ميرساعات النهايه بدت دقاتها

[ذيب الجهني]

بسم الله الرحمن الرحيم

سلام من الله عليكم ورحمته وبركاته

ليس مجامله لسناني بحكم أنه شاعري المفضل او لأنه جهني

ولو كان كذلك لما قمت بنشر محاوراته مع مستور

بل لقمت بنشر محاوراته مع شعار أقل منه مستوى حتى يظهر

تفوقه ... ولكن أنا أضعه أمام محك حقيقي أما الخبير وصاحب المستوى

الكبير وصاحب الشعبيه الجارفه حتى راحلة الصوت متفوق فيها...

ليكون الأختبار هنا ... والحكم لكم...




السناني

في ديارٍ راج تاريخها عبر العصور = وأثبت التاريخ في الكتب ذكر آياتها

مرحبا ترحيبةٍ تنشرح منها الصدور = من رجالٍ تتعب الخصم في وقفاتها

مستور

من رجالٍ فعلهم لايضيع ولا يبور = لويشين الدهر ماتترك مهماتها

البقا منه ليوم القيامه والنشور = جاك علمي وأنته اللي تبيهاهاتها

السناني

ونعم بالحيين واللي دخل تحت القبور = والليالي السود محدٍ كشف غراتها

وأنت أبوتركي مكمل ومافيك مخبور = ميرساعات النهايه بدت دقاتها

مستور

الليال السود تكسرجناحين الطيور = من حسبها يعرف ألوفهاوإمياتها

العصيمي يامحمد ترى سيله حدور = لوقناوات الفضاءكثرت بأصواتها

السناني

كلمةٍ تقرى وكلمه تجي بين السطور = مير رؤوس القوم واجبك من شرهاتها

العصيمي قالوا إنه يبي قلب الجزور = مير أضن القوم عيّت على مقضاتها

مستور

من تعذر قلت مسموح مني ومعذور = العرب هذا السنه غيرت نياتها

أحسبنك صاحبي وأثرك الذيب المكور = ليه روحك دون حسناتها سياتها

السناني

يبلش العاقل بتصريف مختل الشعور = والعرب هذا السنه مدت إيدياتها

لومسكت الأوله مانزلت من القصور = صار عندك ريب فأحيا العرب وأمواتها

مستور

دامت البابوريعبر على السبع البحور = خل بدوك يامحمد تعشى شاتها

عند ربك يالسناني تدابير الأمور = سيّروا بأطرافها وإضربوا غباتها

السناني

دامت إن محدث الحق ماحدث بزور = خل ربعك ذالسنه تدهن لحياتها

دبر الله دبرته لا تلف ولا تدور = شوف وش حال الزناتا وسو سواتها

مستور

من يبي حق العرب قلت معصي ومعثور = ماذكرت أم الكباير ولا قواتها

عندكم وش عندكم عندنا دهن السيور = كل قوم تعاين وجيهها بمراتها

السناني

شوف رأيا خيرقبل الرصاصه ماتثور = عمة الشيّاب كلٍ يبي مرضاتها

عندنا قطّاع الأنفس وتفليج النحور = ناس أنقزها وناس أمسح إرويساتها

مستور

تحسب الأيام يالفاجر أفراح وسرور = ماأنت داري بالليالي ولاغراتها

شغلهم معروف لوكسروا جسر العبور = البحور الهوج هاجت على حواتها

السناني

أدري إن القبر مافيه ورد ولا زهور = مير أعرف أخصامي الحبل برقيباتها

الهوا المشروع قدام دمك مايفور = وإعرفوا يمناك يوم أضهروا بصماتها

مستور

الزكاه اللي خلقها الأإله من العشور = نلزم الكفار وإنتف شنيباتها

لوتعود عند صاحبك بيّاع العطور = ماتهم العين لوكثر لداتها

السناني

مامعك تصريف ماخلت الأيام سور = لا تغش القوم وتزيّف جنيهاتها

كان لا ذ الماء على العبد جاز إله العفور = والله آذن لطييرات بإعشيشاتها

مستور

المشاكل دوبها مالها خمسة شهور = من يبي حلواتها ذايقن مرآتها

أثرك أثرك يامحمد على الدنيا صبور = كل ماتنظم قصيدة تعد أبياتها