الشيخ ذباح بن حمد المويشير

[أبو صقر]

بسم الله الرحمن الرحيم

هو الشيخ ذباح بن المويشير انتقلة شيخة جماعة الراشد بالجوف الى ذباح المويشير بعد الشيخ ملفي بن مقاود حركان الراشد الذي استلم الشيخه بعد مقتل الشيخ راشد بن قايد بن حركان الراشد بحرب بين ال رشيد والشعلان وكان راشد الى جانب حليفه ابن شعلان واشتهر ذباح بالكرم والجود والشجاعه فكان له مناخ المويشير الذي ورثه مع الكرم من حمد بن مويشير والد ذباح وذباح له من الابناء رجا وحمد

وفي زمن ذباح كان حاكم الجوف هو محمد العبد الله الرشيد الذي يقول فيه راكان بن حثلين :
من باب عمان ليا باب نجران ×× ماهو انا يا الضيغمي انت اميره

وكانت سكاكا الجوف تنقسم الى ثلاث اقسام القرشه هم بني خالد واميرهم من قبل الرشيد ابن لحيد والمعاقله فلاح الشردان ما عدا الراشد من عتيبه والنصير من الروله النصير شيخهم خلف البنيه والراشد الاساعده شيخهم راشد بن قايد وبعد ان قتل استلم شيخة الراشد ملفي بن مقاود وبعدها الى ذباح المويشير وهي في ذريته الى اليوم والشلهوب من السرحان شيخهم فياض الشلهوب وكانوا مع المعاقله والمعاقله هي حلف بين الراشد الاساعده والمعيقل من الدهامشه من عنزه والجحيش من الاسلم من شمر والنصير من الروله وغيرهم من الجماعات شكلة حلف هو حلف المعاقله
ولكن بروز ذباح بالطيب والكرم جعل المعاقله يلتفتون لذباح كامير بدل من فلاح الشردان فاغضب ذلك ابن شردان وادى الى ان يشي به عند محمد الرشيد ويقول انه يريد ان يسلم الجوف للعثمانيين وخلع الرشيد فامر ابن رشيد القبض على ذباح وذلك بدخول جماعه يدعون انهم ضيوف واذا استقبلهم قبضوا عليه بدون سلاح وبدون كلفه مثل ماحصل مع الشيخ حطاب السراح الجربا الشمري عندما قبض عليه عبيد الرشيد وارسل الى حائل هو وابناء عمه ملفي ابن مقاود الراشد وضيف الله الحميمص الراشد وعندما كان في سجن ابن رشيد حوالى السنتين حدثت معركه بين ابن رشيد واهل القصيم عرفة بيوم حرب ابن سليم وقام اهل حائل بعد النصر يعرضون فهاجت مشاعره وكتب قصيده ارسلها الى ابن رشيد وقال لسجانه قل لبن رشيد اني ابغى اشارك اهل حايل العرضه وقال :

ياخطيب اكتب كلام المبتلى = يومن بلوه حساد الملاباشرارها
نبغى السكون عن الشرور ولاصفت = والمرجله كايده على دوارها
ثوبي جديدويمسحون به الصدا=وبابيض عباتي يمسحون ازفارها
كتب فلاح امير من عقب الردى=واناكتب دارى يطير غبارها
ماخشها الجعيان وطلع ماكلا= يدعي علينا بالثنا عبارها
انت الخلف يامير والغابن غدر = يامذري العورات ياستارها
ومحمد وحمود ان صفوا سوا = تلقا النشاما لون جدع اوثارها
وراعي عنيزه ترتجف فيه الوطا= رجفت عسيب سيفه وبارها

وبعد ان سمع ابن رشيد ماقال ذباح عزل ابن شردان و وكتب لذباح اميرا على المعاقله

ولذباح قصيده يحث فيها ابنائه على الكرم يقول :

اسق غيـدٍ ناعمـات بـوادي=ميرهن لتالي السنه يذخرونه
وحـط للعـوان تمـرٍ وزادي=غير حق الضيف لا تزحمونه
وان جتك من فروع الحمادي=والا من الضاحي تهامل عيونه
ينحرون الباب هرج وكـادي=ومن نطحهم عنـا ينشدونـه
ولا تطاوع لينيـن الوسـادي=العجز راعيه مـا يمدحونـه
خذ وصاتي يا نضايض فوآدي=خذ كلام الصدق لا تزهلونـه
الضعيف لو دهـن بالزبـادي=بالملا يا مسندي مـا يبونـه
والقوي لو هو كذوبٍ هبـادي=كل هرجـه بالقلـم يكتبونـه

ومن قصصه وقصائده هذه القصه المؤلمه.
فبينما كان مسافرا بعيدا عن اهله وجماعته راى في مايرى النائم انه تزوج بفتاه تدعى (بقعا بنت غبن الزمان)وعندما اقترب منها اخذت تضربه بكفها على وجهه حتى ادمته وسقطت منها بعض اسنانه فكتب الى احد اصدقائه وهو بنيه بن حموان من الجحيش من الأسلم من شمر قائلا هذه الأبيات:ــ

ياركب اللي فوقها الكـور يرسـي=ماهي وحدها ثامنـه لـه ثمانـي
ياراكب من عندنـا فـوق مرسـي=حيـل يبتـن عاليـات المتـانـي
لامن ردن الثـوب للمتـن لسـي=تفـز تقـل ملاطمـه معلـوانـي
تلفي بنيه ستـر حسنـا وحسـي=راعـي دلالٍ ساهـره معشرانـي
سلم على اللي للخطاطيـر ونسـي=يم ابو تمن شوق ضـاف الثمانـي
ان نشدك عني كفى شـر عرسـي=خذيت بقعا بنـت غبـن الزمانـي
قامت تصفعني بخمسـه وخمسـي=والدم من كـف العينـه غشانـي
من ضربها لي طاح نابي وضرسي=ومن صفقه العارض به الشيب باني
كن كربتني بالحقب هـو وحلسـي=وكن كربتنـي بالحقـب والبطانـي
تسقي علي كروم من كـل جنسـي=ياقرد عين السايق اللـي سنانـي
سواقتي عبيـد سمـران طلسـي=من البين يدعون الصعب مرجعاني

ابو تمن هو بنيه الحموان
وعندما وصلت القصيدة لبنيه الحموان . كتب اليه يخبره بنبأ حلمه وهو وفاة ابيه واخيه

ولذباح هذه القصيده ينصح بها احد اصدقائه هو محمد الفلاح من المعيقل من عنزه عندما توفيت زوجته وتركت له اولاد صغار السن فحس بمعاناته فقال :

يابو شبيب اكتب كلامى بقرطاس = هات الذلول وعلقه في نحرها
كان انت تبكي داركم مابها اوناس = كان انت تايه دور اللي قبرها
ماتشوف نبت العشب حوا وبسباس = حتى الخزامى ناعمه من شجرها
البيض بيهن وحدة ما بها اجناس = ماينتضيع ياوديدي سمرها
البيض بيهن وحدة تكسر الباس = مثل الرحول اللى تباعث دبرها
اتعب على اللى ماوطت درب الادناس = بنت وابوها كل ضيقه عبرها

يرحم الله الشيخ ذباح ويسكنه فسيح جناته

تحيتي..........

آخر تعديل أبو صقر يوم 20-Sep-2007 في 12:42 PM.