صــدام يــا سيــف العــــرب

[ضيف الله المسعودي]

السلام علاكــــــــــــــــــم

قصيده عجيبه..........





الجو حامي والخبر عاجل وحكم الله مهيل

________________ لجّت قنوات الفضا وأقمارها تبرا لها





هاذي توكـّد حادث .. وهاذيك مامعها دليل

_______________ وهاذيك بين وبين فـ اللجّه تبثّ إرسالها





لحظات حتى بانت الصوره وشاهدنا الحصيل

________________ يا صورة ٍ يشهد لها التاريخ بين أمثالها





دارت دواليب الحواسم بين يوم وبين ليل

__________________ وأم المعارك عام الأوّل ما يسرّك حالها





صدام يا سيف العرب يوم أنت مصقول وصقيل

__________________ عوّدت تنفض لحيتك .. ويفلّها فلاّلها





يا هتلر النهرين فالك شين .. وحسابك ثقيل

__________________ سبحان من يمهل ولا يهمل عباده فالها





أمسيت تفتل شاربك .. وأصبحت تقضم جنزبيل

________________ سلــّط عليك الله وطاحت سلطتك برجالها





جحرت عقب الخوف ما خضـّك مثل خض الصميل

__________________ لا بارك الله في الذياب اللي تهزّ أذيالها





يا القايد المقيــود خلّك .. لا تهــسّ ولا تميل

_______________ قصة حياتك مضحكه والمعتبر يصحى لها





أول مراحلهــا شقي .. وآخـــر مراحلهـا ذليل

__________________ لكن علــّم ساجــده تآخــذ بثار عيالهـا





بلـّغ ( رغد ) تنشر بطولاتك علـى حبـل الغسيل

______________ شابـت تهوجـس كـل بادي ليل .. لا تغتــالها






متكبرّ ولا طعت شور اللي سعى لك تستقيل

______________ أشوالك أنك تنتحي وأرض العراق أشوالها





تضحك وترمي ( عقب سيجارك ) على روس النخيل

_______________ وتقــول شبوّا نارها .. والمقبلات بفالها ؟





ليتك قصرت السالفه وأرتحت من نفض الشليل

______________ ولا عاد يلقى البيت الأبيض حيلةٍ يحتالهـا





ناقض عهود الله وخاين جيــره وجاحـد جميل

______________ يا الحاكم البعثي سمات الشرك فيك أخصالها





الشعب يرزح من ثلاث عقود في حالٍ هزيل

______________ وأنته ترنـّح فـ القصور المحكمات أقفالها





ترويع وإرهاب وجرايم حرب ومن هذا القبيل

_____________ ما أحسنت والله يجزي الحسنه بعشر أمثالها





صابتك دعوة كــل ملهــوده لها عندك قتيل

______________ اللي تنادي بالقضا .. دوب القضا ما جالها





كفــّرك ( أبن باز ) وعسى الله يرحم الشيخ الجليل

__________________ ماهيب فتوة جاهل ٍ غنّت له وغنّى لها





الحق يثبت يا طغــاة الأرض .. والباطل يزيل

_____________ ذنب الطواغيت وجزاها حسب جنس أعمالها





أصحوا يا قوم .. الجهل فيكم كم يحط وكم يشيل

_______________ الناس هاذي حطــّها والناس هاذي شالها





ما كلّ من يركب في ظهر حصانه ويصهل صهيل

__________________ يقول أنا خيّالها .. ونقول له خيــّالها !





بعض أزعمانا يفتح الله .. يا منافق يا عميل

__________________ قضيت يا صدام واللي صار لك عقبالها





كم قايد ٍ من حولنا .. يحتاج له قايد بديل

__________________ أطيبهم اللي غترته ثابت عليها عقالها




وسلامتكم

القصيده للشاعر سداح

تقبلوا تحياتي

م
ن
ق
و
ل