الوسم

[ضاوي العصيمي]

بشـّرُوا بالوسم قنـّاية الناقه =والديار المبطيه في تحرِّيها
جابه اللي يكرم الخلق بارزاقه =ويحيي الديره بعَد موت افاعيها
أرسله رحمه لبدوٍ على فاقه =بالدعا ترفع يدَيها لواليها
جاهزٍ سَرَّا بتدبير خلاقه= ليلته من عصر للفجر محييها
بالبروق اللي على ساق لهّاقه =في مقاديم المزون ومثانيها
تنتهب نوم المولع من احداقه =والقلوب تتلـّها من عروايها
صبح غدرانه تطارخ وصَفـّاقه =والطيور مغرّده في شواطيها
يصبحون البدو للطرش سوّاقه =والمزارع ما لهم لدّةٍ فيها
في مجاكر والمغاتير سَبّاقه =كنـّها تطوي البسيطه بأياديها
للبيد وشيلة الصوت لحاقه =ما تغث بسَوقها كبد راعيها
قدمها السندا الشناح امّ خنـّاقه =فوق ورك الركبي ارخت لواحيها
أشهد ان الوضح بالدلّ فرّاقه =وفوق زين طبوعها الرب حاليها
ومن تمكن حُبّها داخل اعماقه =يرخص الغالي على شان يرضيها
من غلاها لو يطق التعَب ساقه =ما وقف في نحورها عن مناويها
من طلوع النور لين ادرق اشفاقه =مَرّ يسبقها ومَرٍ يباريها
لين نبت الوسم تقطف من اوراقه =فى الرياض اللي تداحم مراعيها
والتعَب ينساه ويضيّع ارهاقه =حين ترخي رُوسها في مفاليها
ويلتفت للبيت ويشيّد اشناقه =في رفاع الارض ماهوب واطيها
ولا استوى مبناه ثم دوكر ارواقه =وربعته رتب صبيّه مراكيها
شبّ ناره والحطب عجّل احراقه =والمعاميل النظيفه مدنـِّيها
وزيّن الدلـّه وفنجالها ذاقه =دلةٍ عَلى مزاجه مسوِّيها
لا اختلط حاذق طعَمها بترياقه =سجّ عن حاضر همومه وماضيها
واشترى اللي ما لها فى الشحَم طاقه =قطعةٍ من عند شاوىٍ مربِّيها
حطـّها في الشبك ثم رزّ معلاقه =في حَرا رَبع ٍ تعزه ويغليها
أو طروشٍ للمعازيب توّاقه =الطراقي يبشرون بنقاويها
عند من لا جَوه ما تقفل اخلاقه =يبتهل واهل الريَا ما يراييها
يذبح ويمنح ولا قلـّت اوفاقه =وحِلـّته ما دبّر الضيف شانيها
متبع منهاج حَمّاية الساقه =الرجَال اللي بعيده مغازيها
مثلهم رجم النقا بالقدَم واقه =ومن مكاسب كفه الروح مرهيها
والعمر فاني والاقدار تفـّاقه =والحياة الله عليم بتواليها

التوقيع

يسعدني زيارتكم لصفحتي على تويتر على هذا الرابط https://twitter.com/#!/dawi_1 وياهلابكم جميعا

[عمرالروقي]

ضاوي العصيمي
0
0
0
صح لسانك يالجزل
قصيده وصف
في غاية الروعه
0000
شكرا لإمتاعنا
بالجديد
000000000000
سجل اعجابي وتقبل تحياتي 000000

[أبو نجر النفيعي]

.

الله الله يابو زيااد

قصيده رائعه وجزله بمعنى الكلمه..

وكل بيت اجزل من الثاني..

فأهنئك عليها يابو زياد..

وصح الساانك مدد بلا عدد.


.
اخووك



..

التوقيع

.....

[فيصل الحويماني]

ضاوي العصيمي

0
0
0
صح لسانك يالجزل


قصيده وصف


وفي غاية الروعه




اسجل اعجابي بكل تقدير واحترام



تحياتي



0000

[مرزوق حمدان العتيبي]

..
.

الله عليك ياشاعر القنص
ابداع غير مستغرب .... ومن خلال مدحك للوضح
والله الظاهر انك نويت تحط الذود ياضاوي
.. بيض الله وجهك وانا اخوك على ابداعك المعتاد
....
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

شبّ ناره والحطب عجّـل احراقـه والمعامـيـل النظيـفـه مدنِّيـهـا
وزيّـن الدلّـه وفنجالـهـا ذاقــه دلـةٍ عَلـى مـزاجـه مسوِّيـهـا
لا اختلط حـاذق طعَمهـا بترياقـه سجّ عن حاضر همومـه وماضيهـا



صح لسانك ياضاوي
شاعر عملاق
شاعر الوصف .
مبدع بمعاني الابداع ..

دمت للهيلا ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[صعاط الجن]

صح لسانك يالجزل


وبيض الله وجهك وجه من يقراء يابو زياد

[عيضه الثبيتي]

ضاوي العصيمي


علمً على رأسه نار


وقصيده عصماء حركت مشاعرنا


وهيضتنا


وشوقتنا للمطر والربيع



لله درك


تحياتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[مشاري]

ضاااوي صح لساانك ملايين ولاهنت

اخوك مشاري..

[الفراهيدي]

ضاوي العصيمي

صح لسانك

قصيده رائعه وجزله بمعنى الكلمه..

وكل بيت اجزل من الثاني..


وننتظر ابداعك

التوقيع

AL-frahedi@hotmail.com