***********لنــــــــــدن*************

[سيف قحطان]

السلام عليكم
صلوا على النبي
هذه هي مصافحتي الاولى اتمنى ان تحوز على رضاكم

الله على لندن مع تالي الصيف=لان جوها بالصيف جون خيالي
يا احمد نبيها لو تزيد المصاريف=لو زودوا في سعر صرف الريالي
لندن تراها ملتقى للمواليف=تجمع من العشاق غالي بغالي
لاتقول لي باريس ولا تقول لي جنيف= لندن تراها غايتي شف بالي
فيها الوليف اللي من العام ما شيف=ماجاتني رساله ولا جاء اتصالي
مدري نساني او حدته الصواديف=ولا مع غيري من الناس سالي
لاتلومني لو صار في الامر تكليف=لو شفتها يا احمد يصيبك هبالي
لبسه دلع ما يلبس الا النفانيف=وبرقع خفيف فوق برقعه شالي
ورموش عينه كنها سلة السيف=والخد كنه البدر ليل الكمالي
وليا ابتسم شفت الثنايا المصافيف=من خلف جمر زاد فيه اشتعالي
دمه عسل يسرق بزين السواليف=في كل شيء له برستيج عالي
يا احمد تراني ما وفيت التواصيف=زينه يفوق الوصف في كل حالي
من اقصى شرورا لين تقبل على طريف=ماشفت منهى فاقته بالجمالي
اصل وفصل ماهي بطرش على السييف=بنت الرجال مكرمين الرجالي
يا احمد وانا خابرك ترقى المشاريف=طيبك كسبته بين عم وخوالي
يا مسندي وقتي ترى شكله مخيف=وانته جملها لااستوى لك مجالي
احجز لنا ثم كتف الهرج تكتيف=واللي نشد لا تجاوبه بالسؤالي
لندن نبيها قبل لا يقضي الصيف=ما يهنا يالقرم سعر صرف الريالي

وسلامتكم

من ديواني الخاص
حقوق الطبع محفوظه