مبروك ياعتيبه بالمركز الاول في دولة الامارات..

[أبو مرحبا]

السلام عليكم ورحمة الله وبركاتة


مبروك ياعتيبه مبروك ياعتيبه


أن بغيتها بالشجاعه عتيبه|194|

أن بغيتها بالفروسيه عتيبه|194|

أن بغيتها بالكرم والطيب عتيبه|194|

أن بغيتها بعلوم المرجله عتيبه|194|

أن بغيتها بالشعر عتيبه|194|

قبيلة عتيبه ملك الشعر بلا منازع

لو الشعر له جنسيه كان شفته عتيبي

|194|


نبارك للشاعر فارس عبدالله العتيبي فوزه بالمركز الاول بفئة وصف الطير ووصف

المقناص في مسابقة أجمل القصائد أثناء المعرض الدولي للصيد والفروسيه أبوظبي 2006

أسرة منتدى عتيبه الهيلا تفخر بهذا الانجاز

وهذه القصيده الفائزه/

ماحلا المقناص في أيام الهداد=ومعك طير (ن) من طيور أبوسعيد
جير ماهو حر من طرح الحماد=ماركة تهجين لبيور العتيد
الطيور اللي عليها الاعتماد=من عوايدها ليا هدت تصيد
علم الله البشر ما شا واراد=وانتجوا طير(ن) على الساحة جديد
طرحت امه مع ذعاذيع البراد=وجات من سيبيريا دار الجليد
وطرح ابوه وضف ريشه بالمهاد=في جبل سنجار مابه طق أكيد
ومن خلال التقنيه..والاقتصاد=واجتهاد العلم والراي السديد
اجمعوهن ..واثمر من الاتحاد=طير في شكله وفي فعله فريد
أسود كالليل داكن بالسواد=افجح(ن) عرضه على طوله يزيد
من جلس في جانبه على انفراد=يشعر انه قرب شيطان(ن) مريد
ان قفيته..؟قلت يالليل الهجاد=وان نطحته..؟عنه ماتقدر تحيد
دق ريش..وجبر عظم..وهجر اياد=واكبس كفه ومخلابه حديد
عاري..وصدره عن الامتان باد=وعاتقه عاتق حنيش(ن) مايهيد
من خذا عن برقعه..جاد اعتقاد=ان هذا الطير له باس شديد
وجه قرم(ن)فاتنفي يوم الطراد=مرخص عمره يبا راس العقيد
واجمل وصوف..؟ليا صار العناد=ودار مابين الصقاقير الوعيد
راح صقاره على ظهر الشداد=متراكي..مثل هارون الرشيد
أشجع من الزير ومن ابن عباد=واقطع من ذياب غانم وابوزيد
كان جيت لسرعته؟..طلقة زناد=صيدته..ماهي برايحتن بعيد
عيبه ليا حق بالطلع الوكاد=يصطفق وتجيه مثل ام العبيد
من يحوفه مالقا فيه انتقاد=منوة الصقار فيه اللي يريد
من طيور اللي يحكمون البلاد=الشيوخ مطوعه راس العنيد

حصريا" لمنتدى عتيبه الهيلا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي