زياره بوتو ومساجله بين تراحيب وضيف الله بن سويلم

[خلف بن مرزوق]

...
..
عندما قامت رئيسة وزراء باكستان سابقاًً بيناظير بوتو بزيازة للمسجد النبوي الشريف في شهر رمضان كان في مقدمة مستقبليها العقيد/ضيف الله بن سويلم العازمي

وكان وقتها يتقلّد منصب مدير شرطة الحرم النبوي .وعندما قدّم يده لمصافحتها كما هي العاده في مثل هذه المناسبات للإحتفاء بضيوف الدوله أعزّها الله. وإذا بالمقدم تراحيب يشاهد العقيد ضيف الله عبر شاشة التلفزون وعلى مرآ من الجميع



سنحت الفرصه لاخيه

الشاعر : المقدم / تراحيب بن سويلم



ليرسل عليه هذه القصيده كمداعبة

عقيـدٍ كلايـف بدلتـه تتعـب الهنـدي=نجومـه وتيجانـه والأنـواط ناضمهـا
تقول أن جايه دعـوةٍ بأمـر مستنـدي=من آل السعود أهل الفخر في عظايمهـا
يعرف الحديث وحافظٍ مـاروى الكنـدي=وخمسة عشر عام العمل فـي محاكمهـا
جمع عسكره من كل ضابط ومن جنـدي=وحشد قوته قبـل الصفـوف وتزعمهـا
مشى موكبه من شان أميرة رَوَل بنـدي=وعطاهـا التحيّـه ثـم سلـم وقدّمهـا
بشهر رمضان أشرف شهور السنه عندي=وقـدم المدينـه شـرّف الله محارمهـا
على باب مسجد صفوة الخلـق يافنـدي=تقدم لها يمنـاك مـا أنتـه بمحرمهـا
أنا أقول ردّ العلـم عنّـي ومـن زنـدي=لو أنشد أهل الشورى لقالـوا نحرمهـا
قوانيـن باكستـان والهنـد والسنـدي=مانحكم بها يحكم بهـا مـن يترجمهـا
أبا أنصحك بألتوبـه وبـادر لا تعلنـدي=قبل لا يفوت الفوت فرصتـك وأغنمهـا

مرد الشاعر العقيد/ ضيف الله بن سويلم العازمي العتيبي

تهيّض طويل العمر بعـد شبـع منـدي=وبدأ ينسج أبيـات القصيـده ويبرمهـا
ولبس له حـزامٍ لا ذخيـره ولا بنـدي=ورواله حديثٍ ماوجـد فـي معاجمهـا
أخذ ردّها ياشيـخ مـن عندنـا شنـدي=سوات المخالف يـوم ياخـذ قسايمهـا
أنا عسكري والعسكري مايجـي ونـدي=ينفّـذ مراسيـم الحكومـه ويكرمـهـا
لو أنه من أقصى الهند وألا سمر قنـدي=عذرت العجم في الجهل مانـي بلايمهـا
لكنّه من أ صل العرب وأصل العرب يندي=وغلط غلطة الدكتور وأخفـى معالمهـا
قوانيـن دوليّـه سعـودي وهولـنـدي=قوانيـن هيئـآت الأُمـم رح تعلمـهـا
بدو ماتعـرف إلا المشاعيـب والقنـدي=اليا حافها الشيطـان طشّـت عمايمهـا

تمنياتي ان تنال رضاكم


مودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[ابن نميان]

صح لســان تراحيب بن سويلم

وصح لسان ضيف الله بن سويلم

ماشاء الله على عيال سويلم كلهم شعار



بدو ماتعـرف إلا المشاعيـب والقنـدي
........................................اليا حافهـا الشيطـان طشّـت عمايمهـا

يبقى ضيف الله بن سويلم شاعر مايشق له غبار ومشــهور

مودتي لك

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[مرزوق حمدان العتيبي]

...
..
.
لله درك ياخلف على حسن ذائقتك
.. اختيار موفق
وقصيدتين ولا اروع لشاعرين من ابدع الشعراء
...
اخوك
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فهيد مقعد الرويس]

مشكووووووووووووووور

يابومرزوق

لي مده وانا ادور القصايد كامله

جمل الله حالك

تقديري

[عاصي]

مشى موكبه من شان أميرة رَوَل بنـدي
وعطاهـا التحيّـه ثـم سلـم وقدّمهـا

صح لسان ذوي سويلم