قـــــــــــــــــــــــــصـــــــــــــيدة

[تركي عايض]

ياهلا يامرحبا مليون ترحيبية
ترحيبة الغالي ليا شاف غالي
سلم الله راس حرا نعتزيبة
حرا وابن احرار وياعز الخوالي
ياخوي هل دمعي من مصيبة
في نهار الصوم فالعشر التوالي
قالوا ان الحر يرقد فالعناية
قاري التقرير في مرور الشمالي
ونحمد المولى كفاني شر غيبة
في فهدنا الحر زيزوم الرجالي
ياسلالة من ندر وصفة وطيبة
ريف من شكى غبن جور الليالي
شيخنا ماحسب للي يجيبة
تنثر اليمنى كما همال سالي
وارتوى قاعا ميبسا من صبيبة
ثم تبدل سوء حال بخير حالي
ابتي القاف والحين انتهيبة
عجزت الكلمة وعجز الخيالي
قصيدة للشاعر / سعد عايض سعد العصيمي

[تركي عايض]

ياليل ماترحم عيوني وسهرها
عافت لذيذ النوم من عقب فرقاه
فرقى الوليف اللى حياتي دمرها
واجحد واقول القلب داله نساه
بين العذارى جـل منهو فـرقـها
وبالحسن كمل صورتة يوم سواه
ذكرتة لـيلا فية نور قــمرها
واليوم انا والزين وصلا قطعناه
دنيا علينا عارضت مع قدرها
غصبا علينا وحكم ربي رضيناه
عليه دمعة فوق خدة نثرها
يبكي خـليلا بالـمودة بــكـــــاه
لو هو على زينه بنلقى بدلها
مير البلاء حبا غشى القلب واعماه
حب الشرف ماهو بقرطاس رقمها
يشهد علينا عـــزيزا ماله اشـــباه

قصيدة للشاعر / سعد عايض سعد العصيمي

[تركي عايض]

يافهد من عقب حب اللى هويته
قد نسيت اليوم ياخوي الهوى
شوقي اللى حبها ماقد نسيته
لاظمى قلبي ذكرته وارتوى
ياعيون اللى تعلى فوق هيته
يكفخ الجنحان لامنة نوى
والخدود اللى كما برقا لمحته
وانهمر من عقبها صاف النوى
والجدايل ليل يامحلا مبيته
في هواها يافهد قلبي خوى
بنت منهو عاليا ذكرة وصيته
شابع ابيمناه سرحانا عوى
لو بغيت انسى وليفا لي عشقته
ماقدرت انسى ولاقلبي قوى
بد كل البيض ماغيره بغيته
وسط قلبي حط عرشه واستوى
يافهد رد الكتاب اللى قريته
ياليت ردك على العاشق دوى
قصيدة للشاعر / سعد عايض سعد بريك العصيمي

[تركي عايض]

شـــــــــــــــــــــــــــــــــــاكرا للـــــــــــــــــــــــــــــــــــــــجميع

[مرزوق حمدان العتيبي]

...
.

صح لسان الشاعر سعد
ولاهنت ياتركي على حسن اختيارك..
..
بما ان القصايد ليست من نظم العضو
تم النقل للمكان المناسب
..
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD