامة الاسلامية الذي هي بحاجة لة خاصة بعد احداث منهاتن ومواصلة ايران انشطتها النووية
وحاجة الفلسطينين للمبلغ الذى كان يدفعه لهم سنوي وهو بالاملاين اليورو 0

لحدن يعايدني ترى خاطري شيـن =خلونـي بحالـي ونفـسـى بزعلـهـا
في عيد الاضحي بالبهايم مضحين =وبـوش يضحـي للعـروبـة فحلـهـا
راح الزعيم اللـي بهـز السلاطيـن = ويـن المعـزة عـقـب روح بطلـهـا
لأ تحبسيـن الدمـع الـيـوم ياعـيـن =خلـي علـى خــدي مـواقـع وبلـهـا

&&&&&&&&&&&&&&&&&&&&&&&&&&&&&&&&

كلن نهار العيد ضحي بالاغنـام =واللـي تبـادل مـع وليفـة هديـة
وضحيـة الكفـار بعـيـد صــدام =للمشنقة قادوة صبـح الضحيـة
ولأ واحسافة نفدوا فية الاعدام =فى ديرتـه مابيـن ربـع وحميـة

من الجوال
تسلم ونتظر جديدك ومن العايدين بعد الزحمة